ලබන්නාවූ 2014 වසර ඔබ ට සහ රටට....

බඩු මිල වැඩි නොවූ
බදු බර වැඩි නොවූ (අය වැය කියා අවසන්)
වංචාව සහ දූෂණය අඩුවූ,
අධ්‍යාපන අයිතින් හිමි වූ,
නීතිය සහ සාධාරණත්වය හිමි වූ,
පොලීසිය, පොලීසිම ලෙස ක්‍රියාත්මක වූ,
අසාධාරණයට ලක්වූවන්ට සාධාරණය හිමුවූ,
මත්ද්‍රව්‍ය ගෙනෙන නායකයින්/පාතාලයන් අඩු වූ,
නීති ගරුක අවංක පාලනයක පුරවැසියෙක් වූ,
බුද්ධිමත් පාලකයින් රටට දායාද වූ,
රටට ආදරය කරන පාලකයෙක් සහ පාලනයක් හිමිවූ,
සත්‍යයට ඉඩක් හිමි වූ,
අනුන්ගේ චින්තනයකට යට නොවූ,
චින්තනයට යට නොවූ සහෝදර ජනතාවක් ආශ්‍රය කරන්නාවූ,
මානව අයිතිවාසිකං කඩ නොවූ,
ආගමික නිදහස සහ සංවරය රජකරන,
සූරා කෑමට හසු නොවූ,
සමාජ පිරිහීමෙන් අඩුවූ,
දරුවට පාසලක් හිමි වූ,
සුදුස්සාට සුදුසු තැන හිමි වූ,
ත්‍රස්තවාදියාට, මැරයාට, පාතාලයාට තිත තැබූ,
සමාජ පංති භේදය අවම වූ,
රැකියාවට සාධාරණ වැටුපක් හිමි වූ,
ශ්‍රී ලංකා ප්‍රජාතන්ත්‍රවාදී ජනරජයේ ආණ්ඩු ක්‍රම ව්‍යවස්ථාව ක්‍රයාවට නැංවූ,
මනුසත්කම හදුනන, මනුසත්කමට නිගා නොදෙන,
මිනිසෙක් ලෙස ජීවත් වීමට නිදහස හිමිවූ,
සුබ නව වසරක් වේවා!

මේ හැර තවත් කීයක් දේ කියන්න ඇති ද? අඩුම ගානේ මින් කීපයක්වත් හිමි වේනම්....සුබ නව වසරක් වේවා!!




ඔබත් මාත් ජීවත් වන්නේ කේතූමතී නුවරක නොව.
ලබන්නාවූ වසර හෝ, මතු උදාවන කාලය, මතු පරම්පරාවට උදාවන කාලය හෝ සුභ වීමටනම්, ඔබටද මෙවන් පැතුමක් පතන්න සිදුවේ. 

2014 සුබ නව වසරක් වේවා!!!

චෝගම්වලට ජීවය දෙන්න....

 

පෝස්ට් එකක් සඳහා මාතෘකා නැතුවා නොව. කර්ය්‍ය බහුලබව පොස්ටුවක් පල කිරීමට විශාලතම භාදකය වී ඇත. 

මෙම රජය, සමාජය, මිනිසුන්, නූතනය විවිධ මාතෘකා දවසින් දවස එක් කරයි. සමහර මාතෘකා කාලයක් තිස්සේ පැසවා පැසවා තිබේ. එක් මාතෘකාවක් ආ විගස

“ඕක සති දෙකයි තුනයි“
“දැන් අහවලුන්ට කෑ ගහන්න මාතෘකාවත් තිබෙනවා“

“සිංහලයාට මතක හිටින්නේ සතියයි“

වැනි විවිධ මත, ප්‍රලාප අසන්න ලැබෙනු ඇත. නමුත්, ඔවුන්ට එම සිද්ධි අමතක වනවා නොව. නව මාතෘකා දිනෙන් දින එක් වීම මඟින් පැරණි මාතෘකාව යටපත් කිරීමය. දේශපාලන කුහකත්වය ද, ඉහත ප්‍රලාප කීමට සමහරවිට ඉවහල් වේ.

මේ ආකාරයෙන් ගෙවී ගිය සති කිහිපයතුළ මාතෘකා කීපයක් ඉතිරි කළේය.

1) කටුනායක අධිවේගය විවෘතය.
2) චෝගම් (CHOGM) සමුළුව.
3) චැනල් 4 මාධ්‍යවේදින්ගේ පැමිණීම.

ඒ අතරින් මෙම වකවානුතුල පුවත්පත්වල පළවූ පහත කාටූන් මා සිත් ගති. සැබවින්ම ඒ ආණ්ඩු විරෝධී භාවයක් මත නොව. ඉතාම සංවේදී දේශපාලනික කාටූන් වූ බැවිනි. මෙම කාටූන් චිත්‍ර හසන්ත විජේනායකගේ සිතුවම් වන අතර, යථාර්ථය විවේචනය කරන්න, නිරූපණය කරන්න ඔහු සමත්වී ඇති බව මාගේ අදහසයි. එබැවින් එකී කාටූන් මඟින් අදහස් කරනා කරුණ/කරුණු පිළිබඳ වැඩි යමක් නොලියමි.

මේ කටුනායක විවෘත්තයට පෙර, තෙදිනක් සමාන්‍ය ජනතාවට පාරේ කා-බී  නටා විනෝද වීමට දුන් අවස්ථාක නිරූපණයකි.

 

 2013 චෝගම් වඩම්මාගෙන එන්නේ මහත් වූ හරසරිනි. ජනතා සෝ සුසුම් රැල් වේගයෙන් මුදාහරිමින් ඒ පිඹින්නේ චෝගම්වලට ජීවය දෙන්නයි.

 

අම්මේ, තාත්තේ, පංච මහා බලවේගයේ ආදීතමයාගේ සිට, නූතනයා දක්වා වූ පුරවැසියනි, දැන් සැරසෙමු! පියවන්න ඔවුන්ගේ අය-වැය හිඟය!!

පසුගිය දිනවල වෙනත් රටවල හමා ගිය සුළි සුළන් නැතත්, නියගෙට වේලී, සුළඟට හසුවූ පරිදි පීඩනයක් මිනිසුන්ට දැනෙන්නේ කාගේ ආශ්චර්යෙන්ද?

පසු සටහන

චීනය සමඟ ගනු දෙනු, 50% ක් ඉක්මවූ ලාභ දීමනා සහ ප්‍රසාද දීමනා.... තොරතුරු ටිකක් ලැබිණි. නැවත පෝස්ටුවකින් පෙන්වන්නම්.

ආශ්චර්යේ සිහින මාවගේ ගිලි සිටින කිසිවෙකුට වැරැද්දක් නොපෙනෙනු ඇත. එය මාගේ වරදක් නොව.

අංකුර දේශපාළුවෝ

අප පසුගිය කාලය පුරාවට ඡන්ද ගණනාවක්ම පසු කළෙමු. ජනාධීපතිතුමා විසින් 2013 වසරට එකදු ඡන්දයක්වත් නැතැයි කීවද, නැවත ඡන්දයක් මතු වී ඇත. එතුමා කියු බොහෝ දේවල්වල තත්ත්වයද එයමයි කියා මට සිතේ. ඡන්දය පැවැත්වීමද නොනවතින ක්‍රියාදාමයකි. සෑම ඡන්දයකදීම අපේක්ෂකයන් ඡන්ද දායකයා බුද්ධිමත් ඡන්ද දායකයෙක් බව පසක්කරවමින්, සහ පවසමින් තම අනාගතය වෙනුවෙන් සහ තවත් කෙනෙකුගේ දෑත් ශක්තිමත් කිරීම සඳහා අපමණ උත්සාහයක නිරත වේ. නමුත්, ඡන්ද දායකයා හෝ දෙවරක් සිතිය යුතුය. අසීමිත බලයෙන් පෝෂණය වන සහ බල ලෝභීත්වයෙන් වියරු වැටුණ, ඔබේත් රටේත් අනාගතය අඳුරුකරවන අධම පාලකයෙක්, පාලන පක්ෂයක් හෝ දර්ශනයකට නැවත නැවත ජීවය පිඹිනවා යනු කෙතරම් අනුවණ ක්‍රියාවක්ද?

අංකුර දේශපාලනඥයින් බිහිකරන එක් නැවාතැනකි ප්‍රාදේශීය සභාව. නමුත්, හැදෙන ගස දෙපෙත්තෙන් දනී මෙන්, ඔහුන්ගේ ගමන්මග ඔවුන් විසින්ම හෙළිදරවු කරයි. බොහෝවිට මොවුන්, අද ඇමති බලතල දරණ අයෙකුගේ ඍජු ඥාතීත්වයක් දරයි. මේ හේතුවෙන්ම පිය ආදර්ශය නොඅඩුව ලැබූ මොවුන් පිය අඩි පාරේම ගමන් කරයි. පහත මා උපුටා දක්වනුයේ පුංචි ඡන්දයෙන් බිහිවූ පුංචි පහේ හපන්නුන් විසින් දෑත් ශක්තිමත් කිරීමේ සහ දෑත් ශක්තිමත් කරගැනීමේ මෑත කාලීන අවස්ථා කිහිපයකි. මඟ හැරුණ සිදුවීම් අනන්ත ඇති. වාර්තා නොවූ සහ වාර්තා නොවන සිදුවීම් ඊට බෙහෙවින් වැඩියි. කරුණු වඩාත් සත්‍යාසන්න කරනුවස් දිගුවන්ද ලබා දෙමි.

2013-07-16 ලග්ගල සභාපතිගේ ආදරණීය පුතණුවන් ගිනි අවි අත දරයි.
ලග්ගල ප්‍රාදේශීය සභාපතිගෙ ධර්මසිරි කන්නන්ගර යන අයගේ පුත් විසින් කළ වෙඩි තැබීමකින් කිවුලවාඩිය ප්‍රදේශයේ පාසැල් සිසුවෙකු තුවාල ලබා ඇත. එය මෙම ලිපියේ සටහන් තබන මොහොතේ වර්තාවූ සිද්ධියකි.

2013-07-12 යටියන්තොට ප්‍රාදේශීය සභාපති අල්ලස් චෝදනා මත අත්අඩංගුවට
යටියන්තොට ගලපාත ප්‍රදේශයේ පුද්ගලයෙකුට ස්වයං රැකියාවක් ලෙස කුකුළු ගොවිපළක් ආරම්භ කිරීමට අවස්ථාව සලසා දීමට යැයි පවසා රුපියල් 30,000/- ක මුදලක් ලබාගෙන ඉන් රු 15,000/- ක මුදලක් සභාපති වසන්ත කුමාර මහතා ළඟ තබා ගැනීම හේතුවෙන් අල්ලස් හා දූෂණ විමර්ශන කොමිෂන් සභාව විසින් අත්අඩංගුවට ගන්නා ලදී.

2013-07-10 - මීගමුව නගරාධිපති පොලිස් නිලධාරියෙකුට පහරදීම සම්බන්ධයෙන් චෝදනා ලැබ අත්අඩංගුවට ගැනීම
http://www.newsfirst.lk/sinhala/node/23907

2013-04-17 - යතුරු පැදියක් පරික්ෂාකළ පොලිස් නිලධාරීන් කිහිප දෙනෙකුට තර්ජනය කිරීම හේතුවෙන් ගම්පහ නගරසභා මන්ත්‍රී අත්අඩංගුවට ගන්නා ලදී.

2013-06-12 - අවන්හල් හිමිකරුවකුට පහරදීම සම්බන්ධයෙන් අම්පාර නගරාධිපතිවරයා පොලිස් අත්අඩංගුවට පත් විය.

2013-07-08 දැරණියගල හිටපු සභාපති අධිකරණයට
වතු අධිකාරවරයෙකු මරණයට පත්කිරීම (2012-07-05) සම්බන්ධයෙන් චෝදනා ලබා දැරණියගල හිටපු සභාපති (අනිල් චම්පික නොහොත් අතකොටා) සහ තවත් සැක කරුවන් 11 දෙනෙක් අත්අඩංගුවට ගනු ලැබීය. ඔහු ජුලි 24 දක්වා රිමාන්ඩ් බන්ධනාගාර පමුණුවා ඇත. මීට පෙරද ඔහු එම ප්‍රදේශයතුළ තම අන සක පතුරුවමින් විවිධ ධාමරික ක්‍රියාවන් කර ඇති අතර, ස්ත්‍රී දූෂණ ද ඔහුගේ ක්‍රියාකලාපයේ ප්‍රමුඛස්ථව ඇත.

2013-07-06 වල්ලාවිට ප්‍රා. සභාපති අල්ලස් ගැනීම චෝදනා ලැබ අත්අඩංගුවට
පස් ප්‍රවාහනය සඳහා බලපත් ලබා ගැනීමට යාමේදී බෙන්තොට ප්‍රාදේශීය සභා සභාපතිවරයාගෙන් රුපියල් ලක්ෂ 15 ක අල්ලසක් වල්ලාවිට ප්‍රාදේශීය සභාවේ සභාපති උදේනි අතුකෝරල යන අය විසින් ලබගත්තේයැයි චෝදනා ලැබ අල්ලස්‌ කොමිසමේ නිලධාරීන් විසින් අත්අඩංගවට ගනු ලැබීය. නමුත්, මීට පෙරද රුපියල් ලක්ෂ 5 ක මුදලක් අල්ලස් ලෙස ලබා ගත් බව බෙන්තොට ප්‍රාදේශීය සභා සභාපතිවරයා පවසයි. ඒ අනුව ඔහුද අල්ලස් ලබා දී රජයට අය විය යුතු රාජ්‍ය භාගය වසන්කර ඇත. එබැවින් ඔහුද වරදකරුවෙකු විය යුතුය.

2013-07-04 කරුවලගස්වැව ප‍්‍රාදේශීය සභා සභාපති අත්අඩංගුවට
තබ්බෝව ජලාශය භාර වාරි ඉංජිනේරුවරයෙකුට පහරදීම සම්බන්ධයෙන් පුත්තලම, කරුවලගස්වැව ප්‍රාදේශීය සභාවේ සභාපති නීල් වීරසිංහ යන අය අත්අඩංගුවට පත් විය.

2013-02-17 දින සාලියවැව මංසන්ධියේදී පුද්ගලයෙකුට පහරදීමේ චෝදනා මතද, 2012-07-16 දින ද තම ප්‍රා. සභාවේ ප්‍රධාන කළමනාකාර එම් සී තිලකරත්න යන අයගේ හිසට බෝතලයකින් පහරදී තුවාල කීරීමේ චෝදනාව මතද, මෙම සභාපතිවරයා නීතිය හමුවට පමුණුවන ලද අයකි.
http://lakhanda.lk/news/?p=846
http://expresspuwath.com/?p=29264

2013-06-05 මාවනැල්ල ප්‍රා. සභාපතිට පුද්ගල ඝාතනයක් සම්බන්ධයෙන් මරණ දඩුවම.

මාවනැල්ල බෙලිමුල්ල ප්‍රදේශයේදී කේ. ජී. ප්‍රියන්ත පත්මකුමාර මහතාට වෙඩි තබා ඝාතනය කිරීම සම්බන්ධයෙන් චෝදනා ලැබූ මාවනැල්ල සභාපති කේ. පී. පියතිස්ස යන අයට මරණ දඩුවම අධිකරණය විසින් නියම කිරීය.

2013-05-26 ඇඹිලිපිටිය ප්‍රා. සභාපති පහරදීමක් සම්බන්ධයෙන් චෝදනා ලැබීම.

රියබලපත්‍රය සහ හිස්වැසුම් රහිතව යතුරුපැදියක් ධාවනය කළ තිදෙනෙකුට නීතිය ක්‍රියාත්මක කළ පොලිස් නිලධාරීන් දෙදෙනෙකුට, ඇඹිලිපිටිය ප්‍රා. සභාපති එම්. කේ අමිල යන අය විසින් පහර දීමේ චෝදනා යොමු වීය. මොහු පොලීසිය මඟහරිමින් සිට අධීකරනයට ඉදිරිපත්වී ඇප ලබා ගන්නා ලදී.
http://www.newsfirst.lk/sinhala/node/23125

2013-02-04 මොරටුව උප නගරාධිපති භික්ෂු ඝාතනයක් සම්බන්ධයෙන් චෝදනා ලැබ අත්අඩංගුවට ගැනීම
එගොඩඋයන සුනන්දෝපන්දරාමයේ හිමිනමක් සමඟ කලක සිට පැවත එන ඇති ඉඩම් ආරවුලක් දුරදිග ගොස් උන්වහන්සේව අපවත් කිරීම සම්බන්ධයෙන් චෝදනා ලබා මොරටුව උප නගරාධිපති සුජිත් පුෂ්පකුමාර යන අය අත්අඩංගුවට පත්විය.

2012-07-28 අල්ලස් චෝදනා මත කළුතර ප්‍රා. සභාපති අත්අඩංගුවට
ඉඩම් වෙන්දේසිකරුවකුගෙන් රු ලක්ෂ 38 ක අල්ලසක් ලබා ගත්බවට චෝදනා ලැබූ කළුතර ප්‍රාදේශීය සභාපති, අදාළ අල්ලස් ලබාගන්නා අවස්ථාවේදීම අල්ලස් හෝ දුෂණ චෝදනා විමර්ශන කොමිෂන් සභාවේ රැහැනට නතුකරගෙන තිබේ.

2012-07-04  බාල වයස්කාර දැරියක දූෂණය කිරීමේ වරදට අකුරැස්ස ප්‍රා. සභාපති අත්අඩංගුවට
අකුරැස්ස ප්‍රාදේශීය සභාපති එස්. එල්. සුනිල් යන අය විසින් බාල වයස්කාර දැරියක් අපයෝජනය කිරීම හේතුවෙන් 2012 -07-04 මාතර පොලීසිය විසින් අත්අඩංගුවට ගන්නා ලදී. නමුත් ඔහු වෙනුවෙන් පෙනී සිටිමින් උද්ඝෝෂණය කිරීමට ද ප්‍රදේශයේ මිනිසුන් සිටීම ගුජුප්සා ජනකයි.

2012-01-31  කොටකෙතන ද්විත්ව ඝාතනය සහ කාන්තා ඝාතන රැල්ලක් නිර්මාණය.
පසුගිය වසරේ මහත් ආන්දෝලනයට තුඩු දුන් කහවත්ත කොටකෙතන ප්‍රදේශයේ මවක් සහ දියණීයක් කපාකොටා ඝාතනය කිරීමේ සිද්ධිය සහ තවත් කාන්තා ඝාතන රැසකි. මෙම ඝාතන සිද්ධි ගලා යනුයේ කුඩු ජාවාරමක් හෙළිදරව් වීමත් සමඟය. ද්විත්ව ඝාතනයට අදාළව අත්අඩංගුවට ගෙන වසරකට අධික කාලයක්‌ රක්‍ෂිත බන්ධනාගාරගත කර සිටි ගොඩකවෙල ප්‍රාදේශීය සභාවේ හිටපු මන්ත්‍රී මෙන්ම ‍ජෝන් සෙනෙවිරත්න ඇමතිවරයාගේ සම්බන්ධීකරණ ලේකම් ලොකුගම් හේවගේ ධර්මසිරි නමැති සැකකරු අධිකරණය විසින් 2013-04-02 දින නිදහස්‌ කරන ලදී.

පාලන තන්ත්‍රෙය් නිල පවත්පතක් වන දිනමිණ මෙම පුවත වාර්තා කරනු ලැබුවේ, "සාක්ෂි නැති නිසා ධර්මසිරි නිදහස්" යනුවෙනි 

http://www.dinamina.lk/2013/04/03/_art.asp?fn=n1304031&p=1

2011- තංගල්ල ප්‍රාදේශීය සභාපති විදේශීකයෙකු මරණයට පත්කිරීම 

රතුකරුස සංවිධානයේ නියෝජිතයෙක් වූ කුරාම් ෂෙයික් මහතා ඝාතනය කිරීම සහ එම මහතාගේ පෙම්වතිය වූ රුසියානු ජාතික වික්ටෝරියා කචේවා දූෂණය කිරීම සම්බන්‍ධයෙන් චෝදනා ලැබ තංගල්ල ප්‍රාදේශීය සභාපති සම්පත් චන්ද්‍රපුෂ්ප විදානපතිරණ සහ ඔහුගේ සහායකයින් 8 දෙනෙකු අත්අඩංගුවට ගැනීම.
http://www.pathula.com/index.php/archives/2647

(රැකියාව හේතුවෙන් බ්ලොග් අවකාශයෙන් දුරස්භාවයක් ගත්තද, එය අමතක කර හෝ අමතක වී හෝ නැත. එබැවින් හැකි පමණ, බ්ලොග් අවකාශයේ සැරිසැරීමට උපරිම උත්සාහ කරමි.)

පසු සටහන

රාජ්‍ය භාගය සහ අනෙකුත් ගාස්තු නොගෙවා පස් - වැලි වැනි ඛනිජ ද්‍රව්‍ය ප්‍රවාහනය අද සමාන්‍ය දෙයකි. එය අල්ලස් ලබා දීම මත නිරන්තරයෙන් සිදුවේ. මෙහිදී රජයට විශාල මුදලක් අහිමි වී යයි. සිවිල් නීතිය කරවන පොලිස් නිලධාරීන් පිරිසක් පවා මෙතන සිටී. ඒ අහිමිවී යන මුදලේ හිඩස සමාන්‍ය ජනතාවටම පසු කාලීනව බදු ලෙස හෝ වෙනත් අනියම් ආකාරයකින් දැරීමට සිදුවේ. ජීවන වියදම වැඩි වීමට රටේ පවතින අල්ලස සහ දූෂණය ද ඉවහල් නොවන බව පැවසිය හැකිද?

අංකුර දේශපාලකයන් රටට ලබා දෙන පූර්වාදර්ශය, ඔවුන්ගේ යටි වියන්, උඩුවියන් මඟින් පෙන්වාදුන් පූර්වාදර්ශයම නොවන්නේ ද?. මේ සියලු දෙනා අතු රිකිලි මුල් දුවවමින් උරා බොන්නේ රටේත්, ජනතාවගේත් සාරයයි. අවම වශයෙන් අපි දූෂණයෙන් සහ වංචාවෙන් තොර උගත් ජනතා නියෝජිතයින්ව තෝරා ගැනීමට වෙර දරමු. පුංචි සභාවෙන් හදුනාගත් පහේ වියතුන් වරණයකට ලක්කර පළාත් සභා වෙත කැඳවමු. "අපි හෙවුවොත් අපි කයි කියා" සිතේනම්, අපිට සොයන්න රටක්, සහ ජීවත් වීමට සුදුසු පරිසරයක් තිබිය යුතු බවද සිතමු.

දෙවියන්ට එරෙහි නඩුවක්....!

දෛනිකව විශාල වැඩ කොටසක නිරතවීමට සිදුවීම සහ අධික විඩාව හේතුවෙන් මෙම දිනවල මා ලිපියක් ලිවීමට අපොහෝසත් විය. නමුත්, මේ දින 02 ද ගෙවී ගියහොත් මාර්තු මාසය මාගේ බ්ලොග් අඩවිය පාළුවට පත් වීම වැළැකිය නොහැක. අවම වශයෙන් අනෙත් බ්ලොග් අඩවිවලට පිවිසීම පවා සීමා සහිත විය. එමෙන්ම මට දැනෙනා අන්දමට අනෙකුත් බ්ලොග් ශිල්පි/ශිල්පිනියන්ගේ තත්ත්වය එම තත්වයට මදක් ආසන්න වී ඇත.

මා මෙම ලිපිය ලිවීමට අදහස් කරනු ලැබුවේ පසුගිය දිනක OMG: Oh My God! (IMDb Rating - 7.9) හින්දි චිත්‍රපටය බලන ලද බැවින් සහ එහි කිසියම් විවේචනාත්මක සත්‍යයක්ද ගැබ්ව ඇති බැවිනි. අවශ්‍ය කෙනෙකුට මෙම දිගුව ඔස්සේ http://1337x.org/torrent/423211/0/ එය බාගත කර ගත හැකි අතර, සිංහල උපශිරැසි බයිස්කෝප් සිංහලෙන් අඩවියෙන් හෝ subtitlesbank.com මඟින් බාගත කර ගත හැකිය.

මිනිසුන් බොහෝ දෙනෙක් නමට ආගමික චරිතයක්ව සිට තම හොමෝ සේපියන්ස් සේපියන්ස් ජාන මඟින් අඛණ්ඩව පවත්වාගෙන ආ ගමනේ නියැලේ. එහේත්, මිනිසුන් බහුතරයකට ලොව තේරුම් ගැනීමට තවම අපහසුය. අතීතයේ කෙසේ වෙතත් වර්තමානයේ තත්ත්වය ද එලෙසම පවතී. එකී සාධකය දඩමීමා කර ගනිමින් එය ව්‍යාපාරික ස්වරූපයකින් ද පැවතීම අද සමාන්‍ය තත්ත්වයකි. OMG: Oh My God! මඟින් විවේචනය කරනුයේ මෙම ව්‍යාපාරමය ස්වරූපයයි. 

OMG: Oh My God! චිත්‍රපටය ජාකන වනුයේ හින්දු ආගමික පසුබිමක් තුළය. එබැවින් දෝ කිසිම විටක ආගම විවේචනය කරනුයේ නැත. නමුත්, දෙවියන් සහ රෝගියා අතර පෙනී සිටින කට්ටඩියා හෝ පූජකයා අතිශය විවේචනාත්මකව විග්‍රහයකට භාජනය කරයි. එබැවින් දැඩි ආගමික භක්තිකයින් අතර වුව චිත්‍රපටය තිර ගත කර ගැනීමට එහි නිෂ්පාදකයින්ට අපහසුතාවයක් ඇති නොවේ. තවද අධ්‍යක්ෂක විසින් දෙවියන් කෙරේ ඇති සියලු චෝදනා සහ මිනිස් අසහනයන් කට්ටඩියන්/පූජකයන්/ස්වාමිවරුන් මතින් පමණක් කිසිදු හිරිකිතකින් තොරව මුදා හරිනු ලබයි. මා දන්නා පරිදි ඉන්දියාවේ ද දැඩි ආගමික භක්තිකයන් නොඅඩුව සිටිනා බැවින් ඔවුන්ගේ ආගම විවේචනයක් සහිත කෘතියක් එළි දැක්වීම ලෙහෙසි පහසු කටයුත්තක් නොවේ. පසුගිය වකවානුවක තිරගත වූ The Da Vinci Code (ඩාවින්සි කෝඩ්) චිත්‍රපටය ක්‍රිස්තු භක්තිකයන් ප්‍රකෝප කරන්නක් වූ අතර, ඇමරිකාවේ නිෂ්පාදනය වූ (නම දන්නේ නැත) චිත්‍රපටයක් මඟින් මහමත්තුමාට අපහාස කරන්නේ යැයි කියමින් මුස්ලිම් භක්තිකයන් ද ප්‍රකෝපකාරී ලෙස හැසිරිණි. පසුගිය වර්ෂයේ සැප්තැම්බර් (OMG: Oh My God! තිරගත වනුයේ ද මෙම කාලසීමාවේදී ය) මස ශ්‍රී ලංකාවේදී මෙකි විරෝධය (ලංකාදීප වාර්තාවක්) දැක ගත හැකි විය. 

මා දන්නා පරිදි බොහෝ දෙනෙක් එකී චිත්‍රපටිවලට විරෝධය පෙන්නුවද සත්‍ය වශයෙන්ම චිත්‍රපටිය දැක ඇත්තේ හෝ එහි නමවත් දන්නේ යටත් පිරිසෙන් කිහිප දෙනෙකු පමණි. 

OMG: Oh My God! නැතිනම් “දෙවියන්ට එරෙහි නඩුවක්“ චිත්‍රපටිය අධ්‍යක්ෂණය උමේෂ් ශුක්ලා (Umesh Shukla) විසින් වන රඟපෑමෙන් අක්ෂේ කුමාර්, පරේෂ් රාවල්, මිතුන් චක්‍රබෝර්ථි දායක වේ. චිත්‍රපටය 2012 සැප්තැම්බර් 28 දිග හැරේ. චිත්‍රපටිය පුරා දිවයනුයේ දෙවියන් විවේචනය කිරීමක් නොවන අතර, එයින් දෙවියන් වෙනුවෙන් යැයි කියා පෙනී සිටින අතරමැදියන් විවේචනයට සහ හාස්‍යයට භාජනය කරයි. අතරමැදියා, සාමි කෙනෙක්, පූජකයෙක්, පූසාරියෙකු හෝ වෙනත් අයෙකු විය හැකියි. අප ද දැනට ඒ දෙස පමණක් ඇඟිල්ල දිගු කරමු. නමුත් යථාර්ථය එයම නොවන බව ඔබ පිළිගනු ඇතැයි කියා මා සිතමි. මා ඉදිරියෙදී දෙවියන් සහ ආගම් බිහිවීම සිට පැවතීම දක්වා කතා කිරීමට කැමැත්තෙන් සිටිමි. හුදෙක් එය විවේචනය සඳහා ඇති රැචියක් නිසා නොව. යථාර්ථය පිළිබඳව බුද්ධිමය ප්‍රවේශයක් ලබා ගැනීම සඳහායි. 

චිත්‍රපටිය ගැන සැකෙවින් කියන්නම්,

මෙම චිත්‍රපටියේ “කාන්ජි ලාල්“ නම් අදේවවාදී ප්‍රධාන චරිතය බොරුව සහ වංචාව මුසුකොට දේව රූප වෙළඳාමේ යෙදෙනු ලබයි. නමුත්, ඔහු දේව නියෝජිතයින් හෙවත් පූජකයින් පිරිසකට එරෙහිව ක්‍රියා කරයි. දිනක් ඔවුන් කාන්ජී ලාල් ට ශාප කරන අතර, එදිනම භූමි කම්පාවක් මඟින් ඔහුගේ වෙළඳසැල පමණක් විනාශ වේ. බොහෝ දෙනෙක් පවසනුයේ වෙළඳසැල කැඩි ගියේ දේවියන්ට අපහාස කළ බැවින් කියා ය. නමුත්, ඔහු එය කිසිදු තැකීමකට ලක් නොකර රක්ෂණාවරණය ලබා ගැනීමට රක්ෂණ ආයතනයට යයි. අදාළ රක්ෂණ ආයතනය විසින් මෙම වෙළඳසැල කැඩී ඇත්තේ දෙවියන්ගේ ක්‍රියාවක් හේතුවෙන් බව පවසමින්, එවැනි තත්ත්වයක් යටතේ තමා වන්දි ගෙවීමට බැඳී නැති බව පවසයි. මෙහිදී කාන්ජී අඩියක් පස්සට ගිය නමුත්, ඔහු නවතිනුයේ නැත. දෙවියන්ට නඩුවක් පැවරීමට ඔහු අදහස් කරයි. ඒත් අදාළ නඩුව වෙනුවෙන් පෙනී සිටීමට කිසිදු නිති වේදියෙකු ඉදිරිපත් නොවන බැවින්, තම නඩුව වෙනුවෙන් උසාවියේ කතා කිරීමට තමාටම ඉදිරිපත්වීමට නීතියේ ඉඩ ප්‍රස්තාව ඇති බව, ඔහුට උපකාර කිරීමට එකඟවන ආබාධිත නිතීඥයෙකු පවසයි.

දෙවියන් හෝ දෙවියන්ගේ නියෝජිතයන් තමාගෙන් පඩුරු සහ ලාභ ප්‍රයෝජද ගෙන, දෙවියන් විසින්ම තමාට ආසාධාරණයක් කළේනම් ඒ සඳහා දෙවියන්ගෙන් ද, දෙවියන් කියා කෙනෙකු නැතිනම් හෝ භූමි කම්පාව දෙවියන්ගේ වැඩක් නොවේනම් තමාට සිදුවූ අලාභානියේ වන්දිය රක්ෂණ ආයතනයෙන් ලැබිය යුතු බව ඔහු තදින් පවසා සිටී. ඒ අනුව නඩුවක් සඳහා කරුණු ගොනුවන අතර, සාක්ෂි දීම සඳහා දෙවියන්ගේ නියෝජිතයන්ට සිදුවේ.

චිත්‍රපටියේ දෙබස් බොහෝ සෙයින් යථාර්ථවාදී බවක් දරයි. නඩුව අතරතුර කාන්ජී උදවුවට මිනිස් වෙසකින් ක්‍රිෂ්ණා දෙවියන් පැමිණේ. චිත්‍රපටියේ යථාර්ථවාදී බව පලුදු කරනුයේ මේම සිද්ධියත් සමඟය. කෙසේ වෙතත් හින්දු ආගමික පසුබිම තුළ ඊට වඩා වැඩි යමක් කිරීමේ හැකියාව අධ්‍යක්ෂක උමේෂ් ශුක්ලා ට ඇතිද යන්න ප්‍රශ්නයකි. නඩු ඇසීම නොනැවතී ඉදිරියටයන අතර, තවත් බොහෝ අසාධාරණයට ලක්වූ මිනිසුන් ඔහු සමඟ එක් වේ.
අවසානයේ දෙවියන් හානි කරනු ලැබුවේ යැයි ඔප්පු කිරීමට ලිඛිත සාක්ෂි උසාවිය විමසයි.
ඔහු මේ සඳහා දෙන්නේ කුමක්ද ?
දෙවියන් විසින් ලියන ලදැයි කියන භගවත් ගීතාව, බයිබලය, කුරාණය ඔහුට කදිම සාක්ෂි සපයයි.

කාන්ජි උසාවියේ දී එක් ස්වාමිවරයෙකුගෙන් මෙසේ සාක්ෂි සඳහා ප්‍රශ්න කරයි,

කාන්ජි - "භගවත් ගීතාව ලියුවේ දෙවියන් නේද"
ස්වාමි - "ඔව්"
කාන්ජි - "භගවත් ගීතාවේ තියෙන හැමදේම සත්‍ය නේද?"
ස්වාමි - "සම්පූර්ණයෙන්ම සත්‍යයි"
කාන්ජි - "එය සටහන් කරගන්න උතුමාණෙනි"
"එහෙනම් මට කියන්න ඇයි 8 වන පරිඡේදේ 9 වන ශ්ලෝකයේ කියල තියෙන්නෙ, මුළු විශ්වයම මැව්වේ මමයි....“  “එහි විනාශය සිදු වෙන්නේ මා අතින්මයි...."
"හැමදේම සිදුවෙන්නේ මාගේ කැමැත්තට අනුව, එම විනාශයේ වගකීම ලැබෙන්නේ මට, මට විතරමයි...., මමයි මැව්ම්කරු හා විනාශකරු,"
"මේ බලන්න උතුමාණෙනි, බයිබලයෙත් ඒකමයි කියලා තියෙන්නේ. 54 වෙනි ඡේදය, 16 වෙනි වාක්‍ය." 
"මමයි මැවුම්කරු, ගල් අඟුරු පුපුරුවා හැර ආයුධ නිශ්පාදනය කරන ශිල්පියාගේ...., ඔහුව තම අරමුණට සූදානම් කළා, විනාශකරුවාව නිර්මාණය කළේත් මා විසින්මයි....,"
"මේ බලන්න, ශුද්ද වූ කුරාණයේ කියල තියෙනවා, සූර් ඒ සලාල් 99, 108 වෙනි නිකායේ කියනවා, මුළු ලෝකයම සෙලවෙන්න පටන් ගනියි, පෘතුවිය පිට කරයි එයට අනව්‍ය දේවල්, මිනිසුන් ප්‍රශ්න කරාවි එදාට, ඔහුට කුමක්ද මේ වෙලා තියෙන්නේ. එදාට හෙළිවෙයි ඇයගේ සත්‍ය. මොකද එසේ කරන ලෙස ඔහුට අණ ලැබිල තියෙනවා. උත්තමයානන්ගෙන්"
"මේ හැම දේකින්ම කියැවෙන්නේ එක දෙයයි. දෙවියන් තමයි භූමි කම්පාව ඇති කරලා මගේ කඩේ සමතලා කරලා දැම්මේ. එකේ තේරුම තමයි ඒක දේව ක්‍රියාවක්"
"අපි හැමෝටම මේ සිදු වුන අසාධාරනවලට වන්දි ගෙවන්න ඕන දෙවියන්, නැතිනම් දෙවියන් වෙනුවෙන් එකතුකිරීමේ නිළධාරීන්."

ඔහුට ඇති ලිඛිත සාක්ෂි අනුව බලන්න කෙතරම් තාත්වික අදහස් ප්‍රකාශයක්ද. අවසානයේ ඔහු නඩුවෙන් ජය ලබන අතර, දෙවියන්ගෙන් අසාධාරණයට ලක්ව නඩු පැවරූ අනිත් අයටත් වන්දි මුදල් හිමි වේ. නමුත්, චිත්‍රපටියෙන් දෙවියන් නැවත ස්ථාපිත කරනු ලබන මුත් දෙවියන් දේවාලයකට කොටු නොකරයි. අතරමැදි කට්ටඩියා පමණක් පසකට තල්ලු වේ.

මිනිසුන් කෙතරම් වින්ඥානවාදයේ ඇලී ගැලී එරී සිටී ද? මෙම චිත්‍රපටියෙන් ද අපට යමක් අවබෝධ කර ගත හැකිය. චිත්‍රපටිය අවසානයේ දී දේව ගැත්තෙකු කාන්ජීට මෙසේ කියයි.

“විශ්වාසය භක්තිය කියන්නේ හුඟාක් ඇලීම් ගැලීම් ඇති දෙයක් කාන්ජි. එක පාරක් පුරුදු උනෝත් ලේසියෙන් අත් හරින්න බෑ. මේ හැමෝම ඔයාට පේනවද? එයාලා දෙවියන්ට ආදරය කරන අය නොවේ. එයාලා දෙවියන්ට බයෙන් ඉන්න අය. කවදාහරි ඔයාට එයාලව දකින්න ලැබෙයි ආශ්‍රම තුළදී....“ 

මට ටී. එම්. ජයරත්න මහතාගේ අඳුරු කුටිය තුළ ගීතය මතකයට නැඟේ.

අඳුරු කුටිය තුල - දොරඟුලු ලාගෙන
ගයන ගීතිකා - යදින යාතිකා
දෙවියන් හට නෑසේ...
ඒ...දෙවියන් හට නෑසේ
පොළව කොටන තැන - පාර තනන තැන
ගිනියම් අව්වේ - මහ වරුසාවේ
දෙවියෝ වැඩ ඉන්නේ... දෙවියෝ වැඩ ඉන්නේ...
බලන් කඩතුරා හැර දෑසේ..  බලන් කඩතුරා හැර දෑසේ.. 

සිනිදු සුනැති සළු සිරසින් හැරදා
දූවිලි මඩ වැහි හිරිගත පළදා
දෙවියන් රුව දක්නට හැක්කේ...
ආ...ආ...ආ....ආ...........
අඳුරු කුටිය තුල....// 

කුසුම් සඳුන් දුම් සුවඳින් වැලකී
ගතනැඟි දාදිය සුවදින් සැරසී
දෙවියන් හා එක්විය හැක්කේ...
ආ...ආ...ආ....ආ...........
අඳුරු කුටිය තුල....// 

ගායනය     : ටී. එම්. ජයරත්න
පද රචනය : ප්‍රේමදාස ශ්‍රී අලවත්ත

පසු සටහන

ශ්‍රී ලංකාවේද දේව, සහ අනෙකුත් ආගමික ස්‍රාතෘවරුන් මුල් කරගනිමින් ව්‍යාපාරයේ නියැලෙන බොහෝ පිරිස් සිටියා මෙන්ම අදද ඇත. (කරුණු කිහිපයක් පමණක් සැකවින්)

• වසර කිහිපයකට පෙර මා ජීවත් වන ප්‍රදේශයට ආසන්නව දොළුකන්දේ අපූරු හාස්කමක් මවා පා එහි විහාරවාසීව සිටි ස්වාමින් වහන්සේ නමක් අපූරු ව්‍යාපාරයක් දියත් කරනු ලැබීය. (මේ පිළිබඳව ඇසින් දුටු සහ ප්‍රත්‍යක්ෂකරගත් කරුණු මත මාහට ඉදිරියේදී ලිපියක් ලිවිය හැකිය)
• කුරුණෑගල රෝහලට පැමිණි එක් මිෂනාරි දේව ගැති පිරිසක් විසින් පැන් ඉසීමක් කරනු ලැබීය. රෝගීන් සුවපත් කිරීමට තම දේවියන්ට හැකි බව ඔවුන් පවසන ලදී. මාගේ සොයුරෙකු ඔවුන්ගෙන් ප්‍රශ්න ඇසූ නම්ත් වැඩි දුර පිළිතුරු දීමෙන් වැළකී සිටීය. විටෙක මොවුන් අට්ටාලගසා එහි රෝගීන් සුවපත් කරනවාලු.
• බොහෝ දේවාලවල මොනරකොළ සහිත පලතුරු වට්ටියට වැඩි සැලකිලි ඇත.
• මැද පෙරදිග ගෙල සිඳ මරා දැමූ රිසානාට එකී දඩුවම අත්වූයේ දේව කැමැත්ත මත බව කියයි.
• මුන්නේශ්වරම් දේව මෙහෙය අවසානයේ ලද මුල්‍ය ලාභය තැන්පත් වනුයේ ස්විස් බෑන්ක්වල බව අප්‍රසිද්ධ රහසකි. එය දෙවියන්ගේ ගිණුමක් වන අතර, එහි වර්තමාන අයිතිකරු මුන්නේශ්වරම් ස්වාමි ය.
• දළදා මාළිගාවේ දියවඩන නිලමේතුමන් දක්ෂ ව්‍යාපාරිකයෙක්. ඔහු දියවඩනකම ගැනීමට දේශපාලකයෙක් ඡන්දයේදී කරන වියදම ම දරනු ලැබීය. තවද ඔහු දක්ෂ කොන්ත්‍රාත්කරුවෙක් වන අතර රජ්‍ය සේවය පිණිස ලේබලයේ සිටී.
• එමෙන්ම බොහෝ බස්නායක නිලෙමෙවරුන් රාජ්‍ය ගැති සහ ඔවුන්ගේ හිතවතුන්ය. ඔවුන් සහ සමහර පුජ්‍ය පක්ෂ ස්වාමින් වහන්සේ (වහන්සේලා කියා සිහළ භාෂාවේ බහු වචනයක් නැත) තනිකරම රාජ්‍ය සේවය පිණිසය. 

ආචාර්ය ඒබ්‍රහම් තෝමස් කෝවුර් (1898-1978) යනු 60-70 දශකයන්ගේ වඩාත් ප්‍රචලිත චරිතයක් වූ අතර, ඔහු විචාර බුද්ධියෙන් තොර සහ තාර්කික ඥානයට ගෝචර නොවන සියල්ල ප්‍රතික්ෂේප කළ අයෙකි. ඔහු විසින් එම කාල වකවානුවේ බොහෝ යන්ත්‍ර-මන්ත්‍ර හාස්කම්වල අසත්‍යතාවය ඔප්පුකර ඇත. (අමුණුගොඩ තිලකරත්නගේ “මා දුටු කොවුර්“ - පොත කියවන්න) 

එකෝමත් එක රටෙක එකෝමත් එක රෝහලක

පළමුව මා සඳහන් කරනුයේ මෙම ලිපිය ලිවීමට  මාහට වඩාත් සිත් වූයේ අමාවක බ්ලොග් අඩවියේත්, මාතලන් බ්ලොග් අඩවියේත් පළවූ ලිපි හා සමගාමීවය. මා යොදා ඇති අදාළ ලින්ක් එක උපකාරයෙන් පිවිස ඔබට ඔහුන්ගේ විමසුමට එක්විය හැකි ය. සියලූම රෝහල් සහ වෛද්‍යවරුන් ද, මාධ්‍යවේදීහූ හෝ මාධ්‍ය ආයතන ද මීට ආදාළ නොවූවත්, අප ඇසින් දුටු, කියැවූ පරිදි මනසේ කැකැරෙන විතිකිච්ඡාව පාදක කරගනිමින්, කරනු ලබන විවේචනයකි වේ.

බාල ඖෂධ වර්ග මෙරටට ගෙන්වීම නිසා පසුගිය කාල වකවානුව පුරාවටම සිදුවූ ජීවිත හානී පිළිබඳව අප මාධ්‍යතුළින් හොඳන් ඇසුවෙමු/කියැවුවෙමු. ඔබට හොඳින් මතක ඇති මෙම “බාල“ රිද්මය අතු රිකිලි දමා, බාලාවතාර, බාල බෙහෙත්, බාල තෙල්, බාල සිමෙන්ති .... ආදී වශයෙන් විවිධ වූ සීමාවන් ස්පර්ශය කරමින් ව්‍යාප්ත වූ ආකාරය.  2012 වර්ෂය සඳහා මෙරටට ගෙන්වන ඖෂධ සීමා කරමින් කෘතීම ඖෂධ හිඟයක් ඇති කිරීමට තැත් කළ ආකාරය අපි එම වකවානුවේදී හොඳින් ඇසුවෙමු. ඔහුන්ගේ ජාතික ඖෂධ ප්‍රතිපත්තිය එයදෝ කියා විටෙක සිතේන අතර, රජයේ එකී කූට ක්‍රියා පිළිවෙත් හේතුවෙන් බැට කෑ සහ තවමත් බැට කන ජනතාව බොහෝ ය. ඖෂධ සමාගම්වලින් ගනු ලැබූ සන්තෝසම් හෙවත් ඖෂධ මාෆියාව ඇරැඹීම නිසා දෝ තවම මෙම ප්‍රතිපත්තිය බලගැන්වී නැත.

වෛද්‍යවරුන්ට අත්වැරදි විය හැකි බව මා පිළිගනිමි. නමුත්, එය ජීවිතයත් මරණයත් අතර, දෝලනයකි. එබැවින් එවැනි අත්වැරැදීමක් කිසිසේත්ම සාධාරණීකරණය කිරීමට හෝ වන්දි ගෙවීමකට යටත් කිරීම හෝ තළ නොහැකියි. වැරැදි ප්‍රතිකාර තුළින් හෝ ඖෂධ හේතුවෙන් හෝ නැතිවනුයේ ඔබේ ම ළඟම හිතවතකුගේ අතක්, පයක් හෝ ජීවිතයක් නොවෙන්න පුළුවන්. නමුත්, තත්ත්වයට පිළියම් නැතිව තවදුරටත් එය උඩුදුවනවානම් ඔබේත් මගේත් හිතවතකුට ද එවන් ඉරණමක් අත්විඳීමට අවස්ථාව උදාකරවීමකි. ඔහුන් අත්වැරැද්ද ලෙස අර්ථකථනය කළ ද මට හැගෙනා පරිදි බොහෝ විට සිදුවනුයේ නොසැලකිලිමත්බවය. වෛද්‍යවරයෙකු යනු මනා හික්මීමක් ඇති, ඉතා සැලකිලිමත්, විචක්ෂණශීලී පුද්ගලයෙකු බව අපට සනාථ කළ නොහැකි ය. නමුත් වෛද්‍යවරයාගේ වැරැද්දට වඩා සමාජ වෛරසයක් ලෙස පවතින මිනීමරු දේශපාළුවාගේ වැරැද්ද සහ ඔහුන්ව මා ඉතා පිළිකුල් සහගත අයුරින් දකිමි.

පහත අවස්ථා ගැන මොහොක් ඔබේ මතකය ආවර්ජනය කර බලන්න. මේ සිදුවීම් පසුපස කොපමණ වංචා දූෂණ හෝ අක්‍රමිකතා හෝ බද්ධ වී තිබෙන්නට ඇති ද...? සියල්ල සක්සුදක් සේ අනාවරණය කිරීමට හෝ පැහැදිලිකිරීමට හෝ අපසු අවස්ථාවලදී “කොයි ඔප්පු කරන්න සාධාක“ කියා එය බැහැර කරන සහ කරවන පිරිස් ද අද කොතෙකුත් ඇත. ඔබ රජයේ රෝහලකින් ප්‍රතිකාර ගැනීමට වරක් හෝ පිවිස ඇත්නම් (සමහරවිට) ඔබටද යමක් කීමට නැතුවා විය නොහැකියි. නමුත්, රටේ වත්මන් අනෙකුත් අයතන හා සැසැඳීමේදී රෝහල යන ආයතනය ට සැලකිය යුතු නම්බුකාරකමකින් තවමත් සිටිය හැකිය. මන්ද, අන්තයට ම පිරිහුන රජයේ ආයතන බොහෝ වීමයි. පහත අවස්ථාවලින් කිහිපයක් පමණක් වෛද්‍යවරුන්ගේ හෝ වෙනත් සේවකයෙකුගේ හෝ අත්වැරැදීමක් හේතුපාදක විය හැකි ය. නමුත් බහුතරයක් සිදුවීම් රජයේ පාර්ශවය හා අපූරු සැබැඳියාවක් පවතී. මෙවැනි සිද්ධීන්ගේ වර්ධනය මෑත කාලයේ ඉතා දරුණුව සිදුවනුයේ මහත් වූ ආශ්චර්යේ මහානුබල සම්පන්න භාවය හෙවත් “සිව්මහ ඹබුන් පෑ පෙළහර“ නිසා දෝ කියා විටෙක මට සිතේ. 

වැඩිදුර කියැවීම සඳහා අවැසිනම්, අදාළ අඩවි දිගු ද මේ සමඟ ඉදිරිපත් කරමි.

කොළඹ ජාතික රෝහලේ දී වෛද්‍ය ශිෂ්‍යවකගේ අතක් කැපීම. (වෛද්‍යවරුන් මෙය අත්වැරැදීමක් බව ප්‍රකාශ කරයි) මෙම සිදුවීමේ ආගිය සියලු තොරතුරු ඇතුළත්ව පුවත් ආවරණයකට බොහෝ මාධ්‍ය ආයතන සමත් වූවා. එය නම් වශයෙන් කිමේ අව්‍යතාවයක් නැත. එමෙන් ම එහිදී දේශපාලන නියෝජිතයින් කිහිප දෙනෙකු පවා මෙම සිද්ධිය තම ගිණුමට ලකුණක් එකතු කර ගැනීමට කිසියම් උත්සාහක් කළ බව බොහෝ දෙනෙකු දන්නා කරුණකි. ඔහුන් රෝහලට පැමිණෙන්නේ ද මාධ්‍ය පිරිවර සමඟිනි. (මේ දේශපාලකයන්ගේ නම් මා නොලීවාට, මා ද මෙවැනිම ආකාරයේ නම්-ගම් වසන්කරන්නෙකු ලෙස හඳුන්වන්න එපා. මන්ද, මාගේ අවශ්‍යතාවය මාතෘකාවට අදාළ යථාර්ථය හැකි පමණ නිරූපණය කිරීම විනා පුද්ගල විවේචනයන් නොව. නමුත් අවශ්‍ය අවස්ථාවල දී විවේචනයන් ද කිරීමටත්, දන්නා කරුණු හෙළිකිරීමටත් සිදු වේ. නමුත්, මා “දෙවියන්“ සහ “රෝගියා“ අතර මැදිවූ (නැතිනම් අතරමං වූ) “කට්ටඩියෙකු“ ලෙස කටයුතු නොකරමි.)

http://www.dinamina.lk/2013/01/28/_art.asp?fn=n1301287 (දිණමින කියන අයුරු)

• මේ අයුරින්ම මීට පෙර (2012 අගෝසතු 26) සිද්ධියක් ලෙස දින පහක පමණ වයසැති ළදරුවකුගේ ඇඟිල්ලක සවිකර තිබූ එන්නත් කටුවක ප්ලාස්ටරයක් කපා ඉවත් කිරීමේදී හෙදියකගේ අත්වැරැදීමකින් ඇඟිල්ලක් කැපී යාම දැක්විය හැකි ය. මාධ්‍ය ආවරණයත් සමඟ එය මහත් ආන්දෝලනාත්මක සිද්ධියක් බවට පත්විය.

http://hirunews.lk/sinhala/42004

• සමහර තරුණයින් මත් වීම ට යැයි කියා භාවිත කරන කැහිපැණි හෙවත් "කොරෙක්‌ස්‌ - ඩී" විෂ වීමෙන් පසුගිය වර්ෂයේ (2012) ඔක්තෝබර් මාසයේ තරුණයින් කිහිපදෙනෙකු මිය යාම බොහෝ දෙනෙකුගේ අවධානය දිනාගත් තවත් එක සිද්ධියක් වේ. මාධ්‍යා ද අදාළ කරුණු නිරාවරණය කිරීය‍.....

http://www.divaina.com/2012/10/21/feature13.html 

• කරාපිටිය රෝහලේ පිළිකා වාට්ටුවක මිය ගිය රෝගියකුගේ දේහය නිසි ක්‍රමවේදයෙන් තොරව එනම්, මිනී පෙට්ටියක් වාට්ටුවටම ගෙනවිත් සිරුර රැගෙන ගිය බව (2012 පෙබරවාරී 14) ලංකාදීප ඔන්-ලයින් කීවේ ය. මා දන්නා පරිදි සමාන්‍යයෙන් රොහල්වල මෝචරියෙන් සිරුරක් රැගෙනයනවිට එහි සමහර සේවකයන්ට කිසියම් ගතමනාවක් ගැනීමට ද හුරූ වී තිබේ.

http://www.lankadeepa.lk/index.php/articles/26806

• පසුගිය කාලයේ (2012-12-28) කළුබෝවිල රෝහලේදී එන්නත් කුප්පියක තිබී හමුවූ විදුරු කැබැල්ලද මහත් ආන්දෝලනයකට තුඩු දිය. නික්ෂේපක (ක්ලොක්සිශිලීන් [CLOXACILLIN] ඖෂධය අඩංගු) සියල්ල රෝහල් බලධාරීන් විසින් ඉවත්කරන ලද අතර, එම ඖෂධය නිෂ්පාදනය කළ ඉන්දීය සමාගමේ සිට සියලු අටුවාටීකා මාධ්‍ය මඟින් ජනතාවට දැන ගැනීමට හැකිවි ය. එම රෝහලේම මීට පෙර අවස්ථාවකදී ද (2011-11-12) අදාළ ඖෂධයේ ම මැස්සෙකු සිටි බවට පුවත් නිකුත් විය.

http://www.dinamina.lk/2012/12/31/_art.asp?fn=n1212316
http://www.divaina.com/2011/11/12/news05.html

• පසුගිය 24 දින මාරවිල රෝහලේ දී ද “මෙරෝපෙනම්“ නම් නික්ෂේපණ අඩංගු එන්නත් කුප්පියක විදුරු කැබැල්ලකට සමාන යැයි සිතිය හැකි කිසියම් ආගන්තුක ද්‍රවය්‍යක් හමුවි තිබේ. මෙම සිද්ධිය ද මාධ්‍යයට ද හොඳින් නිරාවරණය විය. 

http://www.dinamina.lk/2013/01/25/_art.asp?fn=n1301255
http://www.hirunews.lk/sinhala/52023

• එන්නත් කුපිප්යක පණුවෙකු හා සමාන ආගාන්තුක ද්‍රව්‍යක් 2011 මාර්තු අනුරාධපුර ශික්ෂණ රෝහලෙන් හමුවී ඇති, මෙම ඖෂධයද ඉන්දිය නිෂ්පාදනයකි. මාධ්‍ය වාර්තාවන් සහිතයි. http://www.dinamina.lk/2011/03/23/_art.asp?fn=n1103234

පසුගිය දිනක කොළඹ නවලෝක රෝහලේ දී එම්. ආර්. අයි. පරීක්ෂණයක් සිදුකරන අතරතුර, එහි ඔක්සිජන් සැපයුම අඩාල වීම (බැලුනයක් පුපුරා) හේතුවෙන්  මොළය අකර්මණ්‍ය වීම බුද්ධිනී රත්නායක නම් පස් හැවිරිදි දියණිය මිය යාමට (මා දන්නා පරිදි) හේතු විය. ඇයගේ සිරුර දියණියගේ දෙමාපියන්ට භාර දී ඇත්තේ රු 900,000/- ක පමණ බිල් පතක් ද සමඟිනි. නමුත්, මෙම සිදුවීම බොහෝ මාධ්‍ය ආයතන මඟින් (මා බැලුවේ අන්තර්ජාල සංස්කරණය) අනාවරණය කර තිබූ නමුත්, ඔහුන් අදාළ රෝහල දන්නේ නැත. මිය ගිය දැරියගේ සියලු විස්තර ඔහුන් දනී. අදාළ සිදුවීම ද සියලු අදියර සහිතව දනී. ඡායාරූපද ගෙන ඇත. නමුත්, රෝහල කුමක්දැයි නොපවසන බැවින් ඔහුන් එය දන්නේ නැති බව පෙනී යයි. එබැවින් බොහෝ දෙනෙකුට එය පෞද්ගලික රෝහලක් පමණක් විය.

මෙම සිදුවීම රජයේ රෝහලක වූ වේනම් නම් සියලු පැටිකිරිය සමඟින් සහ දවසේ ප්‍රධාන ශීර්ෂ පාඨය එය බවට පත්කර ගනිමින් කඩිනම් පුවත් ආවරණයක් කිරීමට ඔහුන් සමත්වේ යැයි කිවහොත් ඔබ විරුද්ධ නොවේවි. මා අදාළ උදාහරණ සඳහා දිගුවක් ලබා දෙනු ලැබුවේ මේ හෙයිනි. බොහෝ පුවත් රජයෝ රෝහල් හා බැඳී ඇති බැවින් ඒවා ආරම්භක ඡේදයෙන් ම රෝහල කුමක්ද කියා කියයි. නමුත්, මෙම පෞදිගලික රෝහලේ සිද්ධියේ දී බොහෝ මාධ්‍ය ආයතනවල හැසිරීම හාත්පසින්ම වෙනස් විය. තම මාධ්‍ය මෙහෙවර ගැන මහා ඉහළින් කතාකරමින්, මාධ්‍ය නිදහස ගැන අතිශෝක්තියෙන් කථා කරමින්, සිටින මොහුන්ට අදාළ පෞද්ගලික රෝහල මෙය කුමක් දැයි කීමට බැරි වූ හේතුව කුමක් ද? අප නොදන්නා ඔහුන් දන්නා සත්‍ය වසන් කිරීමේ හස්තය කුමක්ද ? මේ අපිට දැනෙනා ආකාරයි. 

මෙවන් මාධ්‍යවේදීන්ට පුළුවන් රජයේ ආයතන විවේචනය කිරීම පමණක් ද? රජයේ හෝ පෞද්ගලික හෝ කුමන අංශයක් වුව ද, ඒවා ස්ථාපිතව ඇත්තේ මේ රට තුළය. ක්‍රියාත්මක වනුයේ රටේ ජනතාව වෙනුවෙනි. සේවාව ලබනුයේ මේ රටේ ජනතාව ය. පෑන එක් එක් දිශාවට නැමෙනුයේ මන් ද....  කියා ඔබම තීරණය කරන්න. නවලෝකය, උත්තරීතර පාර්ලිමේන්තුවටත් වඩා ප්‍රබල වූවාද? මා කියනුයේ රාජ්‍ය අංශයන් හොඳය, ඒ වෙනුවෙන් අප පෙනී සිටිය යුතුය, කියන අපභ්‍රශ්නයක් නොව, නිවැරැදිව කරුණු වසන් කිරීමකින් තොරව මාධ්‍ය ආවරණය නොකිරීම හෙවත් එකී මාධ්‍යයන්ගේ දෙපිට කාට්ටු හැසිරීම ගැනයි. විටෙක පුවත් මවන්නන් ද මාධ්‍ය ආයතන ද රට තුළ ඇත. ඇත්ත ඇති සැටියෙන් දකින්න උත්සාහ කරමු. ඇගයිය යුතු/පැසසිය යුතු මාධ්‍ය භාවිතයන් ඇත. නමුත් එය කතා මෙම ලිපියට අදාළ  නොවේ.

පසුගිය යුද සමයේ කිසියම් ප්‍රදේශයකට එල්. ටී.ටී. ත්‍රස්ත ප්‍රහාරයක් එල්ල විණි නම්, සමහර මාධ්‍ය ආයතනවලට එය නාදුනන ආයුධ අතටගත් කල්ලියකි. ආසන්නතම උදාහරණයක් නම් ළඟම සිටින නෑයා  “සිරස“ යි. එම කාලයේ බොහෝ ප්‍රහාරයන් එල්. ටී.ටී. හා බද්ධ වී තිබිණි නමුත්, එය එසේ ය කියා කට ඇර නොකියන මාධ්‍යවේදීහූ සහ ආයතන ද විය. මෙන්ම තමාට උවමනා පරිදි රූකඩ ලෙස දේශපාලන පක්ෂ මෙහෙයවා හෝ එවාට බලපෑම් කර තම අවශ්‍යතාවන් මුදුන් පමුණුවා ගැනීමට ක්‍රියාකරන මාධ්‍ය ආයතන ද ඇත. සත්‍ය කරුණු වසන් කිරීමෙන් සමස්ත මාධ්‍ය ක්ෂේත්‍රයටම ලබාදෙන පූර්වාදර්ශය කිම....? ලැප්ටොප් එකට යට වූ සමහර මාධ්‍යවේදීහූ ආණ්ඩුවේ දෝෂ රකිනවා සේම, මෙවැනි පෞද්ගලික ආයතනවල ද වැරැදි වසමින් රකිනුයේ කුමන හේතුවකට ද....?

ඉහත දැරියගේ මරණය සිදුවූයේ අපි (නො)දන්නා නවලෝක නම් පෞද්ගලික රොහලේ නම නොකියා, මනාව විග්‍රහ කරන පහත පුවත් බලන්න (උපුටා ගැනීම් අන්තර්ගතයි).

• ලක්බිම (lakbima.lk) (2013 පෙබරවාරි 08 11:02 p.m) මෙහෙම කියනවා  - කොළඹ ප්‍රධාන පෙළේ පෞද්ගලික රෝහලක දී එම්.ආර්.අයි. ස්කෑන් පරික්ෂණනයක් සිදු කරද්දී ඔක්සිජන් බටයක් පුපුරා බුද්ධිනි කෞශල්‍යා රත්නායක නැමැති පස් හැවිරිදි දරුවා මියයාමේ සිද්ධිය සම්බන්ධයෙන් වහාම පරික්ෂණයක් පවත්වා තමාට වාර්තාව භාර දෙන්නැයි සෞඛ්‍ය ඇමති මෛත්‍රීපාල සිරිසේන මහතා පෞද්ගලික රෝහල් අධ්‍යක්ෂිකා වෛද්‍ය කාන්ති ආරියරත්න මහත්මියට උ‍පදෙස් දී ඇත. එම දැරිය මියයෑමේ සිද්ධිය සම්බන්ධයෙන් පරික්ෂණයක් පවත්වන්නැයි එම දැරියගේ දෙමව්පියන් විසින් සෞඛ්‍ය අමාත්‍යාංශයෙන් කළ විශේෂ ඉල්ලීමකට අනුව මෙම පියවර ගෙන ඇත....

http://www.lakbima.lk/index.php?option=com_content&view=article&id=7031:2013-02-08-17-40-59&catid=34:news&Itemid=62

• දිවයින online 2013-02-08 - පෞද්ගලික රෝහලකදී සිදුකළ එම්. ආර්. අයි. පරීක්‍ෂණයකදී මියගිය බුද්ධිනී රත්නායක දැරියගේ නිවසට ඊයේ (08 වැනිදා) අප ගිය මොහොතේදී දැරියගේ මව වන චමිලා කුමාරි මහත්මිය අපට පැවසුවාය....

http://www.divaina.com/2013/02/09/news21.html

බය නැතිව රෝහලේ නම කියන පුවත පුවත් බලන්න.

• දිවයින online 2013-02-09 - කුරුණෑගල රෝහලේ වෛද්‍යවරයකුගේ ලිංගික අතවරයට ලක්‌වූ කුරුණෑගල හෙද අභ්‍යාස විද්‍යාලයේ ශිෂ්‍යාවක්‌ බරපතළ ලෙස රෝගාතුර වී පෙරේදා (07 දා) හලාවත රෝහලට ඇතුළත් කර ඇත.... 

(මා මේ සම්බන්ධව කියැවීම සඳහා ලංකාදීප නොබැලූ අතර, පහත ලිපිය අනුව අදාල පුවත ලංකාදීපයේ ද පළවී ඇති බව සිතිය හැකිය.)

නමුත්, මෙවැනි ආකාරයේ සිද්ධියකට කිසිම ශිෂ්‍යාවක් මුහුණ දී නැති බවත්, කිසිම වෛද්‍යවරයෙකු අතින් එවැන්නක් සිදුවු බවට වාර්තා වී නැති බවත්, පුවතේ සඳහන්ව ඇති ආකාරයේ අයෙකු හලාවත රෝහලේ ප්‍රතිකාර නොලබන බවත්, පොලිසියේ පැමිණිලි කිරීමක් පිළිබඳව වාර්තා වී නැති බවත්, කුරුණෑගල ශික්ෂණ රෝහලේ අධ්‍යක්ෂ වෛද්‍ය පාලිත යාපා මහතා ලිඛිතව ලංකාදීප වෙත දන්වා ඇත. අදාල ලිපියේ ස්කෑන් පිටපතක් මේ සමඟ ඇත. 

(මෙම ඡේදය 2012-02-14 දින ලිපියට එකතු කරන ලදී)

http://www.divaina.com/2013/02/09/news03.html

• ලංකාදීප (online) 2013-02-08 - කළුබෝවිල රෝහලේ හෙදියකට සහ ඇගේ සැමියාට පරහදුන්නැයි කියන සිද්ධියක් මත සුළු සේවකයෝ සිව් දෙනෙක් කොහුවල පොලීසියෙන් අත්අඩංගුවට ගනු ලැබූහ....

http://www.lankadeepa.lk/index.php/articles/97119

• ලංකාදීප (online) 2013-02-08 - ඇමෙරිකාවේ සැන්ඩියාගෝ නුවර රැඩි ළමා රෝහලට පැමිණි අවුරුදු 70ක් වයසැති මහල්ලෙක් රෝහල් රථ ගාලේ සිය මොටර් රථය පාලනය කර ගත නොහැකිව ගොඩනැගිලි දෙකක් අතර සිරවුණි.... (අපට පුවතක් නොවන පුවත්. වෙනත් රටවල රෝහල් වළින් හෝ ගෙනත් දෙනවා.)

http://www.lankadeepa.lk/index.php/articles/9713

• නමුත්, ඔක්සිජන් බටය හා සම්බන්ධ ඉහත සිදුවීම පිළිබඳව කිසිදු පුවතක් ලංකාදීපයේ online සංස්කරණයේ දුටුවේ නැත. නොවීය. ඔහුන්ට මෙය පුවතක් නොවී ද....? නැතිනම් තවමත් දන්නේ නැති ද....? 
• රජයේ (නිල) පුවත්පත දිනමිණ online සංස්කරණය ද මේ පිළිබඳව කිසිදු සටහනක් තබා නැත.

• ගොසිප්ලංකා අඩවියේ පළවූ පළමු පුවතේ අදාළ රෝහල ඔහුන්ට ද පෞද්ගලික එකක් පමණක් වූ නමුත්, දෙවන පුවතේදී අදාළ රොහල අනාවරණය කිරීමට ඔහුන් සමත් වී ඇති අතර, පැපරාසිනිවුස්ලංකා අඩවිය ද, ශ්‍රී ලංකාමිර්ර අඩවියද.... (මට හමුවූ ඒවා පමණී) මෙම පෞද්ගලික රෝහල හඳුනාගෙන තිබුණා.                      

http://www.gossiplankanews.com/2013/02/girl-dies-inside-mri-scanner-updates.html#more            http://www.paparasinewslanka.com/2013/02/blog-post_4864.html              http://srilankamirror.com/sinhala/news/5815-scan-machine-chil‍ෙ

මේ නවලෝක හා සම්බන්ධ පැරණී පුවතක්ෙ

• කොළඹ නවලෝක රෝහලට ඊයේ (10 වැනිදා) සවස පැමිණ ඇති බේරුවල ප්‍රාදේශීය සභාවේ සභාපති ප්‍රසන්න සංජීව මහතා වෛද්‍යවරුන්ට අයත් රථ ගාලේ සිය රථය නතර කිරීමට ඉඩ නොදීම පිළිබඳ උරණ වී රෝහල් ආරක්‍ෂක නිලධාරීන්ට පරුෂ වචනයෙන් බැණවදිමින් පහර දී තිබේ.... (මෙවැනි අවස්ථාවල දී පෞද්ගලික රෝහල අදාළ නමින් ම හඳුන්වයි)

 http://www.divaina.com/2012/05/11/news16.html

පසු සටහන

ජාතික ඖෂධ ප්‍රතිපත්තිය - මිල පාලනයකින් තොරව එකම ඖෂධය විවිධ වෙළඳ නාම යටතේ අලෙවි කිරීම හේතුවෙන් රෝගීන් පත්වන ඩැඩි අපහසුතාවය දුරලීම මූලික කර ගනිමින් ජාතික ඖෂධ ප්‍රතිපත්තියක් යෝජනා විය. එකම ඖෂධය විවිධ නාම යටතේ විවිධ වෙළද වටිනාකමකින් පැමිණීම, 1977 පැමිණි විවෘත ආර්ථිකයේ තවත් එක අඳුරු සෙවණැල්ලකි.  ජාතික ඖෂධ ප්‍රතිපත්තිය සඳහා මුල්ම අඩිතාලම දැමුවේ මහාචාර්ය්‍ය සේනක බිබිලේ මහතා ය. එමෙන්ම මේ සම්බන්ධයෙන් 2009  වර්ෂයේ දී රෝගීන්ගේ අයිතිවාසිකම් සුරැකීම සඳහා වූ ජනතා ව්‍යාපාරය විසින් ද මූලික අයිතිවාසිකම් පෙත්සමක් ද ගොනු කරන ලදී. කෙසේ උවත් බාලගිරි දෝෂය හෙවත් අද නොවේ හෙට න්‍යායට අනුව ක්‍රියාත්මක වන මෙම ප්‍රතිපත්තියෙන් ජනතාවට සහන ද අද නොවේ හෙට සැලසෙනු ඇතැයි කිව හැකි ය. එය බලාත්මක කිරීමෙන් වළකින නියාමක බලධරයින් සහ පාලන තන්ත්‍රයේ බලධරයින් තවමත් ඖෂධ මාෆියාව බලගැන්වීමට ඉඩ හැර ඇත.   

වෛද්‍ය ක්ෂේත්‍රයට අදාළ බොහෝ දෑ කියැවීමට අවැසිනම් NURSEKARAPITIYA බ්ලොග් අඩවිය ඔබට බෙහෙවින් ප්‍රයෝජනවත් වේවි.

ජී. එස්. පී. + සහ සුනාමිය

ජී. එස්. පී. (GSP) යනු කුමක් ද, එය ව්‍යවහාරයට අනුව "Generalised System of Preference" වන අතර, සිංහල අනුවාදයක් ලෙස “ ප්‍රමුඛතා පදනම‌ මත භාණ්‌ඩ මිලට ගැනීමය“ ලෙස පෙන්වා දිය හැකි ය. මෙම සහනය මඟින් ලංකාව ඇතුළු රටවල් ගණනාවකින් තෝරාගත් අපනයන භාණ්ඩ සඳහා තීරු බදු පැනවීමකින් තොරව ඇමරිකාව ප්‍රමුඛ යුරෝපා රටවල අලෙවියට පහසුකම් සැපයීම හෙවත් වෙළඳපොළ විවෘත කිරීම යි. බදු පැනවීමකින් තෙර හෝ අවම බද්දක් වීම හේතුවෙන් එකී රටවල මෙම භාණ්ඩ වැඩිපුර පරිභෝජනයට පෙලැබුණු අතර, එමඟින් ජී. එස්. පී. සහන ලැබූ රටවලට ආර්ථිකයට මඟගු පිටුවහලක් ලැබිණි. ජී. එස්. පී. + යනු මෙම සහනයේ වර්ධිත අවස්ථාවකි. එය සුනාමි ව්‍යසනයත් සමඟින් අපට ලැබුණ අතර, සීමා සහිත කාලයකට වලංගු විය. එබැවින් එය සත්‍ය වශයෙන්ම දිගුකාලීන අරමුණු සහිත ව්‍යාපාර සඳහා කෙටි කාලීනව පමණක් සහන සැලසේ. 

ජී. එස්. පී. සහ ජී. එස්. පී. + (ප්ලස්) යනු එකිනෙක යම් සමානකමකින් බැඳි පරස්පරතාවයන් සහිත සහන සේවා දෙකකි. (පසුවදන) ඇමරිකානු ජී. එස්. පී. ක්‍රමය යටතේ අප 1976 සිට මෙකී සහන ලබයි. ඒ යටතේ අප රටේන් අපයනය කරන භාණ්ඩ ලෙස රබර් සහ ඒ ආශ්‍රිත නිෂ්පාදන, සුළු අපනයන බෝග වැනි දෑ වලට සහන ලැබීය. නමුත් ජී. එස්. පී. + අප රටට කෙටි කාලීන සහනයක් වූ බැවින්, ඉන් දිගුකාලීන අරමුණු සහිත ව්‍යාපාර සඳහා කෙටි කාලීන සහනයක් පමණක් සැලසේ. නමුත්,  ජී. එස්. පී. + (ප්ලස්) යටතේ අපනයන භාණ්ඩවල ප්‍රභේද ප්‍රසාරණය නිසා වඩා හිතකර සහනයක් විය. නමුත් ප්ලස් අහිමීවීමෙන් පසුගිය කාලයේ සමහර කර්මාන්තශාලා වැසී ගිය අතර, බයිසිකල් කර්මාන්ත ශාලාවක් සහ තවත් කර්මාන්ත කිහිපයක් එම ව්‍යාපාරිකයින් විසින් වෙනත් රටවලට ගෙනයන ලදී.

ජී. එස්. පී. + සහනය ශ්‍රී ලංකාවට හිමිවනුයේ, 2004 දෙසැම්බර් 25 වන දින ලංකාව මුහුණ දුන් සුනාමිය නම් ස්වභාධර්මයේ ඛේදවාචිකය හේතුවෙනි. සුනාමිය අපෙන් බොහෝ දෑ උදුරා ගති. මේ අනුව ජී. එස්. පී. + සහනය 2005 වසේරේ සිට අපට ලැබුණ අතර, ලංකාවේ ආර්ථිකයට ඉහළ නංවා ගැනීම සඳහා එයින් මනා පිටුවහලක් ලැබිණි. එකී සහනය තවත් ආසියාතික රටවල් කිහිපයකටම ලැබිණි.  එහෙත් ඒ අනුව යමින් අපිට සුනාමියට කිසිසේත්ම ප්‍රසාංසා කළ නොහැකි ය. සිදුවූ ඛේදවාචිකය පිළිබඳ යම් දැනීමක් ඇති ඔබට ඒ පිළිබඳව අටුවා ටීකා ගෙන දැක්වීම අනවශ්‍ය කාරණයක් බව මා විශ්වාස කරමි. සරලව දක්වනවානම්, අපට රටේ සහෝදර සහෝදරියන් අහිමි කරවීමට මෙන්ම, වසර ගණනක් රට ආපස්සට තල්ලු කිරීමට මෙම උදම් රළ පහරට හැකි විය. නමුත්, ඊට පෙරත්, පසුත්, අදත් රට අගාධයට දැමීමට සහ ආපස්සට තල්ලු කිරීමට දායක වූයේ රටේ බඩගෝස්තර වාදී දේශපාලකයන් බව අප කවුරුත් නොදන්නා දෙයක් නොවේ.

සුනාමිය සඳහා විවිධ රටවලින් ලැබූ මුදල් ආධාර දේශපාලන බලවතෙකු තම ඥාතියෙකුගේ ගිණුමක තැන්පත් කොටැ සුනාමි මුදල් පවා ගසා කෑ බව, අද කිහිපදෙනෙක් හෝ දන්නා රහසකි. එහෙත් තවමත් බලයේ සිටින පාලන තන්ත්‍රයේ බලවතුන්ගේ ක්‍රියාවක් බැවින් සිද්ධිය සම්බන්ධයෙන් ජනමතය උදාසීන වී ඇත. මේ අනුව එය හිටපු ජනපතිනියගේ සමහර ක්‍රියා කලාප මෙන් හයිලයිට් වනුයේ නැත. ඇය, ගත් තීන්දු සමහරක් රටට වාසිදායක වූවා සේම, සමහරක් අවාසිදායක විය. නමුත්, ඇයගේ බලය ගිලිහී ගොස් ඇති බැවින් වැරැදි පමණක් දැන් ජනවාව දකී. ඒ අතරින් ඇය යන යකා කොරහත් බිඳ ගෙන යන බව පසක් කරමින්, සුනාමි සහන මණ්ඩලය එල්. ටී. ටී. වෙනුවෙන් පිහිටුවීම අතිශෝක්තියෙන් යුතුව රටක් ලෙස කනගාටුවිය යුතු තවත් එක කරුණකි. අපට එය දැන් අමතක වී තිබුණද ඉන් රටට විය හැකිව තිබූ, අවදානම අතිවිශාලය. එම කාල වකවානුවේ අධිකරණ ක්‍රියාමාර්ගයක් තුළින් සුනාමි සහන මණ්ඩලය එල්. ටී. ටී. යෙන් මුදවා ගත්ත ද, අවශ්‍ය දෑ කෙසේ හෝ කර ගැනීමට මාන බලන අද වැනි වකවානුවක් එදා පැවතියේ නම්, .... එය පිළිබඳව මා කිසිවක් සඳහන් නොකරමි. එම සුනාමි සහන මණ්ඩලය අත්සන් තැබීම එක්සත් ජාතික නිදහස් සන්ධානය හා බැඳී සිටි ජවිපෙ ඉවත්වීමට තුඩු දිය.

සුනාමියේදී රටේ ජනතාව කිසිදු ජාතිවාදයකින් තොරව එකා මෙන් එක් රොක් වී විපතට පත් වූවන් වෙත සහන සැලසීමට මැදිහත් වීම ශ්‍රී ලංකාකයෝ ලෙස අප මහත් සේ ආඩම්බර විය හැකි කරුණකි. එය සංසන්දනාත්මකව බලන්නේ නම්, ඊට ආසන්න කාලයකදී ඇමරිකාව මුහුණදුන් කැතරිනා චණ්ඩ මාරුතයෙන් විපතට පත්වූවන්ට ඔහුන්ගේ ජනතාවගේ මැදිහත්වීම සැලකිය හැකි ය. නමුත්, ජනතාව අතරින්ද සිටි අපේ සමහර ‘සිවල්‘ මිනිසුන් එය විටෙක ජාවාරමක් ද කර ගති. ඇතමෙක් සමහරෙක් හිස් වූ නිවෙස් සහ ව්‍යාපාරික ස්ථානවල තවදුරටත් එහි ඉතිරි වූ බඩු බාහිරාදිය හිස් කිරීමට දායක වූ අතර, ඇතමෙක් විපතට පත්වූවන්ට සහන සැලසීමට යැයි කියා එක් කරගත් ද්‍රව්‍ය මංකොල්ල කෑහ. සමහර අවස්ථාවල දීමෙම සිවල් ගණයට ආගමික නායකයන් සහ නිලධාරීන් කිහිපදෙනෙක්ද වීම ශෝචනී යයි.

සුනාමියෙන් විපතට පත් වූ ජනතාව වෙනුවෙන් සහන සලසන්න ගිය විවිධ පක්ෂ සහ සංවිධාන අතර, ‘ජවිපෙ සහන සේවා‘ නම් කණ්ඩායමක මාද හිතවෙතෙකු මාර්ගයෙන් එක්කර ගති. (ඇත්තෙන්ම එජාපය සහ ජවිපෙ පක්ෂ තුළින් මතුවූ උද්යේගය මා ආණ්ඩු පාර්ශවයෙන් දැක්කේ නැත) අප අතර වූ තවත් එක සොයුරියකට භාර වූයේ අනාථ ළමුන් වෙනුවෙන් ළදරු පාසැලැක් කිරීම ය. එදින හඳුනාගත් ඇය නමින් ‘ශ්‍රියා‘ විය. පසුව දැනගත් පරිදි ඇය, ගාල්ල ප්‍රදේශයේ පදිංචි කාරියක් වූ අතර, ජවිපෙ පූර්ණ කාලීන සමාජිකාවකි. අදාළ ප්‍රදේශයේ හිතවතෙකුගෙන් ලැබුණ බයිසිකලයක් පැද යාමේදී එහි තිරිංග නොමැතිව පල්ලමක වේගය පාලනය කර ගත නොහැකිව තාප්පයක ඔළුව හැපී ඇය ද අප අතරින් සමු ගන්නා ලදී. කෙටි හමුවීමක් වුවද එය මාගේ මතකය අමතක නොවන සිදුවීමක් විය. 

සුනාමියෙන් පසුව ජී. එස්. පී. + අපට සහනයක් වූ බව සැබෑවක් ය. නමුත්, මී වධය කඩනුයේ අත ලෙව කන්න නොවේ ය යන බව පසක් කරමින් ජී. එස්. පී. + මාර්ගයෙන් ඇමරිකාව ප්‍රමුඛ යෝරෝපා රටවල් 17ක් ද ශ්‍රී ලංකාවට කරන ලද විවිධ අත පෙවීම් විටෙක ගුජුස්සාජනකයි. 

තවදුරටත් මෙය කාලීන මාතෘකාවක් නොවූවත්, ජී. එස්. පී. පිළිබඳව කෙටි ආවර්ජනයක්....

මේ ආකාරයෙන් අපට ලබා දී තිබූ, ජී. එස්. පී. + සහන, 2009 දෙසැම්බර් මස යුරෝපා වෙළඳ කොමිසම විසින් නිකුත්කළ වාර්තාවකට අනුව යමින් ඉවත් කිරීම සඳහා තීරණය කරන ලදී. මෙසඳහා එකී සංගමය හේතුපාදක කරැගෙන ඇත්තේ ආනයනික බදු සහනය ලබා දීමේදී ඊට අදාළ ගිවිසුමට අනුව පොරොන්දු වූ එක්සත් ජාතීක්ගේ මානව හිමිකම් ප්‍රඥප්ති ආරක්ෂා වන පරිදී ශ්‍රී ලංකාව කටයුතු නොකිරීම යැයි පවසමිනි. ඒ අනුව ජී. එස්. පී. + සහනය 2010- පෙබරවාරි -16 දින සිට තාවකාලික වශයෙන් අත්හිටුවීමට යුරෝපා සංගමය විසින් තීරණය කරන ලදී. ඇමරිකාවේ කම්කරු සම්මේලනය හා එරට කොංග්‍රස් කර්මාන්ත සංවිධානය ද ශ්‍රී ලංකාව මානව හිමිකම් කඩකරන බව චෝදනා කර පෙත්සමක් ඉදිරිපත් කරමින්, එරටින් ලබා දෙන ජී. එස්. පී. සහනය අත්හිටුවන ලෙස එරට රජය ට ඉදිරිපත් කරන ලද පෙත්සමක් සැලකිල්ලට ගෙන, 2010 ජූලි 01 දින එකී බදු සහනය ඔහුන් අත්හිටුවීය. එහෙත්, නැවත පෙර සඳහන් පෙත්සම පිළිබඳ අවධානය යොමු කොට ඇමරිකා ජනපති බැරැක් ඔබාමා විසින් නැවත 2011 නොවැම්බර් 5 දින සිට 2013 ජූලි 31 දක්වා වලංගු වන පරිදි ජී. එස්. පී. සහනය ලබා දීමට තීරණය කරන ලදී. එමෙන්ම, එය ජනවාරි 1 දින සිට හෙවත් අතීතයට බලපැවැත්වෙන පරිදි අනුමත කිරීය.

ජී. එස්. පී. + සහනය අපට පමණක් නොව ආසියාතික රටවල් ගණනාවකටම හිමිවිය. නමුත්, අදවන විට කර්මාන්ත කිහිපයක්ම වැසී ගිය ද, අපට එකී සහනය කාලීනව ලැබීම වාසි සහිත වූ බව ඇත්තය. එහෙත්, එය නැති වුවද අපට රටක් ලෙස නැඟිට සිටීමට හැකි ය. මගේ මතකයේ පරිදි සිළුමිණ පුවත්පත ද එම වකවානුවේ කියා සිටියේ “ජී. එස්. පී. + නැතුවට අපිට ජීවත්වෙන්න බැරි නැහැ“ (සමාන්‍යෙයන් සිළුමිණ, දිනමිණ ශීර්ෂපාඨ බොහෝමයක් ම දේශපාලන දුර්වලතාවයක් වැසීම හා ද බැඳී තිබේ) කියා ය. එය නැති වකවානුවලද අප ජීවත්වූ බව ඉන් පෙනවා දේ. ඇත්ත, සම+හරක් ඇමතිලාට අනුව මසකට රු 2500/- වියදමක් එක් පුද්ගලයෙකුට ජීවත්වීම සඳහා සෑහේ. පාර්ලිමේන්තුවේ තරු පංතියේ කෑම වේලක් රු 150/- කා තලු මරන දත් හාරන සමහරක් සිතනවා ඇති සමාන්‍ය කෑම වේලක් ජනතාවට රු 15/- ට පමණ කන්න පුළුවන් කියා. ජනතාව කෙසේ හෝ ජීවත් වෙන්න වෙර දරාවි. නමුත්, සත්‍ය වශයෙන්ම ජනතාවට ජීවත්වීමට සහ රට දියුණු වීමට ප්‍රධාන බාධකය වනුයේ දිනෙන් දින හිස ඔසවන සහ අතු රිකිලි දමා විවිධ වූ සීමාවන් ස්පර්ශය කරන වංචා, දූෂණ, අක්‍රමිකතා සහ අවනීති ය යි. එයට මා මෙන්ම ඔබ එකග වනු ඇති බව විශ්වාස කරමි. මන්ද යත් එකී ධර්මතාවය අසත්‍ය යැ‘යි, කියා ලැජ්ජා නැතිව පැවසිය හැකි කෙනෙකු අද සොයා ගැනීම විරල වන බැවිනි. සිටිනවානම් ඒ බඩගොස්තරවාදීයෙකු, අඳබාලයෙකු හෝ මන්ද මානසික අයෙකු හෝ බව දෙවරක් නොසිතා ප්‍රකාශ කළ හැකි ය.

සමාව නොඉල්ලමි එසේ පැවසීමට සිදුවීම පිළිබඳ ව.

පසු සටහන.

ජී. එස්. පී. යනු

සංවර්ධනය වෙමින් පවත්නා අඩු ආදායම්ලාභී රටවල්වලින් කරන අපනයනයන භාණ්ඩ සඳහා තම සාමාජික රටවල වෙළඳපොළ වරණීය (තොරාගත් භාණ්ඩ) ලෙස විවෘත කිරීම සඳහා යුරෝපා සංවිධානය විසින් හඳුන්වා දුන් ක්‍රමයකි. මෙහිදී භාණ්ඩ සඳහා අවම බදු ඇටවුමක් ක්‍රියාත්මක වේ. 

ජී. එස්. පී + යනු

බහු පාර්ශවීය පාරිසරික ගිවිසුම්වලට මෙන් ම මානව හිමිකම් සහ යහ පාලනය පිළිබඳව ගිවිසුමකට එළැඹ, සංවර්ධනය වෙමින් පවත්නා අඩු ආදායම්ලාභී රටවල්වලීන් කරන අපනයනයන භාණ්ඩ 7200 කට පමණ තම සාමාජික රටවල වෙළඳපොළ විවෘතකර දීම සඳහා යුරෝපා සංවිධානය විසින් හඳුන්වා දුන් ක්‍රමයකි. මෙහිදී භාණ්ඩ සඳහා බදු ඇටවුමක් ක්‍රියාත්මක නොවේ. 

ජී. එස්. පී + ලබා දීමේ යටි අරමුණු ලෙස, දුප්පත් රටවල් සමාජවාදය කරා යොමුවීම වැලැක්වීම, දිළිඳු රටවල මත්ද්‍රව්‍ය නිශ්පාදනය වී තම රටවලට ආනයනය වීම වැලක්වීම වැනි හේතු සාධකද නැතුවාම නොවේ. මේ අනුව ජී. එස්. පී + එකී රටවලට බලෙන් ද ලබා දී තිබේ. මේ අතර, බොලීවියාව, ඉක්වදෝරය, ගෝතමාලාව, පේරු, ආදී ලතින් ඇමරිකානු රටවල් කිහිපයක් ද වේ. 

ජී. එස්. පී. + සහන යටතේ යුරෝපා සංගමයේ එකඟතා ප්‍රඥප්ති.

1. සිවිල් සහ දේශපාලන අයිතීන් පිළිබඳ ජාත්‍යන්තර ප්‍රඥප්තිය.
2. ආර්ථික සමාජයීය හා සංස්කෘතික අයිතීන් පිළිබඳ ජාත්‍යන්තර ප්‍රඥප්තිය.
3. වාර්ගික මදි පුංචිකම් හා අපහරණයන්ට එරෙහි ජාත්‍යන්තර ප්‍රඥප්තිය.
4. කාන්තාවන්ට එරෙහිව සිදුවන මදි පුංචිකම් හා අපහරණ පිළිබඳ ප්‍රඥප්තිය.
5. වදදීම් හා අමානුෂික ක්‍රියාවලට එරෙහි ප්‍රඥප්තිය.
6. ළමා අයිතිවාසික්ම පිළිබඳ ප්‍රඥප්තිය.
7. වාර්ගික සංහාරවලට හා දඬුවම්වලට එරෙහි ප්‍රඥාප්තිය.
8. රැකියා සඳහා අවම වයස් සීමා.
9. ළමයින් කම්කරුවන් සේ යොදවා ගැනීම තහනම් කිරීම හා ළමා අපහරණයට එරෙහිව ක්‍රියා මාර්ග.
10. බලහත්කාර කම්කරු සේවා තහනම් කිරීම.
11. බලහත්කාර කම්කරු සේවාව පිළිබඳ ප්‍රඥප්තිය.
12. ස්ත්‍රීන් හා පුරුෂයන්ට සමාන අගයැති සේවා සඳහා සමාන වැටුප් ලබාදීම පිළිබඳ ප්‍රඥප්තිය.
13. රැකියා නියුක්තිකයන්ගේ ගෞරවය රැකියා හා ඔවුනට මදි පුචිකම් නොකිරීම පිළිබඳ ප්‍රඥප්තිය.
14. රැස්වීමේ නිදහස සහ සංවිධාන පිහිටුවීමේ අයිතීන් පිළිබඳ ප්‍රඥප්තිය. 
15. සාමුහික අයිතීන් පිළිබඳ සංවිධානය වීමේ සහ කේවල කිරීත්ම් මූලධර්ම තහවුරු කෙරෙන ප්‍රඥප්තිය.
16. වර්ණභේදවාදය මර්දනය කිරීමේ හා ඊට එරෙහිව දඬුවම් පැමිණවීමේ ප්‍රඥප්තිය.
17. ඕසෝන් තීරය ආරක්ෂා කිරීම පිළිබඳ මොන්ට්‍රියෙල් සම්මුතිය.
18. අන්තරාදායී අපද්‍රව්‍ය ඉවත් කිරීම පිළිබඳ බාසෙල් සම්මුතිය.
19. ප්‍රස්තිථික කාබනික අපචිත්‍රකරනය පිළිබඳ ස්ටොක් හෝම් සම්මුතිය.
20. වඳ වී යන විශේෂයන් පිළිබඳ ජාත්‍යන්තර අලෙවිකරණ ප්‍රඥප්තිය.
21. ජෛව විවිධාංගීකරණය පිළිබඳ ප්‍රඥප්තිය.
22. ජෛ ආරක්ෂාව පිළිබඳ ප්‍රඥප්තිය.
23. දේශගුණික වෙනස්වීම් පිළිබඳ කියොතෝ ප්‍රඥප්තිය.
24. මත්ද්‍රව්‍ය පිළිබඳ එක්සත් ජාතීන්ගේ ප්‍රඥප්තිය.
25. මනසට බලපාන ඖෂධ පිළිබඳ එක්සත් ජාතීන්ගේ ප්‍රඥප්තිය.
26. නීති විරෝධී මත්ද්‍රව්‍ය හා මනසට බලපාන ඖෂධ ප්‍රවාහනය පිළිබඳ එක්සත් ජාතීන්ගේ ප්‍රඥප්තිය.
27. දූෂණයට එරෙහි මෙක්සිකෝ හා එක්සත් ජාතීන්ගේ ප්‍රඥප්තිය.

(මෙම ප්‍රඥප්ති 27 “ජනමග“ අන්තර්ජාල අඩවියෙන් උපුටා ගන්නා ලදී)

ගල්, වැලි, බොරළු - බස්සෝ

ලංකාවේ බොහෝ ප්‍රදේශවල භූ විෂමතාව සැලකුවහොත් ඉහත මාතෘකාමය කරැගෙන සඳහන්කර ඇති ඉදිකිරීමේ අමුද්‍රවය්‍ය වලින් එකදු හෝ ද්‍රවය්‍යක් පහසුවෙන් සපයා ගනීමේ හැකියාව ඇත. නමුත්, විවිධ පාරිසරික සහ සමාජීය හේතුමත බොහෝ පළාත්වල පිහිටි  ඉහත අමුද්‍රවය්‍ය (තවත් අයුරකින් කියතොත් ඛනිජ නිධි) කැණිම රජය විසින් අවහිර කර ඇත. බොහෝ විට නාය යාම්, සෝදා පාලුවීම, වනාන්තර විනාශය ආදී කරුණු මීට මුල්බැස ඇත. එය කාලෝචිත කාරණයකි. නමුත්, එහි හොඳ ද තම ගොඩට බා ගැනීමට පාලන පංතියට කිසිදු හැකියාවක් නැත. මන්ද යත්, අමුද්‍රවය්‍ය ලබා ගැනීම සඳහා අනුමත කර ඇති නිධි සඳහාද තමාන් විසින්ම උත්තරීතර යැයි කියා ගන්නා ගැබ තුළ සිටිනා උත්තමයන් අරක්ගෙන ඇති බැවිනි. නමුත්, අප පෙර අසා ඇති එක් එක් ස්ථානවලට අරක්ගනු ලබුවේයි හෝ අරක්ගනු ලබන්නේ යැයි හෝ කියන දෙවිවරු, උක්ත කී උත්තමයන් මඟින් විස්ථාපනය වේ. මෙකී භූමි සැලකුවහොත් උත්තමයන් විසින් අර්ධ වශයෙනුත්, පූර්ණ වශයෙනුත් මෙන්ම උත්තමයන්ට ළඟා විය නොහැකි හෝ එතරම් ලාභදායි නොවූ හෝ ස්ථාන ඔහුන්ගේ ම කුළුපඟ විධායක සහ අනෙකුත් නිලධාරි මහතුන් හෝ අඳබාලයන් විසින් හෝ අරක්ගෙන සිටී. මේ අනුව බොඳ මීදුම් ටෙලි නාට්‍යයේ එක් චරිතයක් හාස්‍යයට ලක්කරනු වස් දැක්වූ “ගල් වැලි බොරළු බස්සා“ යන්න අපට සෑබෑ ළොවේදී ද හමුනොවෙනවා නොවේ.

මා ඉහත සරල සංෂිප්තව දැක්වූ අදහස ඔබට වැටහී ගියේ යැයි සිතමි. එබැවින් මේ වර්තමාන ඛෙදවාචිකය ගැන අප අවධානය යොමු කළ යුතු ය. එයට දැනුදු පමා වුව ද පමා නොවූවායැයි සිතා කටයුතු කිරීමට සිදුවේ. නමුත්, අපට කඩු පොලු ගෙන නීතිය අතට ගෙන මෙකී සාධක වැළැක්විය නොහැකි ය. ඒ සඳහා අවශ්‍ය වනුයේ සුදුසු පාලකයින් තෝරා පත්ර උත්තරීතර යැයි කියන ගැබ හෙවත් පාර්ලිමේන්තුවට තුළට රිංගවීමය. බොහෝ දෙනෙකුට මීට වඩා විකල්ප කීමට තිබිය හැකිය. නමුත්, එය අනවශ්‍ය දිශාවකට තල්ලුවීමක් යැයි මට හැගේ.

පසුගිය 24 වන දින පාර්ලිමේන්තුවේ අපූරු හෙළිදරවුකිරීමක් සිදුවිය. මහවැලි ගගෙන් ගොඩ ගනු ලබන වැලි රටේ බෝහෝමයක් ප්‍රදේශවලට ප්‍රවාහනය කරනු ලබනුයේ ලොරි රථ මඟිනි. නමුත්,  ගිරාදුරුකොට්ටේ, විල්ගමුව මාර්ගය ඔස්සේ රැගෙන යනු ලබන ක්‍යුබ් 3 සහ 5 ආදී විවිධ ප්‍රමාණවල ධාරිතාවයන් සහිත වැලි ප්‍රවාහන ලොරි රථ සඳහා පැරැණි ජන කවියක කියැවෙන ආකාරයේ ම මාතර කිබුළිගෙ පැටියෙකු බිහි වී ඇත. තල්ල සුදු නොවූනත් මේ කිඹුල් පැටියා මාතලේ දිස්ත්‍රික් පාර්ලිමේන්තු මන්ත්‍රී ලක්ෂ්මන් වසන්ත පෙරේරා ය. මහවැලි වැලි කැණිමේ ව්‍යාපාරය හා සබඳකම් ඇති අයට ප්‍රසිද්ධ රහසක්ව තිබූ මේ කාරණය රටට දැනෙන පරිදි හෙළිදරවුව කරනු ලැබුවේ බදුල්ල දිස්ත්‍රික් පාර්ලිමෙන්තු මන්ත්‍රී තේණුක විදානගමගේ මන්ත්‍රීවරයා විසිනි. වර්තමාන රටේ දේශපාලන වාතාවරණය අනුව මෙවැනි ප්‍රසිද්ධියේ කරන හෙළිදරවු කිරීම් සඳහා බලපාන පොදු ධර්මතාව යැයි සැක කළ හැකි පරිදි අද (27) වන විට විදානගමගේ මන්ත්‍රීවරයාගේ අතක්ද බිඳ දමා රෝහල්ගත කර ඇත. මන්ත්‍රීවරයා විසින් පොලිස් කට-උත්තර වෙනස් කර ඇති අතර, පාලන පංතියේ උවමනාව මත සංශෝධිත කටඋත්තරය ලෙස දැන ගනීමට ලැබෙනුයේ රිය දොරට අත අසුවී මෙම හානිය කමාට සිදුවූ බවය. එය අපට, තමා විසින් ම ගස් බැඳ ගැනීම, තමා විසින්ම බිම පෙරළි පෙරළී ගසා ගැනීම වැනි විහිළුසහගත අවස්ථා අපගේ මතකය නැවත නැවත ආවර්චනය කරයි.

පාර්ලිමේන්තුවේ කළ හෙළිදරවුව අනුව වසන්ත මන්ත්‍රීවරයා එක් ලොරියකින් රු 1000/- ක් බැඟින් දිනකට වැලි ප්‍රවාහනය කරන ලොරි රථ 400 කින් පමණ මුදල් සොයා ගනී. කෙටියෙන් පවසනවානම් වර්තමානයේදී, ජනතාවගේ මුදලින් ඉදිවන, ජනතාවගේ මුදලින් ම නඩත්තු කරන සහ ටෙන්ඩර් මඟින් එක් එක් ව්‍යාපාරිකයාට පවරා දෙන නාගරික පොදු වැසිකිළියේ සිට ඉහළ මට්ටම දක්වාම පගාව නැතිනම් කප්පම උඩු දුවා ඇත. වැසි දිනවලදී වැසිකිළි කප්පම සරු වනවා සේම, ඉදිකිරීම් කෙෂ්ත්‍රයේ වර්ධනයත් සමඟ ඉහත කී ගල්, වැලි, බොරළු කප්පම ද වැඩි වේ.

සමාන්‍යෙයන් වැලි ප්‍රවාහනයේදී ද අපේ පොලිස් නිලදරයින් ගෙන් සැලකිය යුතු පිරිසක් ද මෙකී කප්පමට හවුල් වේ. උදාහරණයක් ලෙස කියතොත්, වැලි ප්‍රවාහනයේදී දිනකට එක් වරක් පමණක් ප්‍රවාහනය කිරීමට බලපත්‍ර ලැබෙනුයේනම්, එම අවස්ථාව භාවිත කළ බව සටහන් නොකර යැවීමට එක් ඉස්ථානකින් මෙකී නිලධාරයින් රු 100 ට නොඅඩු මුදලක් අයකරනු ලැබේ. සමහරෙකුට මෙය අළුත් වැට් බද්දක් වනු ඇත. මා මෙම කාරණය මෙහි සඳහන් කළද, සත්‍ය වශයෙන්ම මේය ප්‍රසිද්ධ රහසකි. මෙම නිලධාරීන් වැටලීමට පැමිණිලි අවශ්‍ය ද? අවශ්‍ය වූවත් දැලි පිහියෙන් පැණි කෑමට ඉදිරිපත් වෙනුයේ කවුරුන්ද. එත්, අවම වශයෙන් පැමිණිල්ල ක්‍රියාත්මක වෙනවානම් හෝ ඇතෙමෙක් දැලි පිහියෙන් පැණි කෑමට සූදානම් විය හැකි ය.

මාර්ග සංවර්ධනයේදී සහ ගොඩනැඟිලි ඉදිකිරීමේදී ද සඳහන් කළ අනෙකුත් අමුද්‍රව්‍ය වන, ගල් සහ බොරළු සපයා ගැනීමේදී ද කෙතරම් වංචා සහ දූෂණ සිදුවේද? මේ සියල්ල කප්පම මත තීරණය වේ. කොන්ත්‍රාත්තුව ගනු ලබන ව්‍යාපාරිකයාගේ අවශ්‍යතාව වනුයේ කෙසේ හෝ තම ඉදිකිරීම අවසන් කර ලාබ ගැනීමටය. ඒ සඳහා ඔහු නීතියේ සහ රජයේ අනෙකුත් ආයතනවලින් රිංගා යෑමට තැන් සොයයි. එකී තැන් නිර්මාණය කර දීමට සමහර නිලධාරී මහතුන් සැදී පැහැදී සිටී. ළඟම උදාහරණයක් මේ සඳහා ද ලක්වන්නම්. සමාන්‍යෙයන් මාර්ගයක් නැවත සංවර්ධනය කිරීමේදී හෝ පුළුල් කිරීමකදී ග්‍රැවල් හෙවත් බොරළු විශාල ප්‍රමාණයක් අවශ්‍ය වේ. එය එක් එක් මාර්ගයේ ශක්‍යතාව මත වෙනස්වේ. නමුත් අවශ්‍ය මුළු ප්‍රමාණයට ම ඔහු රාජ්‍ය භාගය ගෙවිය යුතුවේ. එය විශාල මුදලකි. එහෙත්, කොන්ත්‍රාත්තුකරු බලපත්‍ර ලබා ගනුයේ අවශ්‍ය ප්‍රමාණයට 10 න් පංගුවකටත් අඩු ප්‍රමාණයක් සඳහාය. එහිදී කොන්ත්‍රාත්තුකරු ලබන ලාභයෙන් කොටසක්, ඊට සම්බන්ධ අදාළ නිලධාරී මහතුන් අතරේ බෙදී යන බව මෙම කේෂ්ත්‍රයේ නියලි පිරිස් දන්නා ප්‍රසිද්ධ රහසක් ය. මේම සියලු සිද්ධි වැටලීම සඳහා පැමිණිලි අවශ්‍ය ද?

ඉදිකිරීම් සඳහා ගල් කැණීමේදී ද තත්ත්වය මේ ආකාරයෙන්ම සිදු වේ. කිසියම් කටයුත්තකට ගල් බිඳීමක් හෝ බොරළු කැණීමක් කරන විට ඔහුන් විසින් කැණීම් කර ඇති ප්‍රමාණයට වඩා ඉතා සුළු මුදලක් පමණක් රාජ්‍ය භාගය ලෙස ගෙවා ඇති බව කෙටියෙන් පවසමි. මේ වංචාවල් සඳහා දායක වීමට ආයතන කිහිපයක නිලධාරී මහතුන් කිහිපදෙනෙකු සහ සහ පාලන බලවතුන් එකි නෙක අත්වැල් බැඳ එක්තරා සංගමයක් (Union) ලෙස සිටින අතර, එවැනි කාර්යන්ට සම්බන්ධ නොවන නිලධාරී මහතුන්හට මෙය අගෞරවයක් නොවේවා යි කියා මා කියමි. මන්ද යත්, අප මේ ගසනා ගලක් පොකුරකට ම වැදිය හැකි බැවිනි. තම ආත්ම ගෟරුත්වය රැකගෙන නීති ගරුකව වැඩකරන මිනිසුන් සැබවින්ම අප අගය කළ යුතු ය.

පසු සටහන

කැණීම් සඳහා බලපත් ලබා දීමට බෝහෝ විට භූ විද්‍යා හා පතල් හා කැණීමේ කාර්යාංශය මැදිහත් වේ. වනාන්තර ආශ්‍රිතව කරනු ලබන කැණීම් හෝ වනසංරක්ෂණ දේපාර්තමේන්තුව සතු නිධී කැණිම් කරන විට හෝ ඊට වනසංරක්ෂණ දේපාර්තමේන්තුව මැදිහත් වේ. සමහර ඛනිජ නිධි වලින් ඛනිජ ද්‍රව්‍ය එක් රැස් කිරීම ට අවසර දීම සඳහා ප්‍රාදේශීය ලේකම් කාර්යාලයට මැදිහත් වේ. 

විශාල සංවර්ධන කාර්යන් සඳහා අමු ද්‍රවය්‍ය සැපයීමේ දී ප්‍රදේශයේ පාලන බලවතා හෝ ඔහුගේ නියෝජිතයෙකු මාර්ගයෙන් හෝ බොහෝවිට සිදුවේ. 

තේණුක සහ විදානගම මන්ත්‍රීවරුන් අතර කලක් සිට මත ගැටුම් පැවැති අතර, ආරවුලට ආසන්නම සිද්ධිය ඉහත පරිදි විය යුතුය. දැනට විදානගමගේ මහතා මහනුවර රෝහලේ ප්‍රතිකාර ලබයි. 

පහර දීම මෙහෙයවන ලද ලක්ෂ්මන් පෙරේරා මන්ත්‍රීවරයා පාලන පංතියේ ප්‍රබල භූමිකාවන් සමඟ ඉතා කිට්ටු සඹඳකම් පවත්වන අතර, ප්‍රබල දේශපාලන භූමිකාවක ලේලියක් වන ලෙක්සිකා යන අය සමඟ නීති විරෝධී ලෙස ස්ප්‍රීතු ජවාරමක් සිදු කරන බවද, මෙම සිද්ධිය සමඟ හෙළිවූ අනෙකුත් පුවත් අතර වේ. ඒ අනුව ‘හිඟුරාන අරක්කු’ නිෂ්පාදනය හරහා කෝටි ගණනින් රාජ්‍ය බදු වංචා කිරීමට ලක්ෂ්මන් මහතා දායක වී ඇත.

අර්ධ සුඛෝපෝභෝගී බස් රථ සේවය කාටද....?

මා පසුගිය දිනක අලුයම මාගේ නිවසට ආසන්නයේ ඇති ප්‍රධාන මාර්ගයේ බස් නැවතුමක් අසල සිට කොළඹ බලා පිටත් වීමට බස් රථයක් එන තුරු රැදී සිටියේ ය. කාලය ද ප්‍රමාද වී ඇති බැවින් සහ නියමිත වේලාවට ගමනාන්තයට ළඟා වීමට නොහැකි වේ දෝ හැඟීමක් ද මා සිත ජනිත විය. මේ මොහොතේ අනුරාධපුර සිට පැමිණි පෞද්ගලික බස් රථයක් නතර කර ගැනීමට මා සමත් විය. බස් රථයේ ඉදිරිපස ඉහළ අනුරාධපුර කොළඹ මාර්ග අංක 15 යනුවෙන් සඳහන් වී තිබූ අතර, එය සමාන්‍ය ගාස්තු බස් රථයක් බව ප්‍රදර්ශනය කරන N අකුර ද වූ බව මට යන්තමින් මතකයේ තිබිණි. නමුත්, ටිකට් පත මාහට ලබා දෙනු ලැබුවේ අර්ධ සුඛෝපෝභෝගී බසයක ටිකට් පතකි. එය අදාළ බසය අයත් සමාගමේ ම ටිකට් පතක් බව තහවුරු වූ නමුත්, ගාස්තුව සම්බන්ධයෙන් ඇති වූ කුතුහලය හේතුවෙන් මා කොන්දොස්තරගෙන් එ ගැන විමසී ය.

“නෑ මිස් මේක සේමි බස් එකක්“

අලුයම ලේ නහර කුපිත කරගනිමින් ගමන යාම සුදුසු නොවේ යැයි හැඟී ගිය බැවින් මා කිසිත් නොකී ය. නමුත්, අබේපුස්ස පසුකර තේ බීමට බසය නතර කළ බැවින්, නියමිත වේලාවට මා හට ගමන යා නොහැකි යැයි සිතිණි. එ හෙයින් බසයෙන් බැස, නුවර සිට පැමිණි කොළඹ බසයක් නතර කරවා එහි පිටත් විය. එතනින් පිටත් වීමට පෙර මා නැවත වරක් පැමිණි බසයේ ඉදිරිපස බැලුවෙමි. එය සාමාන්‍ය ගාස්තු බස් රථයකි.

මේ ආකාරයේ අත්දැකීම් වලට ඔබ ද කොතෙකුත් මුහුණ දී ඇත. එය සමාන්‍ය ගාස්තු බස් රථයක දී වූ සිදුවීමකි. කලක් නිතර මගී ප්‍රවාහන සේවයේ පිහිට පැතූ මා මා ගැටලුවලට මුහුණ දුන් පළමු අවස්ථාවද මෙය නොවී ය. නමුත්, අපේ රටේ ඇත්තේ අවිධිමත් සහ අක්‍රමවත් පරිපාලනයක් සහිත ප්‍රවාහන සේවයක් බැවින් අපට ඉවසීමේ හැකියාව ප්‍රගූණ කළ මඟීහූ වීමට සිදු වේ. සමහර අවස්ථාවල මඟීහු බසයෙන් බැස යනුයේ බසයේ රියදුරුගේ හෝ කොන්දස්තරගේ හෝ දෙමාපියන්හට පාංශකූලය ලබා දෙමිනි. පොදු වේ මෙලෙස කියුව ද බොහෝ ලංගම බස් රථ මෙන්ම, සමහර පෞද්ගලික බස්රථ යම්තාක් දුරට හෝ ගුණාත්මක සේවයක් සැපයීම ද පිළිබඳව ලිපිය ලිවීමට පෙර ස්තුති කළ යුතු ය. විශේෂ අවස්ථාවලදී හැරුනවිට මා පුරුද්දක් ලෙස සමාන්‍යෙයන් ප්‍රවාහන සේවය ලබා ගැනීම සඳහා භාවිත කරනුයේ ලංගම බස් රථය.

පෞද්ගලික අංශයේ ප්‍රවාහන සේවය සඳහා වෙනම ම කැපවූ මධ්‍යම රජයේ ආයතනයක් පිහිටුවා ඇත. එය ප්‍රවාහන සේවා අමාත්‍යාංශය යටතේ පිහිටුවා ඇති ජාතික ගමනාගමන කොමිෂන් සභාවයි. රජයේ තවත් එක නිද්‍රශීලී ආයතනයකි. ජා. ග. ග. කො. ස. (N.T.C. - National Transport Commission) යටතේ අන්තර් පළාත් යා කරන (පළාත් දෙකකට වඩා) ගමනාන්ත සහිත පෞද්ගලික අංශයේ බස් රථ පරිපාලනය වේ. මෙකී ආයතනයේ කාර්යය භාරයන් ලෙස මඟී ප්‍රවාහන බස් රථ සඳහා බලපත්‍ර නිකුත් කිරීම, ධාවනය සඳහා කාල සටහන් සකස්කර දීම, ධාවන කටයුතු නිසි අධීක්ෂණයකට ලක් කිරීම, මඟීන්ගේ ආරක්ෂාව සහ පහසුව සඳහා සුදුසු වාතාවරණයක් සකස් කිරීම ආදිය පෙන්වා දිය හැකිය. නමුත් බලපත් නිකුත් කිරීම සහ කාලසටහන් ලබා දීම වැනි සේවා හැරුණ විට ඊට වඩා කාර්යයක් වෙනවා යි කියා අපට පෙනෙන්න නැත.

ජා. ග. ග. කො. ස. මඟී පැමිණිලි සඳහා ගාස්තු රහිත 1959 දරණ දුරකථන අංකය නිකුත් කර ඇත. මීට අමතරව බස් රථවල පිටුපස 011-2595555 යන දුරකථන අංකය ද සටහන්ව ඇත. ප්‍රතිඵලයක් වීද යන්න ඔබම විමසා බලන්න. ඔබ කිසියම් අවස්ථාවක බස් රථයක ගමන් කිරීමේදී සිදුවූ අසාධාරණයක් සම්බන්ධයෙන් පැමිණිලි කර තිබේ ද? මා අවස්ථා කිහිපයකදී පැමිණිලි කර ඇත. නමුත්, පැමිණිලි සඳහා කිසිදු සොයා බැලීමක් හෝ නොවූ බව හොඳින්ම විශ්වාසය. 

අර්ධ සුඛෝපෝභෝගි බස් රථ සේවය අපට ලැබෙනවා ද? මා කොළඹ-බදුල්ල, කොළඹ-වව්නියා, කොළඹ-අනුරාධපුර, කොළඹ-ත්‍රීකුණාමලය, ආදී දුර ගමනාන්ත ගණනාවකටම අයත් අර්ධ සුඛෝපෝභෝගී බස් රථවල ගමන් කර ඇත. කිව යුතුව ඇත්තේ මේ සියල්ලම එකසමාන ගුණාත්මක භාවයකින් පිරිහී ඇත. සමාන්‍ය බස් රථයක් සහ සුඛෝපෝභෝගී බස් රථයක් මඟීන්ට පහසුවෙන් වෙන් ක හඳුනා ගත හැකි ය. නමුත්, සමාන්‍ය බස් රථයක් සහ අර්ධ සුඛෝපෝභෝගී බස් රථයක් වෙන් කර ගැනීම තවමත් බෝහෝ මඟීන්ට අපහසු ය. මන්ද යත් මේ දෙකේම වෙනස ඇත්තේ ටිකට්පතේ පමණක් වීමය. සමාන්‍ය ගාස්තු බස් රථයක එය හැඟවීම සඳහා ඉදිරිපස සහ පිටුපස ගමනාන්ත පුවරුවලත්, මඟීන් නංවා ගන්නා දොරටුව අසලත් "N" අකුර සටහන් කර ඇත. එමෙන් ම අර්ධ සුඛෝපෝභෝගී බස් රථයක "S" අකුර සටහන් කර ඇත. නමුත්, මෙම වෙන් කර ගැනීම මඟීන් අතර තවම ප්‍රචලිත වී නැහැ. පැමිණෙන කුමන හෝ බසයක නැඟ සිය ගමන යාම සඳහා වෙර දරන මඟීන්ට බස් රථ තෝරා බේරා ගමන් කිරීම සඳහා කාලය ද නැත.

පහත සාධක සමාන්‍ය සහ අර්ධ සුඛෝපෝභෝගී බස් රථ වල ගමන් ගන්නා මගීන් සියල්ල සඳහා එකසේ පොදුවේ බලපායි.

• ගමන් මලු තබා ගැනීමට පහසුකම් නැත. ආසනවල යන මඟීන් ගමන් සිය මලු, අසුනට ඉහළින් රඳවනනයේ දැමූ විට සිටගෙන යන මඟීන්ට තම කරේම එල්ලා ගැනීමට සිදු වේ.  

• අසුන් අතර ප්‍රමාණවත් ඉඩකඩක් නැත.  

• ශබ්ද මට්ටම (එන්ජිමේ) සැලකිය යුතු තරමේ ඉහළ ය. බොහෝ විට මෙයට කැසට් යන්ත්‍රය ද නොඅඩු දායකත්වයක් සපයනු ඇත. රියදුරන් මේ සඳහා අපූරු කතාවක් කියයි. “කැසැට් එක අපට නින්ද යන නිසායි“. තවද, සයිලන්සරයට බර හඩ ජනකයන් සවි කර ගැනීමෙන් මාර්ගයේ ඉඩ පාදා ගත හැකි බව රියදුරන් කල්පනා කරයි. සමහරවිට ශබ්දය මිනිස් කනේ වේදනා සීමාන්තකයට ආසන්න ඩෙසිබල් ප්‍රමාණයක පිහිටයි.  

• සමහර රියයදුරන් සහ කොන්දොස්තරවරුන් අතෘප්තිමත් සේවයක නිරත වීම. 

• ටිකට්පත් වංචනිකව කැඩීම.  

• ප්‍රමාණයට වඩා මඟීන් රැගෙන යාම. සමාන්‍යෙයන් සෙමි බසයක මඟී සංඛ්‍යාව ආසන සංඛ්‍යාවට සීමා විය යුතු ය. අපේ රටට අනුව මෙය කළ නොහැකිනම්, සෙමි යනුවෙන් වෙනම ලේබලයේ බස් කුමටද?  

• මඟීන් අඩු අවස්ථාවල සියලුම ස්ථානවලින් මඟීන් ගැනීම හේතුවෙන්, ගමනාන්තය නියමිත වේලාවට අවසන් නොවීම.  

• මඟීන් බහුල අවස්ථාවල බසයට නඟින මඟීන්ගෙන් සමහර කොන්දොස්තරවරු ගමනාන්තය දක්වා ම ටිකට්පත කැඩීම. නැතහොත් නංවා නොගැනීම.

තවත්, බොහෝ කාරණා කිව හැකිය. නමුත් ලිපිය තව දුරටත් දීර්ඝ වන බැවින් පසු වදනක් එක් කරන්නම්. ඒ හා සංසන්දනය කර බලන්න.

මෙම ලිපිය මඟින් අර්ධ සුඛෝපෝභෝගී (Semi Luxury) බස් පමණක් විවේචනය කළ ද අනෙකුත් බස් රථ සේවා සඳහා ද විවේචනයන් නැතුවාම නොවේ. දැනට ශ්‍රී ලංකාවතුළ අර්ධ සුඛෝපෝභෝගී සේවා බස් රථ 300 ක් පමණ ධාවනය වේ. මෙම බස් රථ 300 ය කාර්යක්ෂම සහ විනයානුකූල කර ගත නොහැකි කොමිසමක් ද වේ. මාගේ හැඟීම පරිදි අප රටට අර්ධ සුඛෝපෝභෝගී බස් රථ සේවාවක් අවශ්‍ය නැත. ඊට ආසන්නම හේතුව එවැනි සේවයක් ලබා ගැනීමට බලාපොරොත්තුවෙන් ගමන් කරනා මඟීන් හිඟ බව සහ සමාන්‍ය ජනතාවට එහි නිසි සේවය ලබා ගැනීමට ඇති නොහැකියාව යි. සමාන්‍ය බස් රථ ගාස්තු මෙන් එක හමාරක ප්‍රමාණයක ටිකට් පතක් මිලදී ගෙන හිටගෙන තෙරපී යන ජනතාව අනන්ත ඇත. ඉන් අපහසුතාවය ඔහුන්ට පමණක් නොව ආසනවල යන මඟීන්ට ද වේ. මාගේ අවසන් නිගමනය මෙයයි. අද අපේ රට තුළ අර්ධ සුඛෝපෝභෝගී සේවාවක් නිසි පරිදි ක්‍රියාත්මක වනුයේ නැත. ඇත්තේ හිටගෙන සෙමි බස්රථ සේවයකි. අපට නිද්‍රාශීලී කොමිසමක්ද ඇත. පීඩා විදිනුයේ ජනතාවමය. තවද අපට මේ ආකාරයේ අර්ධ සුඛෝපෝභෝගී බස් රථ සේවයක් ඇවැසි නැත. වඩාත් හොඳ සේවයක් දිය නොහැකිනම් එය සමාන්‍ය ගාස්තු බසයක් විය යුතු ය. පැරසිටමෝල්ට් වෙළඳ දැන්වීමක මෙන් “දෙකම එක සමානනම් ඇයි එකකට වැඩියෙන් ගෙවන්නේ“. මේ සම්බන්ධයෙන් ඍජුවම වගකිවයුතු නියාමක ආයතනයන් ක්‍රියාත්මක නැතිනම්. මේ කාගේ දුර්වලතාවයක් ද?

මීට අමතරව පෞද්ගලික බස් හිමියන්ට ද මුහුණ දීමට සිදුවන අපහසුතාවයන් කිහිපයක් ඇත. විශේෂයෙන් ම මග දිගට සිටිනා මාතර කිඹුලිගෙ පැටවු ය. එනම්, මුදල් කඩා ගැනීමේ බලාපොරොත්තුවෙන් සිටිනා (දේශපාලකයන්ගේ උවමනාව මත) නිල නොවන වේලා සටහන්කරුවන්, අල්ලස් ගන්නන් සහ රථ වාහන පොලිසි යත් (රථ හැසිරවීමට නොව සාක්කු පුරවා ගැනීමේ පරම චේතනාවෙන් පැහැදී සිටින), ඡන්දය අවස්ථාවකදී දේශපාළුවාගේ රූපය ප්‍රදර්ශනය නොකරනු ලැබුවහොත් බලපත්‍රය අහිමිවීම ආදී කරුණුත් ඇත. මේ සම්බන්ධයෙන් වෙනම ම කතා කළ යුතුයි.

පසුවදන

අර්ධ සුඛෝපෝභෝගී බස් රථ අනව්‍ය බව පසුගිය දෙසැම්බර් (2012) මාසයේ දී ලංකා පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න මහතා ද යෝජනාකර ඇත. තවම ප්‍රගතියක් නැත.  

ජා. ග. ග. කො. ස. බස් රථවල ගමන් නිරීක්ෂණය සඳහා GPS තාක්ෂණික උපාංග අත්හදා බලමින් සිටී. 

අපේ රටේ මඟී ප්‍රවාහන බස්රථ 20,000 ක් පමණ ඇති අතර, ඉන් 5200 ක් ලංගම බස් රථ වන අතර, 300 ක් පමණ අර්ධ සුඛෝපෝභෝගී වේ. තවද සුඛෝපෝභෝගී බස් රථ 500 ක් පමණ වන අතර, 25 ක් අධි සුඛෝපෝභෝගී බස් රථ වේ.  

මඟී ප‍්‍රවාහනය කරන ලංගම බස් රථ රතු පාටින් ද, පෞද්ගලික බස්රථ ලා නිල් පාටින් සහ පාසල් ළමුන් ප්‍රවාහනය කරන බස් සහ වෑන් රථ කහ පාටින් ද වර්ණ ගැන්වීමට පසුගිය නොවැම්බර් (2012) මාසයේ දී කැබිනට් මණ්ඩලය තීරණය කර තිබේ.  

මාර්ගස්ථ මගී ප්‍රවාහන අධිකාරිය ප්‍රකාශයට පත්කර ඇති පහත සඳහන් පහසුකම් අදාළ මඟී ප්‍රවාහන රථ මඟින් මඟීන්ට ලැබිය යුතුය. පහසුකම් නොලැබේනම් එය පැමිණිලි කිරීම සඳහා දුරකථන අංක ලබා දී ඇත. ප්‍රගතියක් ඇතිද කියා ඔබට ම කතා කර පරික්ෂාකළ හැකිය. (1959 හෝ 011-2595555)  

කොමිසමේ නිර්ණායකයන්ට අනුව අර්ධ සුබෝපෝභෝගී බස්රථයක තිබිය යුතු මඟී පහසුකම් සහ ලක්ෂණ පහත පරිදි වේ. නමුත් නමට පමණක්වත් බෝහෝ බස්රථවල සමහර ලක්ෂණ නැත. එය සොයා බැලීමට මඟීන්ගෙන් පැමිණිලි අවශ්‍යමද? පැමිණිලි කළත් කඩිනමින් සොයා විමර්ශනය කරනවාද ? සියල්ල කම්බස් ද....?

• හිස පහසුවෙන් තබා යා හැකි උස් ආසන තිබිය යුතුය.
• ආසනවල දෙපස අත් රඳවා ගැනීම සඳහා ඇඳි තිබිය යුතුය.
• අංක සටහන් කළ ආසන තිබිය යුතුය.
• වීඳුරු අඳුරු කර තිබිය යුතුය. 
• ආසනවල ආසන ආවරණයක් තිබිය යුතුය.
• ගමන් මලු තබා ගැනීමට ඝන මීටර් 1 ට නො අඩු ඉඩක් තිබිය යුතුය.
• බසය ඇතුළුලත ගමන් මලු තබා ගැනීම සඳහා රාක්ක තිබිය යුතුය.
• ආරක්ෂාකාරී සහ ස්වයංක්‍රීය දොරවල් තිබිය යුතුය.
• ආසන සංඛ්‍යාව 40 ට වඩා වැඩි විය යුතුය.
• මඟීන් සඳහා විදුලි පංකා සවිකර තිබිය යුතුය.
• ආසන දෙකක් අතර පරතරය අවම වශයෙන් මිලි මීටර් 680 (අඟල් 27) වත් තිබිය යුතු අතර, දණහිස් පරතරය ලෙස මිලි මීටර 236 (අඟල් 09) ක්ද විය යුතුය. 
• ආසන දෙකක තිරස් පරතරය අදාළ ලක්ෂ දෙකක් අතර මිලි මීටර 750 (අඟල් 30) ක් විය යුතුය.
• මඟීන්ට දර්ශනය වන පරිදි ක්‍රියාකාරී ඔරලෝසුවක් බසය තුළ තිබිය යුතුය.
• අඟල් 18 X 10 ප්‍රමාණයේ පුවරුවක ගමනාන්තය පිළිබඳව කාලය, රියදුරු සහ කොන්දොස්තරගේ නමත් බලපත් අංකයත් සටහන් විය යුතු ය.
• බස් රථයේ ත්වරණ වේගය වැඩි කළ විට නිකුත්වන ශබ්ද මට්ටම සයිලන්සරයේ සිට පිටතට නිකුත්වන ශබ්ද මට්ටම ඩෙසිබල් 82 ප්‍රමාණය නොඉක්ම විය යුතු අතර, නළා ශබ්දය ඉදිරි අසුනේ සිට මීටර 05 ක් පිටුපසට ඩෙසිබල් 105 නොඉක්ම විය යුතු ය.