Friday, December 28, 2012

සේද මාවතෙන් ඔබ්බට.... චීනය සමඟ!


චීනයේ පළමුවරට සේද නිෂ්පාදන සොයාගැනීමත් සමග එම නිෂ්පාදන අලෙවි කර ගැනීම සඳහා ක්‍රි. පූ. 139-40 දී පමණ හූ අධිරාජයා යටතේ සේද මාවත පළමු වරට ආරම්භ විය. එය ගොඩබිම හරහා වැටී තිබුණ අතර, සියෑන් වලින් ආරම්භ වී කෙස්වාන්, වොකාරා, බැඩ්ඩෑග් ඔස්සේ ස්ථානාබූල් දක්වා විහිදී ගියේ ය. එනම් ගොඩබිම් සේද මාවත මධ්‍යම ආසියාව හරහා විහිදී දිගියේ ය. එය සැතපුම් 3000 ක් පමණ දිග වූ අතර, කාන්තාර-කඳු සහ දුෂ්කර මාර්ග හරහා වැටී තිබිණි. මුහුද ඔස්සේ සේද මාවත කි. ව. 618 දී පමණ විවෘත විය. එය සැතපුම් 6500 ක් පමණ දීර්ඝ මාවතක් වූ අතර, ගොඩබිමට ආසන්නව විහිදී ගියේයේ ය. මෙම මුහුදු සේද මාවත ශ්‍රීලාංකාවද ආවරණය කිරීමට සමත් වූ අතර, එමඟින් චීන ශ්‍රී ලංකා අතර මෙන්ම විවිධ රටවල් අතර සබඳකම්ද ගොඩ නැඟීමට හේතු විය. මහුදු සේද මාවත චීනයේ හෙපෝ වරායෙන් ආරම්භව පර්සියානු බොක්ක සහ රතු මුහුද ආශ්‍රිතවත් විහිදී ගිය අතර, නැගෙනහිර අප්‍රිකාව දක්වාද විහිදි ගියේ ය.

සැබවින්ම සේද මාවත විවෘත වූයේ වෙළඳාම මූලික කර ගෙන නමුත්, එය එතනින් සීමා නොවී දාර්ශනිකයන්, සොරුන්, දේශානාටකයන් ද ගමන් කළ මාර්ගයක් බවට පත්විය. එමෙන්ම සේද මාවත වැදගත් වනුයේ එය වෙළඳ මාර්ගයක් ලෙස ම නොව. මේ මඟින් රටවල් කිහිපයක ජාතීන් අතර, දැනුම, සංකෘතීන්, ආගමික ආකල්ප, කළා ශිල්ප ආදී ව්‍යාප්ත වීමට මහඟු පිටුවහලක් විය. ගොඩබිම් සේද මාවත සැලකුවහොත් ඒ ආශ්‍රිතව ඉදිවී ඇති විශිෂ්ට ඉදිකිරීම් ආදිය මේයට හොඳම සාක්ෂි ලෙස පෙන්වා දිය හැකි ය.

සේද මාවතේ සංසරණය වූ වෙළඳ භාණ්ඩ බෝහෝමයක් වූ අතර, චීනය විසින් සේද රෙදි, පොසිලින් භාණ්ඩ, තේ වැනි ද්‍රවය්‍යත්, ඉනිදියාව සහ ශ්‍රී ලංකාව වැනි රටවල් කුළු බඩු වර්ග, ඇත්දළ, මැණික් වැනි පාෂාණත් අලෙවි කර ඇති අතර, රෝම අධිරාජය විසින් වටිනා නිමි ආභරණ, වයින්, වීදුරු භාණ්ඩ ආලේවි කර ඇත. සමහර කතා වල කියැවෙන පරිදි අලි ඇතුන් පවා වෙළඳ භාණ්ඩයක් ලෙස ප්‍රවාහනය වී ඇත.
සේද මාවත ඉන්දියන් සගරය ඔස්සේ වැටී තිබූ බැවින්, කි. ව. දෙවන සියවසයේ සිට ඉන්දියන් සාගරය ක්‍රමයෙන් ආරාබින් අතට පත්විය. මේ හේතුවෙන් කි. ව. 1344 දී ශ්‍රී ලංකාවට (එවකට තපොභ්‍රාන්) පැමිණි මුස්ලිම් ජාතික සංචාරකයෙකු වූ ඉබන් බතූතා පවසන පරිදි මෙකල ශ්‍රී ලංකාවේ අභ්‍යන්තර සහ විදේශීය වෙළඳාම මුස්ලිම් ජාතිකයන් සතුව තිබුණු බව පවසයි. විදේශීය වෙළඳ කටයුතු පිළිබඳව 14 වන සියවස වන විට හලාවත, කොළඹ, කළුතර, බේරුවල තොටුපළවල් ප්‍රසිද්ධියක් ඉසිලී ය. නමුත්, 16 වන සියවස වන විට මෙතෙක් ආරාබි ජාතිකයන්ගේ අධිපත්‍ය යටතේ තිබූ ඉන්දීය සාගරය යුරෝපීය ජාතිකයන් අතට පත් විය.

අතීතයේ අප රට වෙළඳම් සම්බන්ධයෙන් විදේශීකයන් සමඟ තිබූ සබඳතා පිළිබඳව දේශීය මූලාශ්‍ර මෙන්ම, විදේශීය මුලාශ්‍ර ද සාක්ෂි සපයනවා. මෙහිදී අපට දේශීය වශයෙන් මහා වංශය වැනි වංශ කතා සෙල් ලිපි, විදේශීය කාසි, විදේශීය භාණ්ඩ, වරායන් ගොඩනැඟීම් සාක්ෂි සපයනු ලබන අතර, ව්දේශීය වශයෙන් ඉබන් බතූතාගේ, පාහියන් භික්ෂුවගේ වැනි දේශානාටකත්, එක් එක් රටවල හමුවන ශ්‍රි ලාංකීය පැරැණි නිෂ්පාදන ආදිය පෙන්වා දිය හැකි ය. අපට අතීතයේ සිට මේ දක්වා චීන සහ අනෙකුත් රටවල් සමග පැවති සබඳතා ඔස්සේ ලැබුණු දේ බොහෝ මෙන්ම අපෙන් ගිලිහී ගිය දේ ද නැතුවාම නොවේ. කෙසේ වෙතත් අපට අතීතය නිවැරදි කිරීමට නොහැකි බැවින් වර්තමානය හෝ නිවැරදි කර ගැනීමේ උවමනාව තිබිය යුතු ය. ඒ සේද මාවතේ කතාන්දරයක් පිළිබඳව නොව. ඊට හාත්පසින්ම වෙනස් කතාවකි.

එදා සහ අද දේශපාලන පරිණාමය
ශ්‍රීලංකාව, චීනය මෙන්ම වෙනත් රටවල් සමඟ ද සබඳතා පැවැත්වූ එක් ආකාරයක් ගැන සඳහන් කිරීමට මා සේද මාවත පෙන්වා දෙනු ලැබුවා. වර්තමානයේ දී එනම් මෙම කාලවකවානුවේ දී චීනය ශ්‍රී ලංකාව සමඟ අමුතුම ආකාරයේ සංවර්ධන මාවතක් සදාගෙන තිබෙනවා. චීනය අද අප රටට අති විශාල ලෙස ණය ලබා දේ. එය මුදලින් කොපමණද කියා පවසන්නට මා සතුව දැනට දත්ත නැති වුව ද, ඒ පිළිබඳව ඉදිරියේදී සවිස්තරාත්මකව ලිපියක් ලිවීමට මා අදහස් කර ඇත. සත්‍ය වශයෙන්ම මට සේද මාවත පිළිබඳ ඔබට දල අදහසක් දීමට අවැසි වුව ද වර්තමාන තත්ත්වය පිළිබඳව දැඩි උවමනාවකින් යුතුව කීමට අවැසිව ඇත. ඒ මක් නිසාද යත් දිනෙන් දින කුමන ආකාරයකින් අප රට තවත් රටක ගොදුරක් වීමේ අවදානමට ලක්වනවා සේම ලක්කරනවා ද වීම ය. සැබවින්ම එය 80 දශකයේ ඉන්දියානු ව්‍යාප්තවාදයට සමාන ස්වරූපයක් ගැනීමට ද බැරි නැත.

රට තුළ යම් ඉදිකිරීම් ක්ෂේත්‍රයේ යම් දියුණුවක් වන බව මා මෙන්ම ඔබද පිළිගන්නා කරුණක්ය කියා සිතනවා. නමුත්, එහි යට සැඟවී ඇත්තේ කුමක් ද? සත්‍ය වශයෙන්ම පාලන පක්ෂය අද රටට වඩා තමා දියුණු වීමේ මාර්ගයක් සකසා ගැනීමකි. මා සමඟ උරන නොවන්න. හේතුව මා මන්ත්‍රී සහ ඇමති යන පිරිස් සංවර්ධනය කිරීමට ඇති රුචිය ගැන වඩා හොඳින් දන්නා අයෙකි. මන්ත්‍රීවරු විමධ්‍යගත අරමුදලින් ලැබෙන මුදලේ සිට විශේෂ සංවර්ධන ව්‍යාපෘති වෙනුවෙන් ලැබෙන මුදල් යනාදී සියල්ල හැකිනම් සතයක් නෑර ගසා කෑමේ උපේක්ෂා සහගත සිතුවිල්ලෙන් සිටී. නමුත්, තමන් තව දුරටත් දේශපාලනයේ රැදී සිටිය යුතු බැවින් එතනට නොවැටී, ජනතාව වෙනුවෙන් ටිකක් වීසිකර තමා වෙනුවෙන් ද යමක් කර ගනී. එනම් කෙටියෙන් කියනවානම් ජනතාව ගොනාට ඇන්ඳවීමකි. මේ පිළිබඳව කතා කිරීම මාතෘකාවෙන් ඉවතට තල්ලු වීමක් බැවින්, එය මෙතනින් අවසන් කරමි.

පිටසක්වල ජීවියෙක් ආවොත්!
ඔබ පසුගිය කාලයේදී චීනයෙන් ලැබුණු මුදලින් කුමක්ද කළේ යන්න ගැන සිතුවාද? සංවර්ධනය!.... එම සංවර්ධනය පිළිබඳව ඉදිරියේදී මා දීර්ඝව ලිපියකින් විස්තර කරන බැවින් දැනට මා සරලව කියන්නම්. නොරොච්චෝලේ බලාගාරයක් ඉදිකිරීමට චන්ද්‍රිකා කුමාරතුංග ජනාධිපතිතුමිය තීරණය කරනුයේ ඇයගේ ධූර කාලයේ දී ය. ඉදිකිරීම සඳහා ජපානයට භාර දෙනු ලැබුව ද, විවිධ හේතු නිසා එය ක්‍රියාවට නැඟීමට නොහැකි විය. වර්තමානයේදී මහින්ද රාජපක්ෂ ජනාධිපතිතුමා විසින් එය ක්‍රියාවට නැංවීය. එහි වරදක් නැත. නමුත් වරදක් ද විය. ජපානයට දුන් ඉදිකිරීම චීනයට ලබා දුනි. එකක් නොව වරදවල් රාශියක් සිදුවිය. කෙසේ වෙතත් දැනට නොරොච්චෝලේ ක්‍රියාත්මක ය. චිනය විසින් තමරට තුළ භාවිත කළ බලාගාරයක කොටස් ද සහිතව අලුත්වැඩියාවකින් සහ නව තීන්ත ආලේපයකින් පසුව අලුත් ආම්පන්න කිහිපයක් ද සමගින් ලංකාවට (බාල)බලාගාරයක් තෑගි කිරී ය. එය අප රටේ බාල අයිටම් වලට (බාල තෙල්, බාල බෙහෙත්, බාල අපචාර....) දෙන ඉඩකඩ වැඩි නිසාදෝ කියා මට සිතේ. මා දන්නා පරිදි එම බලා ගාරය ක්‍රියාත්මක කළ දා පටන් දැනට 12 වතාවක් විවිධ හේතූමත අක්‍රිය තත්ත්වයන්ට භාජනය විය. කොහොම උණත් අප රටේ ජනතාව චීන නිෂ්පාදන සහ ජපන් නිෂ්පාදන සම්බන්ධයෙන් ඉතා හොඳ අවබොධයක් ඇති බව මා දනි. මෙම අනගි අවස්ථාව ද එකී අවබෝධයට කිසිදු ආකාරයේ හානියක් නොකරන බව මා හොඳින් විශ්වාස කරමි.

වර්තමානයේ බොහෝමයක් මං මාවත් ඉදිකිරීමේ කොන්ත්‍රාත්කරු චීනයේ සමාගමකි. ඔහුන් විසින් කරනුයේ තම රටින් මුදල් ණය වශයෙන් පොලියට ලබා දී කොන්දේසි ලෙස ප්‍රධාන කොන්ත්‍රාත්කරු තම රටේ ආයතනයකට පැවරීම ය. එහෙත් මෙම ප්‍රධාන කොන්ත්‍රාත්කරු විසින් අප රටේ මංමාවත් සාදනුයේ නැත. ඔහුන් කරනුයේ එහි පූර්ණ බලය සහ මෙහෙයවීම තමන් සතුව තබාගෙන, ශ්‍රී ලංකාවේ කොන්ත්‍රාත් සමාගම් වෙත ව්‍යාපෘතිය පැවරීම ය. සත්‍ය වශයෙන් මෙහි හාස්‍ය එය නොව, ඔහුන් අප රටේ සමාගමකට එහි ඉදිකිරීම ලබා දෙනුයේ සම්පූර්ණ ව්‍යාපෘති වටිනාකමින් හරි අඩක ට ආසන්න මුදලකට ය. එකී දේශීය සමාගම එම මුදලට සම්පූර්ණ ඉදිකිරීම ම ඇස්තමේන්තුගත ආකාරයටම කරනු ලබනුයේ නම්, ඇයි අප දෙගුණයක් චීනයට ගෙවන්නේ (තවද මෙම මුදලට ණය පොලියද එකතු විය යුතු ය). එය හරියට පරණ වෙළඳ දැන්වීමක වූ පැනඩෝල් සහ පැරසිටෝල් අතර වෙනස මෙනි. මෙම වැඩිපුර ගෙවන මුදල ගලාගෙන යනුයේ කා ළඟට ද?

චිනයට අප රටේ බොහෝ ඉඩම් යටවී ඇත. උතුරු සහ නැගෙනහිර පලත්වල අක්කර ගණන් ඩෝල් සහ වෙනත් ආයතනවලට පවරා දීම මෙන්ම පසුගිය කාලවකවානුවේ ආන්දෝලනයකට තුඩු දුන් ගාලුමුවදොර හෙවත් ගොල් ෆේස් පිටිය, බණ්ඩාරනායක මහතාගේ පිළිරුවත් සමඟ චිනයේ හොටල් කර්මාන්තයේ යෙදී සිටින කැතික් (CATIC) ආයතනයට ලබා දීම ද පෙන්වා දිය හැකි ය. එපමණක් ද නොව සැටලයිට් සහ අභ්‍යවකාශ ගමන් ගැන ඉදිරියේදී කතා කිරීමට බොහෝ කරුණු එක් වේවි.

මේ වර්තමානයේ චීනය සහ ශ්‍රී ලංකාව අතර ඇති සේද මාවතයි. නමුත් ශ්‍රී ලංකාවේ ආර්ථික කඩාවැටීම් හේතුවෙන් දැන් චිනය ද ණය මුදල් ලබා දීමේදී දෙවරකට වඩා වැඩියෙන් සිතයි. ඔහුන් සමහර ණය දීම් වලදී අමුතුම ආකාරයේ කොන්දේසි පනවයි. තම රටේ රක්ෂනායතනයක (චීනය) ණය මුදල සම්බන්ධයෙන් රක්ෂණය වීම, ආදී විවිධ කොන්දේසි මේ අතර පැන නගී. අප ආර්ථිකයේ දිනෙන් දින ගිලී යමින් සිටිය දී, වත්මන් පාලනය මේ කිසිදු දෙයක් පිළිබඳව නොදන්නා ආකාරයකින් කටයුතු කරනවා යනු රට මෙන්ම ජනතාවත් අඝාතයකට තල්ලු කර දැමීමකි. මෙම දූෂණය කරනු ලබන මුදල් සියල්ල ගෙවනුයේ රටේ සාමාන්‍ය ජනතාවය. ඔහුන් කෙසේ හෝ මෙම මුදල් ගෙවිය යුතු ය. නමුත්, ජනතාව කරුණු සියල්ල තවම අවබෝධකරගෙන නැති බව කිව යුතුමය.
1948 දී ද අප තුන්වන ලෝකයේ රටකි. තවද එසේ මය. අනාගතේ අපේ පරම්පරාවේ පුර්වජියන්ද එසේ විය යුතු ද?

පසුවදන
අතීත චීන-ශ්‍රී ලංකා සබඳතා පිළිබඳ සඳහන් සෙල් ලිපියක් 1911 දී ගාල්ලේ ප්‍රාදේශීය ඉන්ජිනේරු එච් එම්. තොමලින් මහතා විසින් සොයා ගන්නා ලදී. දැනට එය ජාතික කෟතුකාගාරයේ ප්‍රදර්ශනය සඳහා තබා ඇත. එම සෙල් ලිපිය චීන, දමිළ සහ අරාබි යන භාෂා තුනෙන්ම සටහන් ඇත. 1409-පෙබරවාරි 2 වන දින ජූන් ලෝන් අධිරාජයාගේ පාලන සමයේ ඔහු විසින් ශ්‍රී ලංකාවට එවන ලද චෙන් හෝ නැමැති නියෝජිතයා ගේ දෙවනිවර පැමිණීමේදී කරවන ලද්දක් වන අතර, එය ශ්‍රී දන්ත ධාතූන් වහන්සේට ප්‍රදානය කළ බව කියැවේ. 
රටක් තවත් රටකට ණය ලබා දීමේදී එය රාජ්‍ය මට්ටමින් ඇපවී සිදුවේනම් එහි රාජ්‍යයන් අතර අවබෝධය Sovereign Guaranty ලෙස හඳුන්වන අතර, ඒ සඳහා වෙනත් ආයතනයක සහතික කිරීමක් බලාපොරොත්තු නොවේ. නමුත් චීන ගනු දෙනු එතනට ද සීමා වී නැත. 
චිනයේ ඉදිකිරීම් ආයතනයක් විසින් ගනු ලබන ශ්‍රී ලංකාවේ ව්‍යාපෘතියක් එහි ටෙන්ඩර්ර වටිනාකමින් අඩකට ආසන්න වටිනාකමකට ගලපා නව ටෙන්ඩරයක් මගින් දේශීය ආයතනයකට (ව්‍යාපෘතිය) ඉදිකිරීම් සදහා පවරනු ලැබේ. එනම් අත-පය නොසලවා එකී චීන ආයතනය ව්‍යායාපෘතියෙන් 40-45% ක ශුද්ධ ලාභයක් ලබයි. දේශීය ආයතනය ද 10-15% අතර ලාභයක් ලබයි. එවැනි ව්‍යාපෘතියට සත්‍ය වශයෙන් වැය වනුයේ ව්‍යාපෘතියට වෙන්වන මුදලින් 35-45% කට ආසන්න මුදලකි. චීන ව්‍යාපෘති බොහෝමයක් ම මෙසේය. වගකීමෙන් ලියමි. ඉදිරියේදී සංඛ්‍යා ලේඛන සමඟ එම ව්‍යාපෘති ඉදිරිපත් කරමි.

Sunday, December 23, 2012

2012 පෙබරවාරි මස තෙල් මිල වැඩි කර සතියක්!


රට වෙනුවෙන් දිවි පිදූ මොහුද ජාතික වීරයෙකි
පසුගිය 14 වන දින (13 රාත්‍රී) පෙට්‍රල් ලීටරයක් රු 10 කින් ඉහළ දැමූ බව අප කවුරුත් දන්නා දෙයක්. නමුත් මහත් ආන්දෝලනයකට තුඩුදුන් 2012-02-12 දින තෙල් මිල ඉහළ දැමීම දැන් අපේ මතකයෙන් ඉවත් වීගෙන යයි. නමුත්, නැවත යුරෝප රටවල දැඩි සීතල කාලගුණය හටගෙනඇත. ඔහුන්ගේ තෙල් පරිභෝජනය ඉහළ යයි. මේ හේතුවෙන් ලෝක වෙළඳ පොළේ තෙල් මිල සැලකියයුතු ආකාරයට වෙනස් විය හැකි ය. එය නැවතත් අපට 2013 දැයට කිරුළ අවසන් වෙනවාත් සමඟ කුමනා ආකාරයක වේශයකින් හෝ කඩා පත් වීමේ හෝ කිරීමේ අවදානමක් ඇත. සත්තකින්මගිනි පොල්ලෙන් බැට කෑ මිනිසා කොරහේද කිඹුලන් දකී. එබැවින් සිතන්න බොහෝ දේ ඇත....

2012-02-10 දිනවලදී ඛනිජ තේල් අමාත්‍ය සුසිල් ප්‍රේම්ජයන්ත මහතා ඒ වන විටද ආණ්ඩුව විසින් සැලසුම් කරමින් සිටි තෙල් මිල ඉහළ දැමීම පිළිබඳවවිශේෂ ප්‍රවෘති නිවේදනය කරන්නට විය. එහිදී ඔහු පවසා සිටියේ යොරෝපීය රටවල ශීත කාල වකවානුව පවතින බැවින්, ඔහුන් වැඩිපුරතෙල් පරිභෝජනය කිරීම හේතුවෙන් ලෝක වෙළඳ පොළේ තෙල් සඳහා ඉල්ලුමත් තෙල් මිලත් ඉහළ යාම මීට ආසන්නම හේතුව බවය.එමෙන් ම කප්පන් ගැනීමෙන් නමක් දරා සිටින ඛනිජ තෙල් නියෝජ්‍ය සරණ ගුණවර්ධන මහතා පවසා සිටියේ තෙල් මිල ඉහළ දැමීමටඉරාකයට එරෙහිව පනවා ඇති සම්බාධක හේතුවෙන් ඉදිරි මාස 06 ක කාලයක් සැලකිල්ලට ගනිමින් තෙල් මිල ඉහළ දමන්න වන බවය.අපි දන්නා පරිදි සෑම වසරකම ඍතු වෙනස්වීම් ලොකයේ සිදුවේ. එය මේ වසරේ පමණක් අහම්බයෙන් සිදුවූවක් නොව. එබැවින් යුරෝපාප්‍රදේශවලට මේ දිනවල දැඩි ශීත කාලගුණයක් පවතී. තවද, මෙම වකවානුව අවසන් වූ පසු නැවත ලෝක වෙළඳපොළේ තෙල් මිල පහළබසී. ලෝක වෙළද පොළට අනුව අප රටේත් තෙල් මිල උච්චාවචනය වනුයේනම් අපිට ආණ්ඩුවක් කුමට ද?

2012 පෙබරවාරී 02-12 මධ්‍යම රාත්‍රියේ (සුපුරුදු කාලහෝරාවේදී) සිට ඩීසල් ලීටරයක් රු 31 කින් ද, පෙට්‍රල් ලීටරයක් රු 12 කින් ද, භූමිතෙල්ලීටරයක් රු 35 කින් ද ඉහළ දමනු ලැබී ය. නමුත්, ඛනිජතෙල් අමත්‍යාංශය පවසනු ලැබුවේ මෙම මිල ඉහළ දැමීමෙන් උවද ඔහුන් ලාභයක්නොලබන බව ය. මේ අනුව ඩීසල් ලීටරයක් රු 115 ක් ද, පෙට්‍රල් ලීටරයක් රු 149 ක් ද, භූමිතෙල් ලීටරයක් රු 109 ක් ද, කට ද මිල තීරණයවිය.

මේ අවස්ථාවේ බොරතෙල් බැරලයක මිල ඩොලර් 106 සිට 118 දක්වා ඉහළ නැග තිබුණු. එනම් 11% ක පමණ තෙල් ඉහළ යාමකි. (පසුගියනොවැම්බර් මාසය සැලකුවහොත් 22% ඉහළ යාමකි) එසේ නම් මේ 11% ක ඉහළ යාමටද දේශීය තෙල් මිල ඉහළ ගියේ. (නමුත්පෙබරවාරි 10 වන දින වන විටද අප රටට තෙල් ආනයනය කර තිබෙනුයේ බැරලය ඩෝලර් 106.62 ක ප්‍රමාණයක මුදලකට ය) රජයේආර්ථික පිළිවෙත්වල දෝෂ, වංචා දූෂණ ඉහළ යාම ආදී කරුණු මෙයට බලපෑවා නොවේද? රුපියල පාවීමට හැරීම හේතුවෙන් ඩොලරය පෙබරවාරි මස වන විට රු 119 ක් දක්වා ඉහළ ගොස් ඇත. තෙල් මිල ඉහළ යාමේ පණිවිඩය ජනතාව වෙත කාන්දු වීම වැළැක්වීම සඳහා දෝ “දැයට කිරුළ“ නැතිනම් “ණයට කිරුළ“ ප්‍රදර්ශනය තවත් දින කිහිපයකින් දික් කර තිබිණි.

කෙසේ වෙතත්, මේ සමගම සහ ඊට සමාන්තරව විදුලි සහ ගෑස් මිල ද බස් ගාස්තු ද රතු එළි දල්වන්න විය. රජය බස් හිමියන්ට ඩිසල් සහනයක් ලබා දෙන බව පැවසීම හේතුවෙන් බස්‌ ගාස්‌තු වැඩි කිරීමක්‌ හෝ වැඩ වර්ජනයකට යැමේ උවමනාවක් හෝ නැති බව සමස්‌ත ලංකා පෞද්ගලික බස්‌ හිමියන්ගේ සමිති සම්මේලනයේ ලේකම් අංජන ප්‍රියන්ජිත් මහතා රජයේ රූකඩයක් වෙමින් පැවසී ය. නමුත් ලැබුණ කිසිදු ඩීසල් සහනයක් නොමැත. ලැබුණානම් එකී ප්‍රකාශය නිකුත් කිරීම හේතුවෙන් ඔහුට පමණක් යමක් ලැබි තිබීය යුතුය. නමුත් බස් වර්ජනයක් දියත් වූ අතර, මීට ප්‍රථම අවස්ථාවක දී ඩීසල් වැඩීවීම සහ (රු 8/- ක) මෙවර වැඩිවීම පාදක කර ගනිමින් 17.1% බස් ගාස්තු වැඩිවීමක් වර්ජකයන් ඉල්ලා තිබුණද ආණ්ඩුවේ තවත් කෝන්දේසි මත පෙබරවාරි 13 වන දින බස්ගාස්තු 20% කින් ඉහළ දැමීය. තවද ඩීසල් සහනාධාර ලැබෙ යැයි කියා ආණඩුවේ දෙබස් කී සමස්‌ත ලංකා පෞද්ගලික බස්‌ හිමියන්ගේ සංගමය ද, තම බස්රථවල අදාළ බස්ගාස්තු මිල ඉහළ නැංවීය.

මේ වන විට (ආ)තෙල් අමාත්‍ය සුසිල් ප්‍රෙම්ජයන්ත මහතා නැගෙනහිර යුරෝපයේ සංචාරයක ගියේ (13 වන දින) ඇත්තටම තමා කියූ පරිදිඑකී ප්‍රදේශවල ශීත කාලගුණයක් ඇතිද කියා බැලීමට දෝ යනුවෙන් හාස්‍ය උත්පාදනයක් ද එම දිනවල විය. ජනාධිපති මහින්ද රාජපක්ෂමහතා ද පෙබරවාරී 15 දින සිංගපූර් නිල සංචාරයක් බලා පිටත්ව යයි. 

වෙඩි ප්‍රහාරයට ලක් වූ ඇන්ටනි ප්‍රනාන්දු මහතා
ධීවර සහ ජලජ සම්පත් අමාත්‍ය රාජිත මහතා ධීවරයින් හට භූමිතෙල් සහනාධාර ලබා දෙන බව පවසා සිටිය ද, පාලකයන් ගැන කිසිත් විශ්වාසයක් තැබිය නොහැකි බව දන්නා හලාවත ප්‍රදේශයේ ධීවරයන් විසින් පෙබරවාරී 15 දින උද්ඝෝෂණයක් දියත් කිරීය. ඔහුන්ගේ ප්‍රධාන සහ එකම අරමුණ ධීවර ජනතාවට ඉන්ධන මිල පහත දමා ගැනීම හෝ ඉන්ධන සහනයක් ලබා ගැනීම හෝ විය. නමුත්, උද්ඝෝෂණය අවසන් වූයේ තාලඩි ප්‍රදේශයේ පදිංචි ඇන්ටනි නැමැති ධීවරයෙකු පොලිස් විශේෂ කාර්ය බලකායේ නිලධාරියෙකු අතින් වෙඩි පහරකින් මරණයට පත් වීම ය. වෙඩි තැබීම සඳහා සඳහා නියෝග දී ඇතිතේ ද සහකාර පොලිස් අධිකාරිවරයෙකු විසින්.

මේ තෙල් මිල ඉහළ යාමට අමතරව ධීවරයන් ලැබූ ත්‍යාගයයි. දින දෙකක් පුරා පැවති උද්ඝෝෂණය 8 දෙනෙකු රෝහල් ගත කර,තිදෙනෙකු අසාධ්‍යය තත්වයට පත් කර, එක් අයෙකු ඝාතනය කර නිමා විය. ඇන්ටනි ප්‍රනාන්දු මහතා වෙඩි වැදී ගැහි ගැහී සිටියදී ඔහුව පයින් පාගා“තව ගණං කාරයෝ ඉන්නවානම් වරෙව්....“ කියා කෑමොර දී මට තරම් මර්දනයේ මිලේච්ඡත්වය දියත් විය. සත්‍ය වශයෙන්ම එහි මිලේච්ඡත්වය කොපමණද යත්, පෞද්ගලික විශ්‍රාම වැටුපට (සේවක අර්ථසාධක මුදල් වංචාවට) විරෝධය පළ කළ කටුනායක වැඩපලක සේවයකළ රෝෂේන් චානක මහතාවෙඩි වැදී රෝහලට ගෙන යෑමේදී ඔහුව නැවත කාරයෙන් ඇද දැමීම අපට සිහිගන්වයි. පාලකයන් තමාට එදිරි වන්නන්හට සිදුවනුයේ මෙය මැයි යන්න අපට පසක් කරනු වස් ඔහුන් උපරිම කටුතු කිරීය. 

මියගිය ඇන්ටනි මහතා දෙදරු පියෙකු වූ අතර, මිය ගිය තම පියාගේ දෙපා මුල සිට කඳුළු වඟුරමන් අසරණ භාවයට පත් ඔහුගේ දරුවන් කියූ කතා ඇසූ විට ඔබ, වෙඩි තැබූ උන්ටත්, නියොග දුන් උන්ටත්, පාලකයන්ටත්, උන්ගේ මැවුන්ම්කාරයන්ටත් ශාප නොකරනු නොඅනුමාන ය. මෙහිදී ඝාතනයට ලක්වූ ඇන්ට නිමහතාට මෙන්ම පෙර ඝාතනය වූ රෝෂේන් චානක මහතාටත් පාලකයන් විසින් එකම විසදුම ලබා දුන් අතර, අවම වශයෙන් ඔහුන්ගේ අවසන් කටයුතු ද නිදහසේ කර ගැනීමට ඉඩ නොදීය. (පසුගිය කාලයේ සිසු උද්ඝෝෂණයේදී ද අභිරහස් ලෙස මරණයට පත් වූවා යැයි සැලකිය හැකි සිසුන් දෙදෙනා ගේ අවසන් කටයුතු සඳහා ද ආණ්ඩුවේ අත පෙවීම මීට ආසන්න ය) තවද, උණුසුම්කාරී වාථාවරණයේදී මේ වෙනුවෙන් වන්දි ගෙවනවා කියා මාධ්‍යයේ කෑ මොර දුන්නද ඔහුන්ගෙන් යැපෙන්නන් වෙන්වෙන් මෙතෙක් සාධාරණ වන්දියක් ගෙවා නැත.

හලාවත ධීවරයන් දින කිහිපයක් ම මුහුදු යාමෙන් වැළකී සිටින ලද අතර, ධීවරයන්ට සහනයක් ලැබෙන තෙක් තමා ඔහුන් සමඟ සිටින බව හලාවත රදගුරු අති උතුම් වැලන්ස්‌ මැන්දිස්‌ හිමිපාණෝ පවසන ලදී. මේ අතර තෙල් මිල වැඩි වීමට එරෙහිව ජවිපෙ විසින් පෙබරවාරී 15 දින ද, එජාපය විසින් 17 වන දින ද විරෝධතා පා ගමනක් දියත් කිරීය. ජවිපෙ විසින් 15 දින කොළඹ දියත් කෙරුණු උද්ඝෝශනයටත්, එජාපය විසින් 17 දින කොටුව දුම්රියපොළ ඉදිරිපිට දී පල කළ විරෝධතා ව්‍යාපාරයටත් ජල සහ කඳුළු ගෑස් ප්‍රහාරයක් එල්ල කරමින් සුපුරුදු පරිදි එකී විරෝධතා කරුවන් විසුරුවා හැරීමට ආණ්ඩුව ක්‍රියා කරන ලද අතර, මහින්ද අබේසුන්දරගේ අයිටීඑන් විමසුම ගැන කිවයුතු වචන මිහිපිට සොයා ගත නොහැක.

ජනාධිපති මහින්ද රාජපක්ෂ මහතා සිංගපූර් නිල සංචාරය නිම කොට 17 දින සවස යළි දිවයින ට පැමිණේ. සහන ලබා නොදෙනවානම් පාන් මිල ද වැඩි කිරීමට සිදුවන බව සමස්‌ත ලංකා බේකරි හිමියන්ගේ සංගමය 17 වන දින ප්‍රකාශයක් නිකුත් කරනලද අතර, එහි ප්‍රතිඵලයක් ලෙස පෙබරවාරී 24 දින වන විට පාන් රු 05 කින් සහ අනෙකුත් බේකරි නිෂ්පාදන ද මිල ඉහළ නංවන ලදී. තවද මේ දිනවල “ඉන්ධන මිල, විදුලිබිල සහ බස්‌ගාස්‌තු වහා අඩුකරන ලෙස ආණ්‌ඩුවට බලකරමු.“ යනුවෙන් කරුණු සඳහන් අත්පත්‍රිකාවක් ජවිපෙ විසින් බෙදා හරිමින් තිබිණ. “තෙල් මිලඅඩු කර, සේවක වැටුප් ඉහළ දැමීමට“ බල කරන උද්ඝෝෂණයක් කරන බව පවසමින් අන්තර් සමාගම් සේවක සංගමය මාධ්‍ය ප්‍රකාශයක් දමේ දිනවල කරනු ලැබීය. නමුත් කිසිවක් නොහඳුන, ජනතාව කියනා දෙයක් නොඅසන, පාලන පංතිය තම මුනිවත රැකගනිමින් පෙබරවාරී මස ද ගෙවා දැමීය.

දැන් 2012 වසර ද ගෙවා අවසන් ය කීවොත් සත්‍යාසන්න ය. මාස ගණනක් ගතවූ එකී සිද්ධි දාමය ජනතාව කෙරෙන්ද තුරන් වෙමින් පවතී. අප අමතක කරන, අපට අමතක වන තරමට ඔවුහු අපව තවත් පීඩාවට පත් කරවි. මේ කියනුයේ තෙල් මිල ගැන ම නොව. අත දිගු කළ හැකි - අතැඟිලිවලට ගුලි කළ හැකි සෑම දෙයකින්මය ඔහුන් අපව සූරා දමාවි. අපද අත දිගහැර අතඟිලි ගුලිකර පහරක් එල්ල නොකරන්නේ නම්, අපිත් අපෙන් පසුව අපේ දූ පුතුන්ද නොවිදිනා දුකි විදීවි. අපිට තැනිය නොහැකි වූ හෝ අපි උත්සාහ නොකළ සමාජ වටපිටාවක් සැකසීමට ඔහුන්ගෙන් සමහරෙක් ද උත්සාහ කරාවි....

පසුවදන
එකම රටේ තෙල් වෙළදාමෙන් IOC සමාගම මිලියන 957 ක පමණ මුදලක් 2011 දී ලාභ ලබන විට තෙල් සංස්ථාව පාඩු ලබනබව මන්තරයක් සේ ජප කරයි. ඔහුන් රුපියල් බිලියන ගණනක පාඩුවන බව කියයි.  
තෙල් සංස්ථාවෙන් ගෑස් නිකුත් කරන්න යැයි කියා, ෆවුසි මහතාගේ (ආ)තෙල් ඇමති කාලයේ ගෙන ආ යන්ත්‍ර-සූත්‍ර සපුගස්කන්දේ දිරාපත්වෙමින් පවතී.  
2012 ඔයාමඩුවේ පවත්වන ලද දැයට කිරුළ ප්‍රදර්ශනයට ඛනිජ තෙල් සංස්ථාවේ කුටිය සඳහා රු ලක්ෂ 50 පමණ වැය වී ඇති අතර,ප්‍රදර්ශනය අවසානයේදී කුටියේ තිබූ උපකරණ අතුරුදහන් වී ඇත. බොහෝවිට (පිට)සක්වල ජීවීන් විසින් ගෙන ගොස් ඇත.  
2012 අය-වැයේදී රුපියල 3% කින් පහත දැමූ අතර, මහ බැංකුව විසින් ඩොලර් සංචිත භාවිත කරමින් රුපියලේ අගය ස්ථාවරයක පවත්වාගැනීම 2012 පෙබරවාරී 08 දිනෙන් පසුව අතහැර, වෙළඳපොළ අනුව ඩොලරයේ මිල තීරණය වීමට ඉඩ හරින ලදී. මෙයද දේශීය තෙල් මිල සඳහා ඍජුවම බලපෑවේ ය.

මේ දිනවල අභ්‍යවකාශ යානා ගැන පුළුල් ප්‍රචාරයක් මාධ්‍යායද භාවිත කරමින් සමාජගත කිරීමට පාලකයින් විසින් වෙර දරනු ඇත. එය රටේ දැනට පවතින ප්‍රශ්න කෙරෙහි ඇති ජනතා අවධානය වෙනත් දිශාවකට තල්ලු කිරීම උදෙසා සද්භාවයෙන් ගත්තාවූ තීරණයකි. 
මායාවරුන්ගේ ලෝක විනාශය සංකල්පයද ඔහුන්ට මහඟු අස්වැසිල්ලකි. දෝෂාභියෝගය, තෙල් වැඩිවීම්.... ගැන නොව දැන් ජනතාවට කතා කිරීමට මාතෘතා දී ඇත. මේ මහඟු කටයුත්තේ මාධ්‍ය සටනට පණ පෙවූ ඩයස් අලහප්පෙරුම මහතාට අවසානයේ සිදුවූයේ රජයේ මනංකල්පිත පිටසක්වල යානය තම වසමේ ම ගොඩබා පිරවුම්හලකින් තෙල් ගැසීමට ය. 
(කතාවක් පැතිරවීමට ය) ඒ අනුව පෙට්‍රල් මිල වැඩි කරනු ලැබුවේ (පිට)සක්වල යානා අපගේ පිරවුම්හලකින් තෙල් ගැනීම අඩපණ කරන්න යැයි හාස්‍යයට ලක් කළ හැකි ය. අවසානයේ බලන විට (පිට)සක්වල ජීවියාද, මායාවරුද, උල්කාද.... උන්ගේ ගැලවුම්කාරයෝ වී ඇත. 

ඔබටද බොහෝ දේ සිතීමට ඇත.... මගේ අතපසුවීම්ද තිබිය හැක....



මා විසින් මීට පෙර පල කළ මගේ post එක අත් වැරැදීමකින් මැකී ගියා. එය නැවත පල කිරීමකි මේ. ඔබ විසින් එවන ලද කොමන්ට් වලින් කොටසක් පමණක් google වලින් සොයා ගනු ලැබූ අතර එය මේ ආකාරයෙන් පල කරමි.



19 comments:

  1. නියම අර්තදැක්වීමක්, ලංකාවේ අපිට හැම එකම මත්ක තියන සති දෙකේ තියරියට අනුව මේ හැම එකම සති දෙකෙන් අමතකව යනු ඇත. නැවත රජය හොද වෙනු ඇත. චන්දයක් ලන් වෙද්දී නැවත කොටි ගැන, පරණ සිතියම් , හා බෝම්බ ගැන කතා කර කතිරයා අනිවාර්යෙන් ගසා ගනු ඇත.

    තෙල් මිල වැඩීවීම අමතක කරව්න්ට , කොළඹ පාරවල් වල රෑට තියන රේස්ද, පාර්වල් වල දකින රේස් කාරද ( වැරදීමකි, ගෝ කාර්ට් විය යුතුය ) වලින් ආතල් සපයනවා ඇත.
    Reply

    Replies










    1. ඔබ නිවැරැදියි.... මිනිසුන් මෙවන් දෑ අමතක කරන හෝ අමතක වෙන හෝ නිසා සිහිකැඳවීමක් කරන්න සිතුවා....

  2. ඇත්තය, අයවැය අමතක කරන්නට වැලිකඩට නිව්ස් ගෙනාවාය. කාලෙන් කාලෙට මොනවා හරි උලුප්පලා පෙන්නනවාය.

    අපේ හාමුදුරුවනේ මට මීට වඩා පඩි වැඩි කරන්නට බෑ කිව්වහම මිනිස්සුන්ට හිත උනුවී කදුලු ගලනවාය. තෙල් මිලට නම් අවුලක්ම නැතිය. ගමේ ගොඩේ ලාම්පුව පත්තු කරන්නට භූමි තෙල් ගෙනියන කෙනාගෙ සිට බහුතරයක් ලෝක වෙළදපොලේ තෙල් මිල යනු මැජික් එකක් කියා සිතනවාය. උන් කියනා ඔනෑ කෙප්පයක් හිස් මුදුනින්ම පිලිගන්නවාය.

    දැන් මාස තුනක පමන සිට එක්වරම ආර්ථික තත්වය පලටම බැස ඇත. නමුත් ටීවී චැනල් වලින් සියල්ල යතා තත්වයට පත් කරනවාය. දැන් මිනිසුන් සිතන්නේ මහින්ද අබේසුන්දරගේ සිතින්ය, දකින්නේ සුදර්මන්ලාගේ ඇසින්ය.

    කාර් රේස් බලනවා හැර කුමක් කරන්නද.
    Reply

    Replies










    1. සත්තකින්ම, අද සමාජයේ විවේචනයට ලක්වෙන කුමක් හෝ වෙන විට එහි අවධානය වෙනස් කරන්න විවිධ උපක්‍රම භාවිත කරනවා. බොහෝ ජනතාව එයට අසුවෙනවා.

  3. නිතර අමතක වන අපට මෙවැනි දෑ නැවත මතක් කරදීමද, ඒ හා සම්බන්ධ ප්‍රධාන සිදුවීම්, අතුරු කතා මතක් කරදීමද ඉතා අගය කල යුතුය. මන්තර ජප කරනවාට වඩා, සාධක සහිතව (පසුවදන ) ඔබ මතුකරන කරුණු ලිපියේ වටිනාකම වැඩි කරයි.
    Reply

    Replies










    1. ඔව්, සාධක නැතිව කතාවක් පමණක් කිවහොත් එය තවකෙනෙකුගේ බුද්ධිය අවධිකරන්න සමත් නොවේ යැයි මා සිතනවා.

  4. ලෝක වෙළඳ පොලේ තෙල් මිල ලංකාවේ දේශීය තෙල් මිලට බලපාන බව ඇත්ත.දැන් මෙතන හරිම විහිලුව වෙන්නෙ ඒක ලෝක වෙළඳ පොලට අනුපාතික නොවීම,ඒ කියන්නෙ ලෝකෙ තෙල් මිල ඉහල ගියත් පහල ගියත් ලංකාවෙ තෙල් මිල උඩට යන එක.මම නම් යෝජනා කරන්නේ ලෝක වෙළඳපොල මිලට අනුරූපීව ලංකාවේ තෙල් මිල තීරණය වන මිල සූත්‍රයක්.නැත්නම් දේශීය ඉල්ලුමෙන් හරි අඩක් සඳහා hedge කරන්න පුලුවන්.මොකද එතකොට කලින් වතාවට වඩා බලපෑම අඩුයි.
    Reply

    Replies










    1. රජය ජනතාවාදී වනවානම්.... ජනතාව ගැන සිතයි.

  5. අපේ රටේ පාලකයෝ ජනතාවට ටොක්ක අනින්නේ ඔළුව අතගාලා... දැන් පෙන්වන අලුත්ම ජවනිකාව රට පුරාම පෙනෙනෙ පාට පාට එළි. මින්නිස්සු කට ඇරගෙන උඩ බලාගෙන ඉන්න අස්සෙ තෙල් මිල උස්සලා.තෙල් මිල වැඩි උනා කියන්නෙ එදිනෙදා පරිභෝජනය වෙන හැම භාණ්ඩයකම මිළ වැඩි වෙනවායි කියන එකනේ.කොටින්ම තව ටික දවසකින් නොමිලේම මැහි තෙල් ටිකකුත් දෙයි..ජීවත් වෙන්න අමාරු නම් මැරිලා යමල්ලා කියලා..
    Reply
  6. සම්පුර්ණ ඇත්ත ඔබ කියලා තියෙන්නේ.මිනිස්සු හරි සංවේදීයි.ඒ සංවේදි මිනිසා රැවටිම මහා පාපයකි.තමන්ගේ දරුවන් විතරක් නලවලා මදි.රටක දරුවන් වැළපෙද්දී.
    මනසින් දිවියට
    Reply
  7. ඔබගේ ලිපිය බොහෝ උත්තේජකරය. එය මට ද හොදින්ම දැණිනි. ඔබ ඉතා සාර්ථකව මෙය ලියා ඇති බව මට ද වැටහේ. ඇන්තනිගේ විස්තරය ඇත්තටම මට මහත්ම උත්තේජනයක් ඇති වූ ස්ථානයයි.

    සුසිල් ගොයියා අධ්‍යාපනයට කොරපු හරිය දැන් පේනවනේ. මුන් හොදයි කොටුවේ පඹයන්ට හිටවන්න. තෙල් ටිකටත් ඒ කෙලියම තමයි.

    මට මෙතනදි කියන්න ඕනෙ ඒක නෙමෙයි. ඇයි තෙල් මිල වැඩි වෙන්නෙ. ලෝකයේම සීත කාලයට තෙල් මිල වැඩිවීම එතරම් ප්‍රශ්නයක් නෙමෙයි. ඒක නැවත සෘතුව ඉවර වුනහම වෙනස් වෙනවා. ඔබ දන්නවනේ බොහෝ රටවල තෙල් වලට තියන්නේ දිනෙන් දින වෙනස් වන මිල ගණන්. සමහර තැන්වල දිනපතාම ටුඩේස් ප්‍රයිස් බෝඩ් එක දානවා. මා එය දැක තිබෙනවා.

    ලංකාවේ තෙල් මිල වැඩි වන්නේ බදු නිසයි. මුන් අපෙන් ගන්න කප්පන් වලින් තමයි කාර් රේස් යන්නේ. ය්ටි මඬි ගහන්නේ. හිතන්න තෙල් වල බදු ඉවත් කලොත් තෙල් මිල කීයක් වෙයිද? මම හිතනවා රුපියල් 70 - 80 විතර මිල අඩු වෙයි කියලා. දෙයියනේ ජනතාවගේ මුදල් නේද මේ කප්පන් ගහන්නේ?

    ඔය මිල උච්චාවචනය වන්න ආංඩුවක් ඕනෙ ද කතාව කිව්වේ අපේ දේශප්‍රේමී විමලෙ මලයා නොවැ. අනේ මගේ කට?

    වටිනා සටහනක්. ජය.
    Reply

    Replies










    1. වෙනත් රටවල තෙල් මිල ඉහල යන කාල වලට පෙර (සීත ඍතුව) තෙල් ගෙන්වා ගබඩාකර ගන්නවා. අපි එහෙම කරන්නේ නෑ නේ. පසුගිය දවස්වල සපුගස්කන්ද පිරිපහදුවත් ලෙඩ උනානේ. බැරිම උනොත් ආයෙත් බාල තෙලක් හරි ගෙනවිත් දෙයි....

  8. අපේ රටේ සාමාන්‍ය ජනතාව අතරට හුඟක් වෙලාවට යන්නේ සත්‍ය තොරතුරු නෙවෙයි. ජනතාවගේ පිටට බරක් පටවන හැම වෙලාවේම මොකක් හෝ වචන හරඹයක් කරලා නැති දියුණුවක්, නැති අසිරියක් අල්ලේ මවල පෙන්වන එකනේ කරන්නේ. ඉතින් ඕවා බලන අපේ අයට ඔක්කොම ඇත්ත...
    Reply
  9. ලුම්බිණිDecember 18, 2012 1:55 PM
    තෙල් මිල වැඩි වන එක ලෙහෙසියෙන් නවතන්න බැහැ මේ රටේ කරගෙන යන වැඩ පිළිවෙල අනුව. තෙල් වල තියෙන බදු අඩු කරන්න බැහැ එහෙම කලොත් රජයේ අදායම් අඩු වෙනවා. හෙජින් වලින් මිල අඩු කරන්න බැහැ. අද ක්රුඩ් ඔයිල් මිල $87, බ්‍රෙන්ට් ඔයිල් මිල $107, සින්ගපුර් මිල $114. අවුරුද්දකින් බලාපොරොත්තු ක්රුඩ් ඔයිල් මිල $107. ඒ අනුව මිල වැඩි වීමක් විනා අඩු වීමක් හිතන්න බැහැ. මේ තමයි ලෝක වෙළඳ පොළ තත්වය. ලංකාවේ ප්‍රශ්නයට මේකත් සමග තව දේවල් බලපානවා. ඒ තමයි අපේ රුපියල බැහැගෙන යාම. අපි සල්ලි මුද්‍රණය කරමින් යන කොට එක අමුතු දෙයක් නොවේ. මහා බැංකු සංචිත වියදම් කරමින් රුපියලේ අගය තියා ගන්න බැහැ හැමදාම. කොටින්ම අපට පැහැදිලි ආර්ථික ප්‍රතිපත්තියක් නැහැ. මුල්‍ය ප්‍රතිපත්තියක් නැහැ. අපි ලෝකෙට පරකාසේ පෙන්නන අය. මැද පෙරදිග වැඩට ගිහින් දුක් විඳින අය නැත්නම් අපි මීටත් වඩා අන්තයකට වැටෙනවා.
    Reply

    Replies










    1. ඇත්ත වශයෙන්ම....

  10. ගොඩක් පැහැදිලිව අර්ථදක්වා තිබෙනවා.. ඔයා කියන කථාව සම්පුර්ණ ඇත්ත.. එත් තියෙන ප්‍රස්නේ අපේ මිනිසුන් ඇත්ත දැක දැකත් අන්ධයෝ විදියට ඉන්න එකනේ ..
    Reply
  11. ඇමරිකාවේ ඉන්ධන මිල වෙළඳ පොලේ ඉල්ලුම සැපයුම අනුව තීරණය වේ මෙය රජයෙන් මිල තීරණය කරනවාට වඩා පාරිභෝගිකයාට වාසිදායකය මගේ නිවස පිහිටි ප්‍රදේශයේ විවිධ ඉන්ධන පිරවුම් හල් බොහෝය. මේවා අතර තරඟය නිසා හැම ඉන්ධන පිරවුම් හල් හිමියෙක්ම තමන්ගේ ලාභය අවම කර ගනිමින් අඩු මුදලට දී වැඩි පාරිභෝගික පිරිසක් ගෙන්වා ගැනීමට කරන තරඟය නිසා වැඩි වාසිය හිමි වන්නේ පාරිභෝගිකයාටමය. ඇත්තටම මා නිවස අසබඩ එකම තැන පාර දෙපස ඉන්ධන පිරවුම් හල් දෙකකි එකක් ඉන්දියානු ජාතිකයෙකුට අයත්ය අනික පලස්තීන ජාතිකයකුටය. මේ දෙදෙනා දිනපතාම පාහේ ගණන් මාරුකරයි මේ දෙදෙනාගේ ගේ තරඟය නිසා හැමවිටම ඉතා අඩු මිලට අපිට ටැංකිය පුරවා ගත හැක.
    ලංකාවේ හැම දෙයක්ම අපි රජය ට භාර දෙන්නේ වැඩි හොඳක් වේයැයි සිතා වුව ලංකාවේ ජනතාවගේ ප්‍රධාන සතුරා රජයමය. රජය ව්‍යාපාර නොකළ යුතුය යන්න මගේ අදහසයි.
    තෙල් ලීටරයක් මත ඇති රජයේ බදු ප්‍රමාණය ද ඉතා අධික බව මෙහිදී සැලකිය යුතුය.
    මේ බදු මුදල්ද නැවතත් රජයේ වියදම් ලෙස මැති ඇමතිවරු කාබාසිනියා කර දමයි.
    Reply

    Replies










    1. ඒ සතුරාටම අපේ සමහරක් දොළෙපිදේණි ලෙස ජනතා ශ්‍රමය තවත් සූරාගන්න වටපිටාව සකසා දෙනවා. අපි එය වෙනස් කිරීමට හැකි පමණ කටයුතු කරමු.

  12. ඔබේ ලිවීමේ රටාව අනුව ඔබ ඉතා ඉදිරියෙන් සිටී. ඒ කොලර් උස්සා ගැනීමටයි. තෙල් ප්‍රශ්ණයේ අතීතය මතක් කිරීම ඉතා යහපත් කටයුත්තකි. මොකෝ අපේ උන්ට හැම දේම සති දෙකයිනේ. තෙල් නම් කීයටවත් වැඩි වන්නේ නෑ කියන කොටම මම දැනගත්තා බඩු හරි කියලා. ආන්ඩුවට පඩි ගෙවන්නවත් සල්ල් නෑ. ඒ තියෙද්දි තමයි තවත් ආන්ඩුවේ රස්සාවල් පුරවන්නේ. ආර්ථිකය අනාගැනීම 1994 ඉඳලා තියෙන්න හේතුව ඔබට පහදා දෙන්න ඕන නෑ නේ. ආශ්චර්ය කෙසේ වෙතත්. සෝමාලියාව පැත්තෙ යන ලකුණු නම් පැහැදිලිව පේනවා. ඉඩී අමීන් ගේ පුතාටත් තිබුනා පට්ට රේස් කාර් පිස්සුවක්....
    Reply

මහත්වරුනි මා හට ද දේශද්‍රෝහි යැයි කියහල්ලා.


මෙම දිනවල ආන්දෝලනාත්මකව පැතිරෙන තවත් එක සමාජ පරිහානියක් දැකිය හැකිය. එය කෙසේ පටන් ගන්නේදැයි, කෙසේ විග්‍රහකළ යුතුදැයිමාහට සිතා ගත නොහැකි නමුත් කාලීනව කතා කළ යුතුම මාතෘකාවකි. ඒ අතීතයේ සිට පැවති, වරින්වර හිස එසවූ සහ වත්මනයේ හිසඋසවා ඇති ආගමික සහ ජාතික අන්තවාදී ආකල්පයි.

අප රට ප්‍රධාන වශයෙන් පහතරට සිංහල, උඩරට සිංහල, ඉන්දීය දෙමළ, ශ්‍රී ලංකා දෙමළ සහ ශ්‍රී ලංකා මුස්ලිම් වශයෙන් ජන කොට්ඨාසපහක් සහ මැලේ, යුරෝපීයයන්, ලංසි ආදී තවත් සුළු ජාතින් ද ජීවත්වන රටක්වන අතර, ආගමික වශයෙන් බෞද්ධ, හින්දු, ඉස්ලාම්,කතෝලික සහ අනෙකුත් වශයෙන් බෙදී යයි. වර්තමානයේදී පැන නැගී ඇති ගැටලුව වනුයේ මෙකී ආගම් සහ ජාතීන් අතර ඇතිකරන්නාවූ ඝට්ටනයයි. මා එය ඇතිකරන්නාවූ යනුවෙන් සඳහන් කරනු ලැබුවේ හුදෙක්ම එය පරිබාහිර සාධකයකින් තොරව ස්වායක්තව පැනනොනැඟීම හේතුවෙනි. එබැවින් මෙම ජාතීන් සහ ආගම් අතර මෑත කාලීනව ගැටලු පැන නැඟිනු ලැබුවේ කුමන හේතු කාරණා මත ද, එයටවස්තු බීජ සපයනු ලැබුවේ කවුරුන් විසින් ද යන්න විමසා බැලීම වටී.

ජනසංඛ්‍යා ලේඛන දෙපාර්තමේන්තුවට අනුව අද දක්වාම ශ්‍රී ලංකාව වැඩිම ගහණයක් පෙන්වනුයේ සිංහල ජාතීන් සහ බෞද්ධ භක්තිකයන්ය. මෙම ලිපිය ලියන මාද සිංහල මෙන්ම බෞද ආගමට අයත් වේ. නමුත් මා කිසිවිටක දේශපාලනික, ආගමික හෝ වෙනත් කුමන කෝණයකින් හෝ අන්තවාදී වීමට උත්සාහ නොකරමි. එය බුද්ධි ගෝචර නොවේ යැයි මාගේ හැඟීම වේ. නමුත් මෙම ලිපියට අනුව සමහරවිට මා එක් අන්තයකට ඇද දැමීමට ඔබ පෙලෙබෙනවානම් ඒ සම්බන්ධයෙන්ද මා පුදුම නොවෙමි. මන්ද යත් මනෝ විද්‍යවේ කියැවෙනපරිදි ළමා අවධියේදී මිනිස් මනසේ ආශ්‍රිත වටා ගොණුවෙන බොහෝ ආකල්ප ඉවත් කිරීම ඉතා අසීරු බැවිනි. කුඩා කළ අඳුරට බය ළමුන්වැඩිමල් වූ විට ද අඳුරට බය වනුයේ ද මේ හේතුවෙනි. එමෙන් ම මනසේ නිර්මාණය වන සහ තැන්පත්වන ආගමික / ජාතික සංකල්ප මෙන්ම හැඟීම් ද ඉවත් කිරීම තරමක් අසීරුය. සමහර විට දේශපාලන දැක්ම ද මීට අදාළ වෙනවා. කුඩා කල සිට දෙමාපියන්ගෙන් ලත් ආභාසය සහ හිතවතුන්ගේ ආශ්‍රය මත “කැපුවත් **** පක්ෂේ“ යැයි කියන කාරණයට මා ඉහත පැවසූ සම්බන්ධතාවයේ ද දායකත්වයක් ඇති බවසිතිය හැකිය. බුද්ධියෙන් තොරව පවුල් උරුමයක් ලෙස මේ මාගේ පක්ෂය ම යැයි කියා ගනිමින් ක්‍රියා කිරීමද අප රට අගාධයකට ඇද දැමීමට හේතු වූවායැයි පැවසුවහොත් මා සමඟ විරුද්ධ විය හැකි ය. නමුත් එම කාරණය සත්‍යයට ආසන්න ය.

1954 දී ශ්‍රීලනිපයෙන් සොලමන් වෙස්ට් රිජ්වේ ඩයස් බණ්ඩාරනායක හෙවත් එස්.ඩබ්.ආර්.ඩී. බණ්ඩාරනායක මහතා අග්‍රාමාත්‍ය ධූරයටපත්විය. ඔහුගේ ඡන්ද පොරොන්දු අතර සිංහල ජනතාව කිති කැවීම සඳහා උපයෝගි කර ගත් පොරොන්දුවක් විය. එතෙක් සිංහල සහ දෙමළ යන රාජ්‍ය භාෂා වෙනුවට සිංහල පමණක් රාජ්‍ය භාෂාව කිරීමට පියවර ගන්නා බව ඔහු පැවසූ අතර, ජයග්‍රහණයෙන් පසු එය අකුරටම කිරීය. මෙය දෙමළ ජාතීන්ගේ මානසිකත්වය ශ්‍රී ලංකා රජය වෙතින් ඈත් වීමට හේතු වූ අතර සිංහල කතා කරන ජනතාව සහ දෙමළ කතා කරන ජනතාව අතර වැටක් බඳීමටත් හේතු විය. එමෙන්ම ඉන් පසුව බලයටපත් නායකයන්ගේ මෙන්ම පාලනයේ අදූරදර්ශීභාවය සහ තවත් හේතු සාධක ගණනාවක් මත, එල්ටීටී සංවිධානය බිහිවිය. එය එක්තරා ජාතිවාදී අරගලයක ස්වරූපයෙන් දියත් වූ අතර, මේ හේතුවෙන් නැගෙනහිර සහ උතුරේ දෙමළ තරුණයන් සමහරක් එල්ටීටීයේ සමාජිකයන් බවටපත් විය. 

සිංහල මිනිසුන්ද කෙතරම් ජාතිවාදී වූ වද යන්න කියතොත් 1983 ඇති වූ කළු ජූලියේදී අප ගම්වල සිටි අහිංසක දෙමළ මිනිසුන් අතිශයදරුණු ලෙස පීඩාවට පත් කිරීය. ඔහුණේ දේපල සෝරා ගන්නා ලදී. මේ දේශපාලන උවමනාවන් වෙනුවෙන් ගත් තීන්දු තීරණ හේතුවෙන් රටතුළ උද්ගත වූ තවත් එක් ඛේදනීය සිද්ධියකි.

බලයේ පැවතුන ආණ්ඩු නොයෙක් ආකාරයෙන් ජාතිවාදය ජනතාව තුළ පැලපොදියම් වීමට ඉඩහැර බලා සිටීහ. පාසල් පොත්වල එළාර-දුටුගැමුණු කතාව මහවංශයේවත් නැති තරමින් විකෘත්කර දැකිවීය. කිසිම ලැච්ඡාවකින් තොරව “දෙමළු මරා“ යන වචන අතිශය දරුණු ලෙසභාවිත කරයි. එළාර රජු පිළිබඳව කිසිම වරදක් මහවංශයේද සඳහන් නැති මුත්, මොවුන් දරුවන්ට පවසා සිටිනුයේ එළාර පාලනය යනු අතිශය දරුණු පාලකයෙක් යන අදහස් මාලාවකි. මෙ මගින් ළමා මනසේ විකෘති අදහසක් සැකසෙනවා කියා සිතිමට බැරිතරමින් අපේ අධ්‍යාපන විශේෂඥයන් මෝඩද?දේශපාලකයන් මේ තරම් මෝඩද? දැනට එම පොත් සංශෝධනය වෙමින් පැවතුන ද, ඔහුන් විසින් ඇති කළ ආකල්ප ජනතාව තුළින් ඉවත්කිරීමට බොහෝ කලක් ගතවනු නිසැක ය. ජාතීන් අතර සමගිය සහ සංහිදියාව අප ගොඩනැඟිය යුතු නොවේද. මහාචාර්ය නලින්ද සිල්වාමහතා මෙන් සියලුම ගැටලුවලට බෞද්ධ සංස්කෘතිය මුල්කර ගනිමින් පාලන තන්ත්‍රයේ හෙළුව වැසීමට අපද කටයුතු කළ යුතු ද? මහචාර්ය නලින්ද සිල්වාට අනුව සිංහලයා යනු මෙම රටේම ජනිත වී, මේ රටේම පරිණාමය වී ඇති, වෙනත් කිසිදු සම්මිශ්‍රණයකින් තොරව අපේම දර්ශනයකින් සහ සංස්කෘතියකින් පෝෂණය වූ ජන කොට්ඨාසයකි. නමුත් ජාතික චින්තනයේ එරී එහිම ඇලී ගැලී සිටින ඔහුද සිල්වා පරපුරේ ඥාතියෙකි.

වතුකරයේ දෙමළ ජනතාවට (බොහෝ විට මොවුන් ඉන්දියානු දෙමළ ය) ඉතා පහත් අන්දමින් අපේ සමහර මිනිසුන් සලකයි. සමහරෙක් බසයක එක අසුනෙ හිඳ ගැනීමට පවා අකමැති ය. අකමැත්තෙන් හෝ කිවයුතු දෙයක් ඇත. ඔහුන් නාමමාත්‍රික බෞදධයෙකු, කිතුනුවකුහෝ ඉස්ලාමීයෙකු හෝ විය හැකි ය. මා ඔබේ අගමට අගෞරව කරනවා නොවේ. ඔබ ආගමානුකූල නැතිය කියා පවසනාවා පමණී.

වර්තමානයේ සිදුවෙමින් පවතින තවත් ජාතිවාදී හෝ ආගම්වාදී තත්වයක් ඇත. එය මුස්ලිම් සහ බෞද්ධ ආගම් අතර පවතින සීතල යුද්ධයයි. දෙපාර්ශවය අතරේම මෙම අරගල පවතී. වගකිව යුත්තෝ නිහඩ පිළිවෙතක් අනුගමනය කරයි. එක් එක් සංවිධාන ඔහුන් විසින් සකසාගත් සිවිල් නීති ක්‍රියාවේ යොදවයි. විදේශීය රටක ඇති ආරවුලක් අපේ රටේ අවුලක් බවට නිරායාසයෙන් ම පත් කර ගනී. නමුත්, එකී රටවල එම සිද්ධිසිදුවනුයේ කුමන හේතුව මතද, යන්න කිසිවෙකු විමසා බලනුයේ නැත. අසු වූ ඕනම දෙයකින් ගසා දැමීමට දෙපාර්ශවයේම අන්තවාදී පිරිස්සමත් ය. මොවුන් කෙතරම් විචක්ෂණශීලී සහ නිර්මාණශීලී ද කිවහොත් ඕනම දෙයක් ජාතිවාදී හෝ ආගම්වාදී ස්වරූපයෙන්අර්ථ ගැන්වීමට අති දක්ෂ ය.

ආගමක් නිර්මාණය වීමට ප්‍රධාන සාධක තුනක් බලපානු ලබයි. ශ්‍රාතෘවරයෙක් සිටීම, ඇදහිලි හා විශ්වාස, යාගහෝම සහ ශාන්තිකර්ම යන යන මේවායි. අප දන්නා සියලු ආගම් නිර්මාණය වනුයේ මේ සාධක මත සිටමිනි. ඒ අනුව බිහිවන එක් ආගමක කරුණූ, අන්තර්ගතය, ඇදහිලි, විශ්වාස තවත් ආගමක භක්තිකයන්ට නුහුරුය. එය නොරුස්සන ස්වරූපයක් ගත හැකි ය.නමුත් එකී ආගම්වලින් අන්‍යා ආගමික බැතිමතුන් සමඟ සහයෝගයෙන් ජීවත්වීමට උපදෙස් දී තිබුණද සිදු නොවෙන්න වූ කාරණය ද එයම ය. වර්තමාන තත්ත්වය සැලකුවහොත් එය හින්දු භක්තිකයන්ට, ඉස්ලාම් භක්තිකයන්ට, කතෝලික් භක්තිකයන්ට මෙන්ම බෞද්ධ භක්තිකයන්ටද එය පොදු ය. ඔහුන් අන්‍ය ආගම් තමාගේ ඉලක්කය වෙත යාමට අවශ්‍ය පරිදි අර්ථකථනයන් ලබා දෙන අතර, එකී ආගමික ගැටලු කුමන්ත්‍රණ කරුවන්ගේ මනදොළ සැපිරීමට සමත්වේ. අද දිනද සිදුවෙනුයේ සහ සිදුවෙමින් පවතිනුයේ එකී ජාත්‍යන්තර මෙහෙවරට අවශ්‍ය පසුබිම දෙරණ තුළ නිර්මාණය කිරීමේ භාරදූර කර්තව්‍ය වන අතර, ඒ හා බැඳුන අප රෙට් දේශපාලන උවමනාවන්ද වේ. අන්තර්ජාලය පරික්ෂා කර බලන්නේ නම්, එහිද ඍජුවම සහ ව්‍යංගයෙන් එක් එක් ජාතීන්වශයෙන්, ආගමික වශයෙන් සහ මධ්‍යස්ථ බව පෙන්වමින් ඒ වෙනුවෙන්ම Facebook, Blog, Web උපයෝගි කර ගන්නා ආකාරය අපට නිරීක්ෂණය කළ හැකිය. 

අප රටේ ඉතිහාසය සැලකුවහොත් බුද්ධාගම, හින්දු, ඉස්ලාම් සහ කතෝලික යන ආගම් ස්ථාපිත වූයේ කෙසේදැයි විමසා බැලිය හැකි ය. එය දින, මාස, වසර වලින් ගතවී සියල්ල දැන් ඉතිහාස ගතවී අවසන් ය. එය අපට ආපසු හැරවිය නොහැක. නමුත් බුද්ධියෙන් උසස් සත්වයෙකු ලෙස සිතීමේ හැකියාව ඇත. එය ඔබටද මටද පොදුය. මුස්ලිම් සහ හින්දු ජාතිවාදය ඉන්දියාව සහ පකිස්ථානය දෙකට කිරීමට හේතු විය. රටේ මතුවූ භීෂණය වලක්වනුවස් මැදිහත්වූ මහත්මා ගාන්ධි තුමා ඇතුළු බොහෝ පිරිස් අපමණ වෙහෙසක් ගනු ලැබුවා. අවසන මහත්මා ගාන්ධිතුමාව ද ඝාතනයට ලක් වේ. නමුත් මා දන්නා පරිදි පකිස්ථානය සහ ඉන්දියාව වෙන් කිරීමේ අරමුණ සහිතව ආගමික කෙටවීම කරවනු ලැබුවේ බ්‍රතාන්‍ය පාලනය විසිනි. එද නොදත් ඉස්ලාම් සහ හින්දු භක්තිකයින් එකිනෙකා තුළ වෛරය වපුරාගනිමින් ආගමික ත්‍රස්තවාදයක නියැලිනි. එල්ටීටීය ඉත්තෙකු ලෙස යොදා, එල්ටීටීය මෙහෙයවමින් බලාපොරොත්තු වුවාමෙන් අපේ රටේත් දෙකඩ වීමක් නැවත අපි ද අපේක්ෂා කරන්නේ ද?

මොහිදීන් බෙග් යනු සිංහල බෞද්ධ ගීතාලවලීයේ අදටත් නොමැකෙන නමක් තැබූ ඉස්ලාම් බැතිමතෙකි. බෞද්ධ කටයුතු සම්බන්ධයෙන් කිසියම් උත්සවයක් ඇති අවස්ථාවක ඔහුගේ හඩ අපට අදත් ඇසේ. පූජ්‍ය රඹුකන සිද්ධාර්ථ ස්වාමීන්වහන්සේ රචනයෙන් දායක වූවා සේම, බෙග් මාස්ටර් ඔහුගේ ලයාන්විත හඩින් සිංහල ගීතය පෝෂණය කළා. නිලාර් එන්. කාසිම් යනු තවත් එක් මුස්ලිම් ජාතිකයෙකි. නමුත් ඔහු සිංහල ගීත රචනයේ දක්ෂයෙකි. අප අද ද ඔහුගේ ගීත අසනු ලැබේ. ඔහු සිංහල භාෂාව පිළිබඳ ගෞරව උපාධියක් සහිත එකම මුස්ලිම් ජාතිකයා විය යුතු ය. එමෙන්ම පංසලේ පියතුමා ලෙස විරුද්ධාවලිය ලත් ගරු මර්සිලින් ජයකොඩි පියතුමන් අපට නොමැකෙන චරිත වී අවසන් ය. ඔහුන් අපට, සහ රටට ලෙංගතු වූවේ ය. නමුත් පාකිස්තානය සමග ශ්‍රී ලංකාව තරග වදින ක්‍රිකට් ක්‍රීඩාවකදී, සමහර මුස්ලිම් ක්‍රීඩා ලෝලීන් පාකිස්ථාන ධජය මුහුණේ ගසා සිටින අයුරු දැක ඇත. ක්‍රීඩා ලෝලියෙක් නූවූවද ශ්‍රී ලංකාවේ පය තබා ගෙන සිටින පුරවැසියෙක් ලෙස මා එය පිළිකුල් සහගතව දකිමි.

තවද, ඉස්ලාම් සහ කතෝලික ආගම් ප්‍රචාරය කිරීම සඳහා රටේ ගම් නියම් ගම් සැරිසැරීමේ අවශ්‍යතාවයක් කුමකටද? මුදලට ආගමේ ශ්‍රාවකයෙක් හෝ බැතිමතෙකු කර ගනු තරමට නුඹලාගේ ආගම් පහත් ද? තවමත් දරිද්‍රතාවයෙන් පෙළෙන අපෙ රටේ බහුතරයක් ජනතාව මුදලට ආගමීකරනය කිරීමේ සැදී පැහැදී සිටින “නව ජීවන සභාව“ “ද්වසරණ“ යේ සැබෑ හෙළුව කුමක්ද? රෝහල්වල හෝ වෙනත් ප්‍රසිද්ධස්ථානවල හැරී පෝටර් වැනි ආගමික නායකයින් පවත්වන්නාවූ දැවැන්ත මහා රෝග නිවාරණ වේදිකාවේ සත්‍ය කුමක්ද? ඔහුන්ට ඇති ඇති දේව බලයෙන් මේ ලෝකයේ සිටින දුගී දුප්පත් අසරණයින්ගේ ගැටලු විසදන්න බැරි ඇයි? ලොව සාමකාමී කරන්න බැරි ඇයි. සර්වබලධාරී නම් එය කළ හැකි විය යුතුම ය. (මට මෙතනදී ආගම් විවේචනය කිරීමේ අවශ්‍යතාවයක් නැත. නමුත්, ඔබේ සිතුම් පැතුම් සහ ක්‍රියාකලාපයන් විවේචනය කළ යුතු යැයි හැඟේ) අපේ රටේ නීතිය අනුව මෙයද අන්‍යාගමික කරණයක් විය යුතුය. මානසික අල්ලස් දීමක් වන අතරම එය ආගම් හෝ ජාතීන් අතර අසමගිය ඇති කරන තවත් එක දැවැන්ත වැඩ පිළිවෙළකි.

රටේ පැන නඟින ප්‍රශ්න නොපෙනෙන ඇස්පොට්ට වූ පාලකයන් සිටිනා අප රට ආසියාවේ ආශ්චර්යවත් රටක් බවට පත් කරනුයේ කුමන ස්වරූපයෙන් ද? ආගම් සහ ජාතීන් අතර සමගිය ඔහුන්ගේ මනසේ නැත. අවශ්‍යව ඇත්තේ ලැම්භෝගිනි, රෝකට්, චීන ව්‍යාපෘතී පමණකි. ඔහුන් රටට පූර්වාදර්ශ සපයමින් සිටිනුයේ නැතිනම් සමාජගත කරමින් සිටිනුයේ දූෂණ, භීෂණ, වංචාව.... දූෂණ, භීෂණ, වංචාවේ හීනි පෙත්තටම නැඟ සිටින, තම සැබෑ වත්කම් හෙළිකළ නොහැකි මොවුහු අගවිනිසුරුතුමියගේ වංචා ගැන කතා කරනුයේ කිසිදු ලැච්ඡාවකින් තොරවය. ආගමික නායකයන්ද එසේමය. තම ආගමේ හැසිරෙන්නන් තුළ ඇති අනන්ත වැරැදි වසා තවත් ආගමකට ඇඟිල්ල දිගු කරනුයේ තම ආගමේ භක්තිකයන් සුවච කීකරු ආගමානූකූල පිරිසක් බව ඉතා අපහසුවෙන් අන්‍යයන්ට පවසමිනි. එසේ නම් රට පාලනයට දේශපාලනයක් අවැසි නොවේ. ආගමික නායකයින් සිටීම හොඳටම ප්‍රමාණවත්. තවද මේ එකඳු ආගමික නායකයෙකුට රටේ උද්ගතවන්නාවූ ගැටලුව පිළිබඳව එක ඇඟිල්ලක් පාලකයන් වෙත දිගු කිරීමට නොහැකිය. මන්ද ඔහුන්ද පාලකයන්නේ ගොඳුරුය. මේ රූකඩ කරනා රඟපෑම් පසුපස සිට නූල් අදින්නන් බොහෝ සිටී.

තවත් බෝහෝ වැරැදි මුස්ලිම් ජනයා තුළද ඇත. කිතුනුවන් තුළද ඇත. බෞද්ධයන් තුළද ඇත. සියල්ලන්ටම අවශ්‍ය වනුයේ ජාතිවාදය හෝආගම්වාදයක් නම් එල්ටීටීය පරාජය කළ අපට තවත් එක යුද්ධ පිටියක් නිර්මාණය කරනු නොඅනුමාන ය. එයට අප සැරසෙමු. ඒකාධිපති දේශපාලනයෙන් හෙම්බත් වී ඇති අපි තවත් ගැටලුවක් නිර්මාණය කර ගනිමු. ජනගහණය වර්ධනය වනවා වෙනුවට තරුණ ජීවිත බිලි දීමට සැරසෙමු. මැද පෙරදිග සේවයේ නියුතු තරුණ තරුණියන් එහිම සිර කරවමු. මරණින් පසු විමුක්තියක් වෙනුවෙන් ජීවත්වන සිටින අප සටන් වැදීමට සූදානම් වෙමු. “ජීවත්වන තොපට නොව විමුක්තිය අවශ්‍ය මරණින් පසු යැයි“ අපට දේශපාළුවෝද අපට අටුවා-ටීකා සහිතව පෙන්වා දෙයි. එයට මඟ කියා දෙයි. අවැසිනම් ප්‍රතිපාදන ද වෙන් කර දෙයි. පසුගිය යුද්ධයේදී මෙන් ආණ්ඩුව කියන ආකාරයට හයිකොප් ගනුදෙනු තවත් අයෙකුට කළ හැකිය. පිල්ලියාන්,කරුණාඅම්මාන්, දයාමාස්ටර්, කේපී වැනි ජාතිවාදී සුරතල් හාවුන් රටට හඳුන්වා දිය හැකි ය.කෙටියෙන්ම කියතොත් දේශපාලකයන්ට හිඟන්නාගේ තුවාලය මෙන් තවත් කාලාන්තරයක් පාර පාරවා බෙහෙත් කිරීමට හොඳ මාතෘකාවක් බිහිවේ. නමුත්, මේ අන්තවාදය දේශපාලන උපායමාර්ගයක තවත් එක් පරිච්ඡේදයක් පුරවන අතර, රටේ දේශපාලන දෙවිවරු අපිව සූරා කයි. එදා-අද සහ හෙටත් මෙය සිදුවේ. ඔහුන්ට කිසිදු ආගමක පල විපාකයක් හෝ හෙණයක් නැත. එයට එදිරි වීමට කිසිදු සර්වබලධාරී දෙවියකු හෝ දහමක් ද නැත. මන්ද දෙවියන් පවා වශීවන වශී බෝතලයක් අතැතිව සිටී. ආගම්වල බලය මෙවැනි සමාජීය ගැටලු සහ දේශපාලනික බලය හමුවේ නිෂේධනය වන බව අමුතුවෙන් කිව යුතු නොවේ.

කාගේ හෝ එන් ජී ඕ ව්‍යාපාරයකට හසුවී දැනුවත්ව හෝ නොදැනුවත්ව හෝ ඔබත් මෙයට දායක වනවානම් ඔබ කරනුයේද ඔහුන්ගේ කොන්ත්‍රත්තුවක් මිසක දේශප්‍රෙමි කර්තව්‍යක් නොවේ. මෙම අදහස් සිංහල, දමිළ, මුස්ලිම් ඕනම ජාතියකට අදාළව සඳහන් කරනු ලැබු අතර කිසිවෙකු මුරුංගා අත්තේ තැබීමේ අවශ්‍යතාවයක් මට නැත. එය අන්වර් මනතුංග ටත් බොදු බල සේනාවටත්, යහමග ප්‍රකාශකටත් එය අදාළය. කෙතරම් දරුණු නීති අනුගමනය කළ ද මැදපෙරදිග රටවලද, අඩු ලිහිල් දඩුවම් සහිත අප රටේ ද වැරැදි කරන මිනිසුන්ගේ අඩුවක් නැත. ජාතියක් හෝ ජාතිකත්වයක් පෙළගැස්විය යුත්තේ මොළ කුරුවල් කර නොව හොඳ සාර ධර්ම මනසේ තැන්පත් කරලීමෙනි. ඔබ තුළ ඔබගේ ජාතිය ආගම පිළිබඳව ආඩම්බරයක් ගොඩනගා ගන්න. නමුත් එය තවත් ජාතියක හෝ ආගමක ඇඟිලි ගැසීමට නොව. නමුත් සියලුම ජාතීන් තම අනාගත පරම්පරාවට දෙනු ලබනුයේ මිනිස්කම පිරීහීයන ආදර්ශයන් නම්!


අන්තවාදයට අකමැති අයහට දේශද්‍රෝහීන් යැයි කියනවානම්, රජය තමාට විරුද්ධ මත දරන අය බටහිර කුමන්ත්‍රණ කරුවන් යැයි කියා හම්වඩු ගැසීමත් අතර වෙනසක් නැත.  
ඔබට ආගමෙන් ජාතියෙන් උරුම වූ සංස්කෘතිය, ඉතිහාසය.... ඇලුම් කරන්න. ජාතියට මෙන්ම ශ්‍රී ලාංකික ජාතිකත්වයට තැන දෙන්න. එවිට ඔබේ ජාතිය නිතැතින්ම රැකේ. කෙටියෙන් ම කිවහොත් ජාතිමාමකයෙක් වෙන්න. නමුත් ජාතිවාදියෙක් නොවෙන්න. 

සොයුරු සොයුරියනී මේ ගැනත් හිතන්න
  • අප රටේ පූජනීය ස්ථාන කඩා දමා නිදන් මංකොල්ල කනුයේ කවරහු ද?
  • රජය විසින් නිදන් ගොඩ ගත යුතු ය කියා පැවසූ පුරාවිද්‍යා චක්‍රවර්තී මතකද?
  • පංසල්වල පැරණි ලියකියවිලි සොයා මෙහෙයුම් දියත් කරනුයේ කවුද?
  • කැළණීයේ මස් වෙළදාම 2013 තහනම් කියා බොදු බල සේනා පවසන්නේ මොකුත් නොදැන ද? කැළණීයේ තම හිතවතාට 2013 ටෙන්ඩර් නොලැබීම හේතුවෙන් මස් අලෙවිය තහනම් කරන විට එයට බෞද්ධ ලේබලයක් ඇලැවිය හැකිද?
  • සර්වඤ්ඤ ධාතූ වහන්සේ පෙන්වමින් මොහොතකට මිනිස් විරෝධතා යටපත්කර ඡන්දය දිනන එක ඔබ අනුමත කරන්නේ ද? එනම් සර්වඤ්ඤ ධාතූ වහන්සේ දේශපාලනයට යොදා ගැනීම ඔබ අනුමත කරන්නේ ද?
  • දියවඩන නිලමේලා වරප්‍රසාද භුක්ති විදිමින් ව්‍යාපාරවල නිරත වෙනුයේ කුමන දේශපාලකයාගේ උපකාර සහිතවද? 
  • සෑම ආගමකම නිකායවල් ඇත්තේ ඇයි. ඔහුන්ගේ ඇදහිලිවල වෙනසක් ඇත්තේ ඇයි? 
  • රටේ විවිධ ජාතීන්ගේ සංස්කෘතිය විනාශ වීයාමට නිසි ප්‍රතිපත්තියක් නොමැතිකම නිසා රුපවාහිනිය සහ රේඩියෝවෙන් කොපමන බලපෑම් සිදු කරනවාද? 
  • දිනෙන් දින ව්‍යාප්තවන ස්ත්‍රී දූෂණ, ළමා අපචාර, ගැබ්සා කිරීම්, වංචා, භීෂණ දේශපාලකයන්ට මෙන් ආගමික නායකයින්ට ද නොපෙනේද? 
  • කටුගේ වැනි අපේ ජාතික වස්තූන් මකෝල්ල කනුයේ කවුරුන් ද? 
  • ජාතියක්, ආගමක් නොසලකා එකසේ පොදුවේ ක්‍රියාවේ නැංවෙන සුදු වෑන් සංස්කෘතිය කිසිවෙකුට නොපෙනේ ද? 
  • පාලන පංතියේ සුදු කරපටිකාරයින් මත්පැන් හල් පවත්වාගෙන යමින් මතට තිත තබන ආකාරයත්, මත්කුඩු ව්‍යපාරය කරගෙන යාමත් හේතුවෙන් අපේ රට සංස්කෘතිය කෙතරම් කෙළසී ඇති ද?
  • දූෂිතව හැසිරෙන එක් එක් ආගම්වල පූජ්‍ය පක්ෂය ගැන තීරණ ගැනීමට එම ආගම්වලට නොහැකි ඇයි? එයට වෙනත් ආගමක සහය අවැසි ද?
  • ආගමක, ජාතියක, රටක ජනගහන වේගය රඳා පවතින ප්‍රධාන නිර්ණායකය දිළිඳුකම බව නොදන්නේ ද?
  • ගණිකා වෘත්තිය නීතිගත කරන් සමහර ජනතා නියෝජිතයින් අදහස් පල කරන විට එය අන්වර් මණතුංගට මෙන්ම බොදුබල සේනාවට හෝ sorry.com ට හෝ නොපෙනේ ද?
  • සවීඩන් අධාර යටතේ “පුංචි පවුල රත්තරන්“ යනුවෙන් සංකල්පයයක් 1965 දී සඛ්‍ය අමාත්‍යාංශය හා බද්දව ව්‍යාප්ත වීමට ඉඩ හරිනු ලබනුයේ අප රටේ දේශපාලකයන් කිසිවක් නොදැන ද? ඒ තරමට මැටි මොළද? (ඔහුන්ව පත්කර ඇත්තේ ද අපි මය) ඔහුන් ක්‍රමිකව ජනතාව ගොඳුරු කරවූ උගුල්වල වැටී අප ජාතීන් අතර සටන් වදිමුද?
  • නෝ ලිමිට් මෙන්ම හිරු එෆ් එම් ද මා දන්නා තරමින් කුඩු ව්‍යාපාර මඟින් උපයාගත් කළු සල්ලි සුදු කිරීමට යොදා ගත් ආයතනය. කළු සල්ලි සුදු කරනා තවත් ව්‍යාපාර අනන්ත ඇත. අප එවන් ව්‍යාපාර වර්ජනයකළ යුත්තේ ආගමික පසුබිමකින් නොවන බව ඔබ නොපිළිගනුයේද?
  • ශාන්ත වැලන්ටයින් තුමාගේ වැලැන්ටයින් දිනය ලංකාවට හඳුන්වාදෙන විට (1990) හෙවත් ශ්‍රී ලංකාවේ සංස්කෘතික විපරියාසයක් සිදුවන විට ආගමික ස්‍රාතෘවරුන් සිටියේ කොහෙද?
  • රජ්‍ය නායකයා මුතුකුඩය යට යනවිට කරඩුව ස්වාමීන් වහන්සේ නමක් තම හිස මතින් අවුවේ වැඩමවූ බව ඔබ නොදන්නේ ද? එය එකාධිපති වියරුව නොවේ ද? 
  • රටේ වංචා, දූෂණ, භීෂණ දිනෙන් දින හිස ඔසවන බව ඔබ නොදන්නේ ද? එය අන්වර් මණතුංගට මෙන්ම බොදුබල සේනාවට හෝ sorry.com ට හෝ නොපෙනේ ද?
  • දේශපාලන මැදිහත්වීමෙන් මත්ද්‍රව්‍ය වෙළදාම සාර්ථකව රාජ්‍ය අනුග්‍රහ සහිතව කෙරීගෙන යන මුත් මෙවන් සමාජ පරිහාණී අන්වර් මණතුංගට මෙන්ම බොදුබල සේනාවට නොපෙනේ ද? 
  • අන්වර් මනතුංගට මෙන්ම බොදුබල සේනාවට මුදල් එන්නේ කොහෙන්ද? 
  • සීතල යුද්ධයක් හිස ඔසවද්දී පාලන පංතිය මුනිවත රකිනුයේ ඇයි? 

විශාරද නන්දා මාලනී මහත්මිය විසින් ගායනා කරන ගීතයක් මාගේ මතකයට නැගේ  
බුදුනේ.. ජේසුනේ… නාභි නායක තුමණි…
නොමිනිසුන් හට මිනිසත් කම දුන මැනවි .. මිනිසුන් හට ප‍්‍රඥාව දුන මැනවි ..
ප‍්‍රඥාවන්තයින් සින්හසනාරූඩ කල මැනවි ..  
අයුක්තියේ ඝන ශිලා තලා බිඳ.. විමුක්තියේ ජාල ධාරා ..
මුදා හරිනු මැනවි ..
සිංහ වෙසින් එන සිගාලයින් වනසාලනු මැනවි…  
මිත්‍යාවේ කළු වලා කඩා හැර . විද්‍යාවේ නව රේකා ..
උදා කරනු මැනවි…
බැටළු වෙසින් එන ව්‍යග්‍රයින් හඳුනා දුන මැනවි ..
සමාවෙන්න මා දන්නේ සිංහල ගී පමණී. නමුත් සියලු ජාතීන් සහ ආගම්වලට මෙකී අර්ථයෙන් මිදිය නොහැකි ය. එමෙන් ම ජාතිවාදය/අන්තවාදය බිහිවීමට පසුබිම් සැකසීමෙන් සහ පෝෂණය කිරීමෙන් දායක වූ පාලන පැලැන්තියට ද එකසේ අදාලය.

පසු සටහන
මහාවංශයද සෑම විටම සත්‍යම පවසා නැත. එය ලියැවෙන සමහර ස්වාමීන් වහන්සේ විසින් රජු පිළිබඳව උපරිම වර්ණනාව ලබා දෙන ලදී. අද ද මේ තත්ත්වය පවතී. රජු හෝ අනෙකුත් පාලකයන් හෝ වෙනුවෙන් ඉහළම වර්ණාව, ගරුණාම ලබා දී ඒ වෙනුවට වරප්‍රසාද භුක්ති වීදින ආගමික නායකයින් ද සිටී. 
අප රටට, “මුස්ලිම් කොන්ග්‍රස්“, “දෙමළ සන්ධානය“ මෙන්ම මෑතකදී බිහිකරගත් “හෙල උරුමය“,යනුවෙන් පක්ෂ කුමටද, මේ අන්තවාදයේ ලක්ෂන නොවේද? 
අවිහින්සා වාදයේ පියා ලෙස සැලකෙන මහත්මා ගාන්ධිතුමා (මොහන්දාස් කරම්චක්ද් ගාන්ධි)1948 දී පකිස්තානු ජාතික නතුරාම් ගෝඩ්සේ විසින් වෙඩි තබා ඝාතනය කරන අතර, උසාවියෙන් ඔහුව වැරැදිකරුකර එල්ලා මැරීමට තීන්දු කරයි. එල්ලා මැරීමට පෙර ඔහු විසින් ලිපියක් ලියන අතර එහි තමා විසින් එම ඝාතනය කරනු ලැබුවේ පකිස්ථානයසහ ඉන්දියාව දෙකඩ වීමට පසුබිම මහත්මා ගාන්ධි විසින් ඇති කළ බව පවසමිනි.

මා විසින් මීට පෙර පල කළ මගේ post එක අත් වැරැදීමකින් මැකී ගියා. එය නැවත පල කිරීමකි මේ. ඔබ විසින් එවන ලද කොමන්ට් වලින් කොටසක් පමණක් google වලින් සොයා ගනු ලැබූ අතර එය මේ ආකාරයෙන් පල කරමි.

පෙර ලිපිය 
http://webcache.googleusercontent.com/search?q=cache:S41iWjHIw0gJ:yadaminbeda.blogspot.com/2012/12/blog-post_16.html+&cd=1&hl=en&ct=clnk&gl=lk

10 comments:

  1. පල්ලිය,පන්සල,කෝවිල සහ අනෙකුත් ඕනෑම ආගමික ආයතනයක් විසින් සිදුකරනු ලබන්නේ පාලකයා හට නිරුපද්‍රිතව ස්වකිය පාලනය පවත්වාගෙන යාමට හිතකර පරිදි ජනතාව හැසිරවීමයි.අපි මොහොතක් නැවතී අතීතයට එබී බලමු.තම පාලනයට ජනතා විමුක්ති පෙරමුණ අභියෝගයක් බව වැටහුණු පළමු මොහොතේම දෙමළ සිංහල ගැටුමක් නිර්මාණය කරමින් ජාතින් එකට හප්පා ඒ ගැටුමේ වගඋත්තරකරුවන් ජනතා විමුක්ති පෙරමුණ බවට චෝදනා කොට එම දේශපාලන ව්‍යාපාරය විසින් ජේ.ආර් විසින් තහනම් කරනු ලැබුවා.මර්ධනය කළා.
    අද දවසේ එම සිද්ධියම වෙනත් මුහුණුවරකින් උඩට ගැනීමට වත්මන් පාලකයා උත්සහ කරනවා.ක්‍රමිකව කඩාවැටෙන පාලනය තව දුරටත් පවත්වා ගැනීම සඳහා ආගමික අවුලක් හදා ඒ ගැටුමට මුවාවී පාලනය සහතික කර ගැනීමට උත්සහ කරමින් ඉන්නවා.
    Reply

    Replies








    1. ඔබ නිවැරැදියි.
      මා සිතුවේ මට ලැබෙන පළමු comment එකම මඩ ගොඩක් වේ යැයි කියා.
      ඔව්, 1983 කළු ජූලීය ගැන විය යුතුයි ඔබ කියනුයේ. ඔබ සාරාංශගත කර ඇති තොරතුරු නිවැරැදියි. තවද, ජේ.ආර්. මහතා ජවිපෙට එදා සිංහල ජාතීවාදී යන ලේබලයක් ද අලවනු ලැබුවා පමණක් නොව, කලු ජූලීයේ කළු පැල්ලම ද ඔහුන්ගේ ගිණිමට ම බැර කර අත පිස දමා ගනු ලැබුවා.
      එනම්, ධනවාදයේ අර්බුද පැනනගිනවිට ඊට පැලැස්තරයක් ලෙස සහයට එකතු කරගනු ලබන සගයෙකුනම්....
      ජාතිවාදයයි....

  2. ලුම්බිණිDecember 7, 2012 3:03 PM
    ජාතිවාදය හැම කෙනෙක්ම යොදා ගන්නේ නැහැ ධනවාදයේ අඩුපාඩු වහ ගන්න. අඩුපාඩු නැති පාලන ක්‍රමයක් නැහැ. අනික් කරුණ නම් හැම සමාජ වැරද්දකටම හේතුව ධන වාදයත් නොවෙයි. ඇයි පාට කන්නාඩි දමාගෙන වටපිට බලන්නේ? කන්නාඩි ගලවල බලන්න ඇත්තටම වෙන්නේ මොකද්ද කියල.
    Reply

    Replies








    1. පාට කණ්ණාඩි යනු නිල්, කොළ, රතු විය යුතුය. නමුත් අවම වශයෙන් මාගේ facebook ගිණුමෙන් හෝ එවැන්නකට දායක වී නැහැ. නමුත් ඡන්දය දෙනවා. අවස්ථාවේ හැටියට වඩාත් සුදුසු පක්ෂය තෝරා ගන්නවා. මා පාටකට හිර වී නැහැ. එබැවින් පාට කාණ්ණාඩි මට අදාළ නැහැ.
      “අඩු පාඩු නැති පාලන ක්‍රමයක් නැහැ“ කියා මෙය සැහැල්ලුවෙන් ගත නොහැකි යි. සුද්දාගේ කාලේ සිටම තම පාලනයට අභියෝග එල්ලවන විට ඊට සහායකයෙකු ලෙස ජාතිවාදය භාවිත කරනු ලැබුවා. බොහෝ මිනිසුන්ගේ ඇති දේශපාලනික අන්ධභාවය හේතුවෙන් එහිම නියැලෙමින් එහිම පැටලුණා. එපමණද මෑත කාලීන දේශපාලනයේ දී එනම්, 54 දී සිංහල ජාතිවාදයකට මුලපුරන්නේ සුළු අඩු පාඩුවක් නිසා නොව. 65 දී ජාතිවාදී අවශ්‍යතාවයන් රජය තුළට රිංගා ගනුයේ සුළු අඩු පාඩු නිසා නොව. 83 දී පාලනයට අභියෝග එල්ලවන විට එයට ද, ජාතිවාදයෙන් පිළිතුරු ලබා දෙනවා.
      රටේ අධ්‍යාපන, සෞඛ්‍ය, සහන, භීෂණ, අක්‍රමිකතා, ආර්ථික ආදී ජනතාව පිඩාවට පත්කරන දහසකුත් ප්‍රශ්න මතුවෙනවිට එය යම්තාක් දුටරට හෝ ජනතා මනසින් තුරන් කිරීමට ජාතිවාදය ඔහුන්ට මහඟු පිටුවහලක් වේවි. . . .
      නිදහසින් පසුව ද හැට පස් වසරකට ආසන්න වූ අපේ රටේ දුක්ඛිත අතීතය මෙන්ම වර්තමානයද පැහැදිලි කරනුයේ මේ සත්‍ය යි. . . .

  3. ලුම්බිණිDecember 10, 2012 9:08 AM
    ඔබගේ අර 'සොයුරු සොයුරියනි මේ ටිකත් හිතන්න' කියන කොටසේ අහල තියෙන ප්‍රශ්න වලට ඔබ උත්තර දන්නවද? අනික් කරුණ තමයි ඇයි ඔබ ඉන්නේ මේ සමාජය ගැන වෛරයකින්? පාට කන්නාඩි කියල මම කිව්වේ අපේ රටේ දේශපාලන පක්ෂ නොවේ. සමහර දේවලදී ඔබ නිගමනයකට බැහැල තමයි ප්‍රශ්න කරන්නේ. දේවල් දිහා විවුර්ත මනසකින් බැලීමෙන් තමයි හරිදේ වටහ ගන්න පුළුවන් වෙන්නේ (මම හිතන විදියට).
    Reply

    Replies








    1. ඇත්ත වශයෙන්ම මා ඒ පිළිබඳව සියලු කරුණු සමඟ ඉදිරියේදී ලිපි ඉදිරිපත් කරනවා. කාලය හරස් නොවේනම් එය හෙට අනිද්දා හෝ විය හැකිය. මා සමාජය ගැන වෛරයකින් නැත. වෛරයකින් සිට්‍නම් හෝ සමාජයෙන් තවත් පරිහානියට ලක් කිරීමට අවශ්‍ය නම් මෙහි මගේ බ්ලොග් කරණය වෙනස් ය. මෙතන ඇත්තේ සමාජ ක්‍රමය විවේචනයට ලක් කිරීමකි. සැවෝම මෙන් මාද කිසියම් දැක්මක් වෙනුවෙන් ලියමි. සාපේක්ෂව නිවැරැදිය කියා සිතන සත්‍ය වෙනුවෙන් පෙනී සිටීමක් උවද, මාගේ අන්තයේ අඩු පාඩු ඇතිනම් එයද විවේචනය කිරීමට මැලි නොවෙමි.
      විවෘත මනසින් ලියන නමුත්, ඒ පිළිබඳව ඔබට මෙන්ම, අන් අයටද විවේචන තිබිය හැකි ය. පිළිගත හැකි පරිදි කරුණු සහිතව ලිවීමට උපරිම උත්සාහ කරමි.

  4. අර කියපු නොලිමිට්, හිරැ එෆ් එම් ගැනත් මොනවා හරි ලියමු. හාද?
    Reply

    Replies








    1. උත්සාහ කරනවා....

  5. Ape rate agamika arbudayak ethi wela civil janathawa kalabala unoth eken wedipura prayojana lebenne katada....What will happen for the social order and next generation…? If it is any combat what we are going to gain… Of course, we love our Buddhist country but fighting each others for religions will not give anything except worst.. Leaders of the state have to do something intelligently..We all have to think as humans…Have to be judicious…Do not allow Sri Lankans to dazzle…

    Thank for the page and Ms Nirmala..
    Reply

    Replies








    1. Thank for the your comment....
      හැකි උපරිමයෙන් රටේ ජනතාව මුලාවේ වැටෙන ආකාරය පෙන්වා දෙන්න උත්සාහ කරනවා.
Related Posts Plugin for WordPress, Blogger...